All Posts
就算係流眼淚，都係因為笑住喊嗰種…
Tears of Joy - Kicks Brewing
好靚靚暖色嘅彩虹base
銀色笑笑眼淚
個包裝唔錯～～～
啊！係啊！又係我鍾意嘅IPA
酒精度6.5%，唔會太濃
來自紐西蘭嘅hops
帶有好香嘅橙、青檸同梅味
然後飲到啲香料同pine咁
啤酒較soft，又有甜甜嘅大小麥香氣
個after taste要去到好後好後先出個苦味
真係罐「開心啤」！
忍唔住講番句：我今日真係好開心呀！
我諗聽日一定會更加開心㗎啫，係咪呀，哈姆太郎？
阿政府話啲CBD唔純正會有THC喎…
然後就禁Q晒同CBD有關嘅所！有！嘢！
Sereno - Calma CBD Infused Beverages
哦～ 係啊！港產嘅Pale Ale仲係含50mg CBD㖭！
5.6%酒精，加埋少少CBD就再順滑易入口啲
幾hoppy、帶橘香、dry dry地嘅pale ale
一般般啫，上唔到癮啊～
入西貢見人有啲人多又熱熱地…
Duke of York
就去一般日光日白唔係親子地方坐低飲返杯！
tap啤都係大路嗰啲啦～
Blackthorn Cider
香氣淡淡、唔係好勁泡泡幾順滑
甜甜地帶果味
都消消地暑，唔錯唔錯！
搵你妳您去食芋泥！芋泥！！芋泥！！！
開餐～（興奮興奮）
滷水焢肉便當
好正常味道嘅台式嘢
雖然舊焢肉唔係大大件油脂滿滿咁
然而個味係okay嘅
配菜都係有誠意畀兩款
魯肉飯啲肉碎份量就少咗啲
都啱啱夠送飯啦
隻溏心鹵水蛋都好讚，就咁！
黃金蛋黃 芋泥紫薯吐司
好邪惡，所以好好食
芋泥同紫薯泥滑滑又香甜
加埋咸蛋黃更提香
鐵板煎多士夠焦香酥軟
完成度高… 正！
手作紫芋牛奶
作為一個芋泥控
呢杯嘢真係飲得非常滿足
芋泥 x 紫薯泥 x full milk
以唔算點飲台式嘢飲嘅我
花斑已經係買得較多嘅一間
其中一個原因係去搵舊同事嗰陣會一齊買
而第一次飲就因為去友利食飯
憑單去買指定嘅只係需要$12（嘿嘿嘿）
花斑茶社 - 鳳梨冰茶
啲鳳梨夠晒香甜
仲食到淡淡鳳梨肉真係好驚喜
茶底味道飄香，好好味
印象太好所以之後都有試其他茶！
佢哋啲茶係100%來自台灣
要買返屋企慢慢泡都可以
加上啲罐咁正，真係送禮自用都啱啱好～
又同小不點出沒搵食
今次間餐廳係幅牆好啱打卡
不過我哋兩條友都只係專注食物（哈）
華麗大蝦配黑毛豬滷肉乾拌麵
啲蝦s咁擺法又真係幾「華麗」嘅
蝦爽口，新鮮嘢唔錯唔錯
濃味肉燥拌麵，個樣唔華麗味道就幾好
（係細碗咗啲咁囉…）
炸排骨拉絲蛋餅
熱辣辣standard嘢standard味道
排骨外脆內juicy夠香酥鹹味
蛋餅餅皮夠酥，雖然蛋味唔突出
但又芝士鹹香搭夠
芝士唔算好拉絲味道唔錯就okay啦～
自家製雙色QQ地瓜球
哈哈哈啲地瓜球好唔「波」呀！
味道都香甜而且韌性足
食落比睇落好好多（笑）
黑糖酒釀拿鐵配懸浮棉花糖
唔去幅牆度打卡
但係就嗌杯真係超啱影相嘅嘢飲
暖笠笠咁隻貓貓真係好chill
飲開無糖啡，然而呢杯都唔算非常甜嘅
最甜係佢啫！
