All Posts
同小不點行咗輪先搵到間嘢（唔熟路）
人哋差唔多落班不過仲畀入就食啦！
唔係噏耷上海餐廳
就連杯鐵觀音都hi-end啲咁
自選拼盤：雞絲粉皮 | 花雕醉雞 | 鎮江肴肉
要爽有爽要滑有滑酒香足
樣樣都係standard嘅味道
不等你小籠包
嗯… 係好食嘅小籠包嚟嘅
不過又講唔上係好令人驚艷咁啦
茶燻皇子鴿
好驚喜嘅味道！
茶香超～ 出～ 不論係聞落同食落
瘦瘦嘅鴿仔細細有茶香又帶肉香
好味喎呢隻嘢！！！
排骨擔擔麵
啲排骨好入味同腍身
用筷子一篤就骨肉分離嗰隻
抱住阿B想食甜品
呢種杯裝台式飲嘅就最方便！
RealT - 芋圓芋泥牛奶（走甜）
好難得台式嘢飲舖啲波波唔係珍珠係芋圓
可以走甜就已經唔再extra落糖水
因為本身啲芋泥啊芋圓都有微微甜度
芋泥超～ 順～ 滑～ 軟綿綿咁
加埋新鮮full milk好醇厚
芋圓韌韌好好咬，正！
阿B一直伸手又搞杯又搞飲筒
麻煩㗎！不過都仲好享受呢杯嘢，呵呵～～～
dessert time喇！
原本想試special嘅，不過成三塊pancake實在太多
好彩standard嘅有得揀一層啫～
鳩戟 FreeHcake - 港朱噢工程
（芝士奶蓋朱古力格格脆） 有pancake有面料有奶蓋
仲有埋軟雪糕，超豐富（happy）
味道才是一切！
pancake好鬆軟又帶蛋香
食到空氣感卻裡面唔係得空氣
仲會食到微韌身嘅糕體
奶蓋有微鹹，好厚身
因為即食所以啲格格脆都無浸腍到
好開心食哂成兜都唔會覺得好甜
如果要硬挑剔，只係個奶蓋上面嘅朱古力粉
嗆喉啊！但係冇佢嘅苦味兜嘢會甜咗
好食～ 啲嘢唔係鳩整嘅！
teatime咪去飲返杯tea囉～
新開嘅時候啲人貪新鮮會好多人
然而熱潮一過再加平日teatime就一入有位
呢度嘅抹茶焙茶都係現泡
加埋啲炒茶葉所以成間舖都好香茶味
東京リッチ抹茶
唔知飲乜嘅最佳選擇就係plain抹茶
因為最試到間嘢嘅本身茶味
抹茶ラテフロート 北海道牛乳アイスクリーム添え
想食軟雪糕就揀呢杯matcha latte float
雪糕香軟滑滑配埋濃郁厚厚抹茶牛奶
好滿足嘅感覺呢～
抹茶もちクロッフル
哎吔，有牛角包好難唔嗌㗎嘛
仲要係格仔餅版嘅croffle
裡面夾住麻薯面頭又有抹茶粉喎
成個package太完美，好好好好味yeah～～～
係森永牛奶糖餡嘅湯圓仔呢～
桂冠 - 森永牛奶糖包餡小湯圓
小湯圓個糯米皮夠韌
啲流心焦糖牛奶糖嘅鹹滑滑溜
味道又甜又濃唔錯唔錯
做下午茶一流啊！！！
-———————————————-
延伸閱讀：
森永 ミルクキャラメル アイスミルク
森永 質上雪糕 牛奶糖風味)
森永 ビスケットサンド ミルクキャラメル
唔搭飛機又唔係接機但係去機場
因為有飲有食好高興啊！
Stiegl | Boxing Cat | Gwei•lo
Happy hour buy 1 get 1 free嘛
加上有主廚Wolfgang Puck出生地奧地利嘅啤STIEGL Pilsner
又有上海啤Boxing Cat，係Amber Lager嚟嘅
鬼佬就係IPA
WP Burger
jalapeno pepper salad, aged cheddar, lettuce, tomatoes, onion
同小不點食個sweet tooth tea先～
太妃糖香蕉布里歐 | Toffee Banana Brioche
唔太肚餓加上唔係非常鍾意食麵包
就唔好嗌大大舊honey toast喇
Brioche本身都係指法國類多士嘅甜麵包
再有popcorn香蕉同焦糖元素
不過食落又唔會甜到突然糖尿喪飆喎，唔錯！
綿綿珍珠奶茶鬆餅 | Bubble Tea Waffle with Marshmallows
煙韌嘅黑糖珍珠；香滑嘅奶茶雪糕；
外脆內軟嘅窩夫；較輕身嘅甜忌廉；
最甜就係嗰幾粒棉花糖
加加埋埋都真係幾好味㗎（嘻嘻）
車輪餅即係今川焼き
