All Posts
陪產檢後嘅一餐
因為之前搭咗成日飛機加上隔離咗廿一日
先諗住食咩都好食過隔離酒店餐 同埋間嘢就咁上網睇話okay
點知…
特選刺身拼盤定食
係嘅，啲刺身係新鮮嘅，完。
其他嘢無咩特別
咪就係港式日本嘢囉
可能係期望過高啩…
咖喱牛肋條撈烏冬
雖則咖喱烏冬真係唔係咩靚嘢
但係呢兜嘢個賣相係呢個blog史上最唔開胃嘅
不過味道都係standard日式咖喱磚味
烏冬無咩特別牛肋條都無話好腍身，唉～
唐揚炸雞
炸得燶咗啲嘅炸雞囉
熱辣辣嘅，啲雞都juicy嘅
唔係非常鹹嘅
唔知係咪嗌錯嘢
啲嘢無預期中嘅好食
都唔係唔想畀多次機會再去幫襯
奈何有更多舖更出色真係好難會回頭呢…
一路揭揭揭個menu就超～ 煩～ 惱～ 我同佢兩條友得兩個胃
但係又樣樣嘢都好想食喎，點算好？
竹蔗茅根紅蘿蔔馬蹄水（冷）
足料去煲所以夠晒甜啊！
杞子龍眼菊花蜜（冷）
都好飲嘅，不過個菊花味濃啲
對大肚中嘅我嚟講好似寒咗少少咁啫
楚撚記脆皮燒BB鴿
鞦韆大搖籃咁上
不過隻燒鴿個樣比個裝飾更吸引
隻鴿夠晒鹹香唔使蘸淮鹽都okay
外皮脆卜卜鴿肉又會漏油真係好鬼正！
芝士琵琶豆腐
一定要蘸上芝士醬
就咁蘸都唔夠，倒多啲倒多啲啦please
啲琵琶豆腐隻隻都係脹卜卜
咬落回彈又香魚味
係就算係猛咁倒芝士醬都食到嘅魚味
佢最勁係炸嘢但係一啲都唔油膩，好好食呀！
黃金椒鹽粟米
呢個係估佢唔到嘅驚喜菜式
鹹香嘅椒鹽味配飆汁嘅粒粒粟米
又去同佢食漢堡包喇～～～
田園沙律
combo set嘅沙律
新鮮菜呢家牛牛嘢當然唔係我㗎啦哈哈哈哈哈哈
黑松露和牛漢堡加煎蛋 | 經典芝士漢堡
松露 x 和牛，兩樣香爆嘅嘢但又可以中和漏嘅感覺
配包嘅係日式芝麻沙律唔係普通生菜
食落就唔係非常滯嗰種喇
大肚嗰陣其中一樣真係會戒口嘅係blue cheese
所以就要咗Cheddar嘅芝士漢堡
厚厚juicy嘅牛肉，加埋新鮮番茄生菜
同埋個烘得乾身嘅脆脆麵包
成個package咪就係正囉
配combo梗係揀炸薯格啦yeah～
熱辣辣夠哂香外脆內軟有薯味
熱氣嘢萬歲！！！
雖然佢好鍾意去初見
不過今日行過見到呢度唔使等位就拉佢入嚟食
有lunch set無理由唔嗌
set嘅滑滑茶碗蒸、「求其」日式沙律同無咩特別麵豉湯
係杯蛋食落唔錯，個湯真係一般般
沙律pass咗留畀食得健康啲嘅佢
特選三文魚盛合 | 立鮨特上壽司拼盤
是但啦反正係為咗食壽司先嚟
嘻嘻，啲刺身好新鮮舊飯都唔會實的的
好食啊！有好嘢食就好開心㗎喇
迷你葱吞拿魚腩飯
嗌嗰陣佢問我會唔會食唔晒㗎
一來蔥吞拿魚腩係唔會食唔得晒
二來個set本身得個五舊壽司點會食得飽
三來嗰陣大緊肚擺明有藉口食多啲嘢
（咪話我大肚食魚生，天氣咁熱我食過好多次生冷嘢喇哈哈）
要扮細食真係扮唔到囉sor
最多留少少畀你試吓個味喇
嗯… 啲嘢係新鮮嘅但係唔算高C/P值
只可以响犒賞自己慶祝日子先再返嚟食喇…