可愛嘅貓貓棉花糖（嘻嘻）
有燉湯又有點心
同小不點嚟個開心lunch先…
二人set有兩盅燉湯
熱辣辣上場！
花膠蟲草花栗子燉土雞湯
望個樣同聞個味都知道佢足料
飲落喉嚨潤潤咁，唔錯唔錯
黨參天麻川芎燉魚頭湯
補！味道香藥材味淡淡飄出（正）～
晶瑩蝦餃皇
點心set都有蝦餃，好開心
（蝦餃lover是也）
皮夠韌蝦夠爽味道都幾好
鮑菇蟲草棉花雞
小不點鍾意嘅棉花雞
冬菇換咗做鮑魚菇
個香味同味道就變得無咁濃
雞滑滑棉花魚肚都夠腍，okay啦！
蒸廬拼美點（9件）
嗰9件係燒賣皇x2、蝦餃、抹茶叉燒包、粉果、菜苗餃、馬拉糕、馬蹄糕同薑汁糕
有鹹有甜餡料份量多
甜點唔會好甜而且糕點夠晒煙韌，好食！
抹茶叉燒包 西包配叉燒餡又唔會多咗面頭浸「雪山」
抹茶味其實唔突出
同小不點食嘢有度好
就係雖然佢較鍾意中式嘢
不過佢唔會拒絕接受其他食物
Lunch Menu：懶人包 Signature Lazy breakfast set
燒烤腸 | 脆煙肉 | 薯餅 | 炒蛋 | 茄汁豆 | 粟米粒 | 雜菜沙律 | 厚多士
好基本盤但係樣樣都整得唔錯嘅set
抱住清醒阿B食late lunch
突然諗起响等Ann Mamma位嗰陣想試吓嘅燉湯店
（不過只係等執檯所以當時無轉場）
坐低先有杯茶飲吓
原本用粉筆字寫响黑板嘅是日menu湯無晒
問轉咗湯o唔okay，我無咩所謂有得飲有得（哈）
海底椰南北杏排骨湯
清潤嘢當然無問題
因為係燉湯唔係煲嘅湯
個味道清得嚟都幾出
飲落唔口渴應該無味精所以都畀幾啖阿B飲
（仲畀佢食少少湯渣瘦肉）
懶得諗就嗌lunch set
有湯有飯有餸點都夠飽
豉汁蒸倉魚
平日煮 & 食開住家飯嘅我都會嗌䱽魚
皆因呢間屋無買呢隻魚啊！
（其實連豆豉都無買）
條魚唔算細火喉就有少少overcooked但尚可接受
係完全可以食晒嘅程度
抱住阿B想食甜品
呢種杯裝台式飲嘅就最方便！
RealT - 芋圓芋泥牛奶（走甜）
好難得台式嘢飲舖啲波波唔係珍珠係芋圓
可以走甜就已經唔再extra落糖水
因為本身啲芋泥啊芋圓都有微微甜度
芋泥超～ 順～ 滑～ 軟綿綿咁
加埋新鮮full milk好醇厚
芋圓韌韌好好咬，正！
阿B一直伸手又搞杯又搞飲筒
麻煩㗎！不過都仲好享受呢杯嘢，呵呵～～～
掃街last shop又再飲返杯嘢先！
唇。特色手調茶 月滿花香
請教過店員如果全走糖嘅話
個茶底就只係得返烏龍茶嘅味
話晒要試呢種mix埋桂花、玫瑰、茉莉同烏龍嘅茶
可以做到最最最盡嘅微甜就微甜啦please
微甜就真係唔算好甜咁
（飲得出少少冰糖味）
而啲茶又真係滲出微微嘅香氣
溝埋都算幾夾喎
杯茶仲配埋桃膠有得咬咬吓
吖！終於覺得夠飽飽喇
都唔係食咗好多嘢啫（好似係…）
等食包期間先飲返杯嘢濕吓喉嚨
茶芝味 - 芝士現泡茶 四季春綠茶（走甜）
隻芝士唔會好重奶粉味都幾好
雖然係咁依然好creamy
茶呢就係茶包沖泡嘅
可能係凍飲所以味道唔係好濃茶香只得少少
都okay嘅茶同芝士冇咩衝突感囉
飲完芝士都唔會飽肚
掃街喇掃街喇～
