All Posts
夜媽媽飯後食個甜品又想飲返杯
cake x beer 嘅組合 why not both?
梔子 Zi
抬頭吧除咗相信愛你便能飛之外
仲可以睇吓有咩啱
況且低頭嘅話光環會掉下來
（aiya sorry for so 爛囉…）
Pistachio Mousse Cake
鍾意食開心果嘅我見到佢冇理由唔嗌吖！
Pistachio mousse 加 light cream 嘅主調又香又輕盈
パピコの日（PAPICO Day）當然要食パピコ應吓節啦～
パピコ チョココーヒー
「經典」嘅朱古力咖啡味
朱古力 x 牛奶咖啡sherbet
超微細細嘅沙冰粒
味道都幾濃郁加上唔會好甜
爽爽呢～！
有啲人鍾意就咁隊雞粉
而我細個嗰陣就鍾意空口食煉奶
ロッテ 練乳ミルクバー
不過人大咗就無食得咁甜 呢種雪條就啱啱好
有甜味亦有奶香， 唔錯唔錯
話說細個都幾鍾意明治出咗隻煉奶向中間嗰隻雪條
呢隻雖然無流心但係都夠滿足
雀巢®鷹嘜™奶條
啊？都記唔起以前係鍾意鷹嘜定壽星公煉奶多啲喇
是但啦好大機會冇咁講究嘅
呢條都OK嘅，but差唔多價錢嚟講
我會揀日本貨仔囉呵呵～～～
苦味又唔香朱古力味嘅超硬餅乾
加埋甜到hihi嘅內餡cream
OREO都算係我由細到大都唔太鍾意嘅夾心餅
OREO® SANDWICHES
唔知變咗做雪糕會唔會好食啲呢？
厚咗、大件咗嘅OREO
個朱古力外皮應該已經擰一擰、舔一舔、浸一浸ed
好似食緊濕笠笠擺咗好耐嘅蛋糕咁
夾心嘅雪糕cream依然好很甜
除咗唔好食，個評語都係唔好食！（唉～）
OREO® BARS
好啦！再再再畀多次機會呢樣嘢
係將OREO餅連cream做成裡面雪糕base
再响出面加牛奶朱古力 x OREO 餅碎coating
啊～ 終於無咁甜，個外皮都脆嘅
雖然連埋啲淋淋哋嘅餅碎都始終差咁啲
不過整體嚟講都算okay
但係OREO始終都唔太啱我，算吧啦施主…
花生都唔到我食嘅日子
咪食吓花生醬雪條囉…
Skippy Peanut Butter Ice Bar
先講韓國版嘅
一個字：黐Q線好很甜
牛奶朱古力加花生粒脆皮
甜味重而花生醬唔係好出嘅雪糕餡
最最最弊就係佢個焦點：焦糖醬在中
個甜味係感覺令血糖直接飆升嗰種，好恐怖！
同樣嘅combination Häagen-Dazs好食好多！
Skippy Peanut Butter Ice
都係日版正常好～ 多～
花生醬撈朱古力嘅脆皮
花生醬味雪糕加濃厚花生醬sauce
根本就係食緊條花生醬咁 仲要唔係好甜，食得出濃郁花生(醬)味，正爆～！
去水木しげるロード嘅必買品（！）
@ 妖怪饅頭総本店
招牌嘅角色，啲饅頭都係得呢幾個樣
入手呵呵～
妖怪饅頭 黒バニラ
淺嚐嘅4件裝有鬼太郎、目玉おやじ、ねこ娘、ねずみ男
平時賣開嘅係淺啡色今川焼き樣
不過妖怪咁嘅樣好似黑色會靚仔啲嘛
個皮黑色係加咗竹炭，有色無特別怪味
裡面個餡係白色雲尼拿味
好神奇唔會好甜嘅日本菓子
個味仲要幾香，正呢！
爸爸～～～
响コナン百貨店（コナン通り嘅コナンの家米花商店街）入面行咗兩個圈
睇到啲嘢又係想買同其實無咩啱買之間都執返件嘢走…
コナン衣装型／ラムネ
細細盒嘅衫型package波子汽水味糖
其實對啲糖嘅興趣不大
但係作為小小手信都唔錯咁解
最緊要係食完除咗個紙盒仲有「紀念品」
細細粒襟章仔
唔使check IP都見到係柯南
不過啦，呢啲嘢又係唔知要扣晌邊
