[放題] 北海道食堂 | Hokkaido Syokudo
有感情問題一律建議分手…
咁當然要去醫吓「情傷」㗎啦！
拉埋阿小不點去平日唔會揀嘅放題實行撐飽佢（ROAR！！！）
北海道食堂 | Hokkaido Syokudo
情傷必備嘅酒精！
雖然係普通丹麥啤唔係好好飲嗰啲
不過一來失戀嘅人飲嘢應該唔會飲得出咩味
（中咗武肺先係冇味覺飲唔出味）
二來反正任飲唔係唔隊返三五七十罐呀嘛？！
極盛刺身
食放題就唔好預最靚嗰啲
不過應該都係流量大所以魚生們都好新鮮呢～
因此，嚟多碟！
刺身more and more please！！！
極盛壽司
食放題嗌壽司要舊飯咁有趣？
當然只因為想食嘅刺身冇晌刺身menu出現先焗住啪埋飯啦！
極盛串燒
燒牛脷燒牛脷燒牛脷
放題貨色唔會太薄太乾不過不失咁啦
除咗牛脷，咩大蔥雞腎海螺都要啲吖～
雞皮雞軟骨見到又係唔嗌唔得
極盛鐵板
哈哈樣樣都想試啲又驚嘥嘢
咁就一件一件咁嗌
鐵板香煎廣島蠔
唔使好豪都可以食蠔啲，哈！
啊！個鐵板羊架又幾好味喎衰鬼
鐵板鵝肝
平平地都有花瓜食仲要都幾好食
難怪啲人咁鍾意食放題嘅…
燒帶子都唔會好乾，正喎！
極盛炸物
天婦羅們hello，熱辣辣喔！
繼續炸嘢，yeah～～～
冬菇會爆汁，nice
一向視熱氣為無物
每樣少少少少咁可以食多幾款
食食食食食
日式火鍋 - 牛肉
唔太食嘅小不點同醫情傷ing嘅我究竟可以食到幾多嘢？
好啦！食埋個火鍋咪收皮囉！
食埋呢幾舊雪糕糯米糍，完喇（嗝～～～）
話說療完個「情傷」之後畀佢話我仲有心情食放題
講多兩句先知原來無人話過要分手，嘿嘿嘿嘿嘿…