勁鐘意飲湯，知道附近就有燉湯飲就拉佢落去同我食消夜…
一意點心燉湯專門店
杯任飲嘅茶唔係一般普洱壽眉
係呢壺滿滿紅棗杞子龍眼肉嘅茶飲
料太多所以味道香甜呢～
淮山杞子花膠螺片燉雞
呢度嘅通常款燉湯有十款再加幾款手寫嘅
因為都夜喇就問聲仲有咩揀
然後揀咗滋陰養顏嘅呢款
足料而冇味精所以個味出卻唔太濃郁
似屋企燉嗰種多過似酒樓款式
蝦餃
間嘢叫點心燉湯嘛
咁嗌籠點心食都好正常
仲有蝦餃喎come on baby
嗯… 個皮厚咗啲個餡滿滿蝦都彈牙嘅
臘腸蒸雞飯
嘿嘿，就咁食點心燉湯唔夠飽嘛
（兩個人食㗎喎）
嚟多兜砂鍋飯先啦
唔會好似一般煲仔飯咁油膩
因此無燶燶嘅飯焦响底
有感情問題一律建議分手…
咁當然要去醫吓「情傷」㗎啦！
拉埋阿小不點去平日唔會揀嘅放題實行撐飽佢（ROAR！！！）
北海道食堂 | Hokkaido Syokudo
情傷必備嘅酒精！
雖然係普通丹麥啤唔係好好飲嗰啲
不過一來失戀嘅人飲嘢應該唔會飲得出咩味
（中咗武肺先係冇味覺飲唔出味）
二來反正任飲唔係唔隊返三五七十罐呀嘛？！
極盛刺身
食放題就唔好預最靚嗰啲
不過應該都係流量大所以魚生們都好新鮮呢～
因此，嚟多碟！
刺身more and more please！！！
極盛壽司
食放題嗌壽司要舊飯咁有趣？
當然只因為想食嘅刺身冇晌刺身menu出現先焗住啪埋飯啦！
極盛串燒
燒牛脷燒牛脷燒牛脷
同佢(+1)行完山走落元朗搵食
點知佢入咗間我唔alright嘅餐廳
脾氣差嘅我竟然冇發火只係默默轉身走
掉低佢兩個而個肚好鬼餓
經過真台客咁啱day-off喎
响連個天都唔鍾意我嘅情況下
係喎，仲有响深水埗鑊鑊見到都好很多人等嘅番茄師兄
即係狗衝入去九秒九決定食乜落單啊！！！
犇犇有禮 烏冬
嚟得番茄師兄當然係為咗佢個番茄濃湯底
用新鮮番茄熬煮仲冇加味精
完全飲得出番茄嘅鮮甜
犇犇嘛… 有牛面頰、牛坑腩同崩沙腩
牛味濃郁加上炆得好腍身好好食啊！
平日麻麻食麵呀米線呀同thanks, but no thanks車仔麵
所以唔揀麵要烏冬，都掛湯算唔錯呢～
檸檬雪梨露
唔太甜又夠香飲完個人爽返晒條氣都順晒
就係知道自己脾氣臭所以吞咗啖氣
其實唔滿意應該唔扯火平心靜氣講意見
响N年前啱啱開張冇幾耐嗰陣嚟食過
好有印象係個炸牛油雞翼好好食
過咗多年後嘅情人節晚同佢經過想試返
點知話要等外賣都要等9個字
好啦，之後一朝見到啱啱開未有人嚟就食啦…
串燒沙嗲（牛、雞、豬）
standard嘢，肉算新鮮個沙嗲味都香
冰鎮蜜糖凍蕃茄
原個剝皮凍番茄
加埋個醬酸酸甜甜咁幾開胃
手撕雞椰汁酸湯檬
檸味出過椰味食落清爽
平時會嗌凍檬但今次有湯都算唔錯
雞肉唔係白烚嗰種都幾好味
唔係好驚艷不過不失咁啦
越式生牛肉湯河粉
食生牛河最緊要係影相要快
如果唔係啲牛熟咗唔好食 XDDD
average嘅味道，只可以話唔係難食咁
二揀一嘅話酸湯檬好食啲而小食比主食出色啲咁
BIA SAIGON SPECIAL
當年去越南旅行嗰陣嘅第一餐嗰杯啤就係佢
其實去初見嗰日本身唔係去初見
係因為佢經過見到呢間又打蛇餅所以先改地方
咁今次睺正啱啱開舖就嚟
唔使等梗係快快咗入去order啦！
嘉寶漢堡 | KABO BURGER
好食仲要C/P值超高
同我有餐加餐咩都要加爆佢吖唔該
♪ 芝士牛堡 is coming to town~~~
雙層芝士牛堡
經典中嘅經典大滿足
牛肉漢堡爆juicy
加埋double芝士嘅鹹香
煎香過嘅脆脆包身
同新鮮大片沙律菜同洋蔥
哇！佢唔係賣得平係個好食嘅程度變得係underprice咗呢～
黑松露芝士牛堡
哎吔吔今日冇羊堡就食吓香濃嘅黑松露
都係繼續同佢食
呢間唔係最初畀我揀嗰幾間之一
不過佢send得過嚟問Do you want this嗰陣
就知道其實係佢諗過踱過再開口問
間舖個名幾好聽望啲相又唔伏
加上任何情況下都係會相信佢嘅選擇啊！
初見四式刺身丼配味噌湯
－ 三文魚、油甘魚、帶子、甜蝦、玉子、蟹柳
魚生新鮮又厚切，邊會唔好食呀？
佢個飯base係有飯料嘅
唔怕就咁食晒啲刺身個白飯會好寡
初見特選海皇蟹刺身丼配味噌湯
－ 蔥吞拿魚蓉、蟹肉、蟹膏、海膽、帶子、蟹柳、玉子等
吞拿魚蓉同蟹膏海膽喎
完完全全開正我嗰範啱我河車！！！
（都話佢完全知我點諗㗎啦）
將香爆嘅嘢集於一身
唔止係好食，對我嚟講直頭係大滿足
除咗蟹柳囉分畀佢食啦就咁話哈哈
初見壽司拼盆配味噌湯
之前講過係再見面時嘅餐廳幾選一
雖然係揀咗食burger
但係第一間send嚟嘅係呢間
咁有時間梗係都要試吓啦～～～
Ann Mamma Thai Kitchen by 張秀玲
食晏時間咁啱唔駛等位
無理由唔入嚟食返個set lunch啫
張枱有啲窄叫咗兩set嘢食加小食連嘢飲就逼到冇晒位
蝦餅
身為蝦精又鍾意食熱氣嘢
無唔嗌呢碟嘢嘅道理
睇個賣相同食落都一樣夠晒正
啱啱起鑊熱辣辣
個表層粉漿唔厚但都夠晒脆
蝦肉滿滿厚厚蝦味新鮮兼且非常彈牙
好食！真係好好食！！！
泰式鳳爪
又凍又辣仲夠爽滑
對我嚟講係辣咗少少
話說舂錯咗入留白
咁當然晌終於發現咗之後都嚟返呢度
Rocky Burger | 煙肉漢堡
乾身脆口嘅芝麻包
餡料係juicy嘅漢堡牛扒
少少厚身嘅油脂鹹香嘅美國煙肉
融化咗嘅芝士加埋香甜炒洋蔥
同埋唔可以漏咗嘅新鮮番茄同沙律菜
個package都係standard嘢
成敗在於用料新鮮加廚師用心煮
所以咪又係好食囉！！！
啊！唔好漏咗個硬硬脆薯條
好味㗎雖然少咗啲…
期間限定 催淚蝦堡
本身鍾意MOS嘅wasabi吉列蝦漢堡
而呢個包嘅combination都大概係吉列蝦餅包咁啦～
同MOS一樣，個wasabi醬都係非常攻鼻
個炸吉列蝦餅就大大塊超彈牙
加上啲蝦s好新鮮，好香啊啲蝦味！
沙律菜同番茄都好fresh
佢哋啲包唔係得一面芝麻