好在佢唔大份擺邊都得啫（嘻）
繼續係山陰銘菓系列…
响電視見到籮神優先發售特別版
就諗都無諗衝咗落樓買
山陰銘菓 どじょう掬いまんじゅう | 宝製菓
用呢條頭巾包住然後跳舞
係for安来節嘅「どじょう掬い」踊り
（讀音一樣係dojosukui喔！）
而呢隻饅頭菓子都係島根県同鳥取県代表銘菓
由1967年已經販賣㗎喇
本身口味有抹茶餡、チョコ餡、いちご餡、二十世紀梨餡、栗を使ったこし餡
（抹茶、朱古力、士多啤梨、二十世紀梨同栗子）
苺來自島根県安来；栗就島根県津和野；
二十世紀梨當然係from鳥取県；
隻お茶席抹茶就由島根県松江市嘅千茶荘出產
不過响大漁市場なかうら試食過晒之後
係無一隻口味啱食嘅
因為裡面較乾身，啲餡就得個甜字無咩特別
反而最最最原味嘅白餡（藍色嗰包）係味道啱啱好無從投訴 由大豆香味又有淡淡甜奶香味
紅黃色嘅係電視話嘅籮神優先發售ミルクキャラメル味（牛奶焦糖）
冇試過味就純粹博一鋪㗎咋
用島根県雲南市出品嘅「木次パスチャライズ牛乳」製造
風呂敷係指用嚟包嘢嘅包袱巾
大風呂敷means大大條嘅包袱巾
山陰の味大風呂敷 | 宝製菓
而呢隻有住喜慶事紋樣嘅包袱巾 就包住山陰嘅美味：きな粉餅
（唔係粉餅，係なきな粉嘅もち啦）
包裝有平常版嘅綠色
但既然有埋紅色嘛…
都係嗰句小朋友先要做選擇我全部都要啦哈哈
嗱！一次過拆晒就見到裡面都係一樣嘅
雖然都係傳統煙煙韌韌嘅黃豆粉餅
咁食得山陰の味梗係有佢獨特之處嘅
就係隻糖漿係用鳥取名産嘅二十世紀梨特製「梨みつ」（梨蜜）
個顏色有啲似信玄餅嘅黒蜜
不過食落就完全唔同味
濃郁甜美中夾雜住梨嘅清香
原來梨同黃豆粉都咁夾真係失敬失敬～
Happy Easter～
Cadbury Creme Egg
真正流行經典50年
細細隻，不過份量已經好夠
好耐冇食過甜爺爺嘅牛奶朱古力
都仲未夠，裡面仲係糖霜cream
咬得核突咗啲
其實裡面有黃有白係好似普通雞蛋咁樣
不過當然係勁勁勁勁甜
40g 一隻，已經177卡路里
6.1g脂肪同26.5g糖，好黐線
唔係啲咁嘅節日都真係唔好搵啲咁嘅嘢嚟試…
填充題：__肉__食。
X：弱肉強食。
O：焼肉定食。
lunch set，先嚟個芝麻醬雜菜沙律
新鮮菜無咩唔好食嘅
滑滑嘅蟹肉茶碗蒸
ㅋㅋㅋ！肉來了～
雜錦烤肉定食
豚肉 | 雞肉 | 牛舌 | 牛肩肉
日本和牛定食
急不及待要去燒喇！
好在牛嘅話快啲熟啫
流口水中…
燒肉當然配燒汁同白飯
（食得！）
新鮮嘅肉就當然係無！得！輸！
綠茶蕨餅
跟餐嘅甜品，綠茶味幾香不過蕨餅始終係蕨餅
食碗燉蛋啫，唔使拎藤條擸木棍嘅！
澳州牛奶公司 - 蛋白燉鮮奶、杏汁燉雞蛋
當你以為去澳牛係諗緊食咩光速ABC餐
其實我由細係一直以為呢度係飲鮮奶食甜品嘅地方
但次次都要諗究竟「响牛奶公司梗係要食奶制品」
定係「不過燉蛋又真係又滑又香杏仁味喎」咁
選擇呢家嘢，細路先至要㗎啫
我當然會係「我全部都要」啦哈哈哈！
然而呢兩碗嘢熱食又好凍食都好啦
從來都唔會有一次令我失望
嫩嫩滑又香奶味；又濃郁杏汁 x 蛋味
而且唔會爆甜真係幾時都咁好食
加上咁多年都係光速上枱
左邊嗌完右邊就擺低
同埋佢哋嘅極速計數呢家嘢堅係特色
話時話好似咁多年都無畀啲哥哥仔話過
係細個有時要諗嗰陣佢哋好好咁話「好你諗到再叫我」咋
通常就算有條隊仔都去得好快嘅
响等嘅時間基本上都已經揀好
啊！大個咗啲先有食常餐快餐嗰啲囉
茶記嘢我不嬲麻麻