記得細個嗰陣會响沙田八佰伴地下睇住玻璃後面人哋整
好鍾意食咩又唔算
但係就係見好耐冇食過
又突然有機會經過埋去買嚟食囉
港式奶醬多麻糬車輪餅
諗咗好耐先揀到口味
（因為隻隻都想試不過食唔到咁多）
奶醬多難啲响第二度搵番
而除咗港式味道
仲有埋台式QQ麻糬
味道又好煙韌在中最外層脆加少少軟身都好
成個package都好perfect，好好味（心）
馬來西亞D24榴槤糯米糍
另外有諗過跟車輪餅嘅口味係佢
然而對兩件餅太heavy
就叫返粒糯米糍食吓
糯米皮較厚食到滿滿煙韌感
裡面就直接放凍凍榴槤又香又豐富
有諗過熱食嘅榴槤（in車輪餅）會點
but都係鍾意食凍榴槤都好多，嘻嘻～
tea time之sweet tooth出沒注意！
宇治抹茶梳乎厘班戟
有京都兩個字唔係唔叫抹茶嘢呀？！
大量抹茶粉鋪滿pancake
有抹茶蕨餅抹茶雪糕抹茶奶蓋sauce同紅豆蓉
pancake係即叫即整鬆軟空氣系嗰隻
食浮雲咁但係不失蛋香
加埋啲甘香抹茶唔覺得好甜
蕨餅凍凍地夠煙韌又夠抹茶香唔錯唔錯
個抹茶奶蓋sauce有抹茶味外都幾重奶味
倒入個pancake一齊食甜度啱啱好
雪糕夠厚實同pancake成對比
當然都係有住極濃郁嘅抹茶味
紅豆蓉好甜就梗㗎喇
咁佢係抹茶嘅絕配又唔可以冇咗佢嘛
又睇得又食得，好滿足～
黑糖黃豆粉豆乳奶昔
食食吓pancake覺得唔夠喉
叫多杯奶昔等自己再開心啲先！
頂層係蜜黑豆加黑糖蕨餅三粒仔
面層鋪咗滿滿黃豆粉
飄香嘅黃豆粉下面係厚實嘅cream
底層就係大大杯黑糖豆乳
世一秘書K生日快樂（撒花～～～）
不過呢次食嘢見面係恨咗好耐嘅細路BB們first meet
伯爵茶芝士蛋糕
想試呢度嘅慢煮封門牛柳但肚仔唔餓
咁就食吓蛋糕飲杯啡啦
呢個蛋糕啊唔知發生咩事
可能係擺耐咗（死都賴係因為睇住啲細路們玩食咁遲食）
入口一pat嘢咁，又冇咩earl grey味亦無芝士味
係個樣睇起上嚟有一粒粒茶葉碎蛋糕形狀嘅物體
搞到好似唔知食咗啲咩落肚咁…
日本製宇治抹茶芝士蛋糕
相比earl grey嗰款
呢個日本直送嘅「正常」好多
有淡淡抹茶甘香亦係較實嘅cheesecake
（同上都係放咗一大輪先食）
靚就好似靚啲but畫蛇添足嘅糖漿就mamaday
Flat White
關於favilla就差唔多等同咖啡
個拉花都唔錯（雖然來吧倒轉地球咗）
K嘅唔係我嘅唔知咩味啊
都係咖啡同奶嘅味㗎啦～
肚仔餓嘅時候見到店面張pancake menu海報
加上又咁好彩唔使等位，入去啦！
番茄素肉磨菇意粉
對於一枚animal lover嚟講
素牛肉係冇真牛肉咁香㗎喇
咁但係啲番茄洋蔥磨菇啊咁都係standard味
口味係比「正常」版淡口
個番茄醬汁底偏清香酸爽嗰種
幾清新嘅…
厚pancake伴海鹽芝士卡士達醬及雲尼拿雪糕
ふわふわ厚厚pancake（心）
pancake食落空氣感十足
本身唔太甜亦有蛋香
海鹽芝士custard鹹鹹甜甜帶奶香好好味
配埋雲尼拿雪糕一齊食好幸福好滿足
fluffy嘅pancake好似食浮雲咁
畀張poster引咗入來係正確嘅（哈哈）
藍桔荔枝梳打
好耐冇試過飲打卡樣嘅甜飲
唔算爆甜，梳打幾好汽
偶爾一次okay嘅okay嘅～
好想去福元湯圓㗎不過真係好遠
嘻嘻原來呢間都有得食，lucky～
芝麻合桃糊加湯丸 | 大良燉鮮奶
啲糊係磨而唔係溝水開粉嗰隻
舊式傳統味道香甜順滑唔會一舊舊
味道濃郁不過唔會爆甜
食得出炒香咗嘅芝麻同合桃本身個味（nuts萬歲）
嗱！見到大良嘅甜品好難唔叫返碗燉鮮奶嘅
足料厚而挺身裡面唔到氣泡
奶味濃而且香滑，好好味！
湯圓呢… 皮唔係好厚and餡靚囉！
糯米皮夠晒煙韌噍多兩噍仲散發淡淡米香
咬落去就會見到芝麻餡係滿滿嘅
個餡比芝麻糊更為杰身兼起沙
芝麻味再香濃啲然而做到唔會爆甜喎
都算幾大粒所以就算得兩粒都叫做食得幾滿足
間嘢有呢個質素加上價格相宜
C/P值都幾高呢（心）
