All Posts
好一支九月九的酒…
少爺 1842 Island Imperial IPA
yeah係IPA啊！
一飲就已經有好突出嘅啤酒花香
然後又有麥芽香晌個口徘徊
味道豐盈濃郁加上樽上好夠氣
酒精度8%，完全符合濃厚口味啤應有嘅酒精香
爽呀！Happy Friday～
-———————————————-
延伸閱讀：
少爺 CLASSIC Pale Ale
少爺啤 x 口利福 Dad Bod - Young Master Brewery
既然唔係分手咪四圍兜兜吓之後坐低飲返杯…
San Miguel Cerveza Negra 生力黑啤
平時係唔會飲黃罐生力嘅
但係見到tap嘅黑啤又好似唔錯咁
加上之前飲過生力隻白啤都覺得okay
個烤焦糖麥芽味都焦香帶出芳醇又有回甘
酒精度5% 日頭飲都唔覺濃
泡沫綿密而且豐盈
相比一般黑啤更易入口，好sweet呢～～～～～
濕悶熱嘅天氣真係好L難頂…
アサヒ 贅沢搾り 期間限定 オレンジとカシス
橙 x 黑加侖子口味，果汁23%
酒精度4% only，夠晒氣日落前任啱啱好
個味都算天然幾易入口
爽住過日晨真係Happy Friday呢，Cheers～！
响街戴住口罩輕鬆飲秘笈：BUCKET THE STRAW
高身罐支ZTRAW唔夠長呢…
要同十幾年冇見嘅人重遇
幾揀一之下揀咗轉角‧見
點知去到嘅時候兩條友都無睇門牌入咗嚟呢間 XD
（仲要係好耐之後先發現）
牛油果藜麥大蝦沙律 | Avocado Quinoa and Prawn Salad
成兜嘢新鮮新鮮好新鮮！
牛油果夠晒熟又香又creamy
啲蝦大大隻爽口彈彈牙
粒粒藜麥好似個陳醋醬咁令配搭完美
well，完全ignore咗我唔食嘅火箭菜
慢煮牛 Bagels | Beef Bagels
罌粟籽bagels裡面有新鮮沙律菠菜、
Cream Cheese、Cheddar Cheese同慢煮牛肉
夜媽媽飯後食個甜品又想飲返杯
cake x beer 嘅組合 why not both?
梔子 Zi
抬頭吧除咗相信愛你便能飛之外
仲可以睇吓有咩啱
況且低頭嘅話光環會掉下來
（aiya sorry for so 爛囉…）
Pistachio Mousse Cake
鍾意食開心果嘅我見到佢冇理由唔嗌吖！
Pistachio mousse 加 light cream 嘅主調又香又輕盈
响北海道天金本店食うにしゃぶ（海膽邊爐）嗰陣
飲咗支好好味嘅梅乃宿蜜柑酒
然後响BicCamera見到蜜柑酒呢樣嘢就托咗支返屋企…
麻原酒造 みかん酒
雖然唔係梅乃宿嘅
不過都依然係充滿濃厚嘅蜜柑味
埼玉產蜜柑，香甜中帶清香
佢同梅乃宿嗰支一樣係咁creamy
因為唔係蒸餾無隔晒渣機
比柚子少一啲after taste嘅苦澀
卻唔似桃酒咁爆甜
所以好容易唔知點解就隊晒（呵呵呵）
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
鍾意飲豆漿行過見到寫特濃咪買支試吓囉…
SOYmart by 豆乳狂人 7˚6特濃豆乳
嗯… 相比其他豆乳得佢係無糖
係比一般市售豆乳個質地杰好多嘅
不過豆味喇嘛… 可能係得7.6啩
平日响屋企整嘅
又或者懶得整就落街買MARUSAN嗰隻無調整豆乳
（呢隻係9%豆）
都比起阿狂人呢隻個豆味嚟得濃郁
sorry囉期望有啲高所以失望咗
或者甜品會做得出色啲啩…
為咗個包裝而買有幾出奇啫？
しんじょう君の麦茶
响須崎真係唔會唔入手しんじょう君嘅嘢
麥茶咁嘅味道，無咩特別
（去高知要特別就試吓土佐の黒文字茶啊！）
咁都話因為個包裝先去買
所以飲完就留返個袋
用嚟裝濕濕嘅縮骨遮啱啱好
呢種材質嘛… 用咗幾年係有啲皺
不過真係好鬼襟用呢～
-----------------------------------------------
延伸閱讀：食の四国ツアー (8D7N)
Day1：香川（高松）
Day2：香川（高松、丸亀、琴平）
Day3：香川（高松）↔ 徳島（鳴門、徳島）
Day4：香川（高松）→ 愛媛（松山）
Day5：愛媛（松山、宇和島）
Day6：愛媛（松山）→ 高知（高知）
Day7：高知（高知、中村、須崎）
Day8：高知（高知）→ 高松（高松空港）
平日唔係太飲手搖飲品
但係條街實在太太太熱又咁啱經過就隊杯啦！
丸·茶手作 皇家紅茶拿鐵
無糖無糖無糖！
好重要所以講咗三次
然後，拿鐵同奶茶嘅分別係鮮牛奶同奶精
毫無懸念拿鐵です
唔會係港式奶茶咁有啲澀
順滑嘅茶based x 香濃嘅牛奶
雖則唔係濃郁然而要有嘅奶同茶味都好足
作為夏天行個街飲杯嘢嚟講
呢杯嘢真係啱啱好啊！
夠～ 解～ 渴～
自從有B，最大改變都係啲咩無咖啡因無酒精咁…
McGuigan ZERO Shiraz
無酒精無甜味劑無色素
有Shiraz本身嘅甜味
冇咗平時十幾%酒精嘅紅酒嘅澀味
一啲都唔乾身，根本就係發酵但唔太甜嘅提子汁
比果汁香少少不過取代唔到真紅酒
不過凍飲配吓芝士做下午茶晚餐後甜品都唔錯
當然好似今日咁要自己岩布仙尼吓嘅日子
隊幾多都無問題啦～
Carlsberg Alcohol Free - Pilsner
大肚嗰陣順氣時飲
嘉士伯本身麻麻
所以有無酒精對我嚟講無咩分別
有少少麥味嘅sparkling water咁囉
同tak去hea遊西貢
响條街兜咗幾個圈終於都係揀呢間
Cold Brew
天氣熱就飲cold brew絕對正確
就算凍啡味道依然香濃
Coffee Tonic
再爽啲當然有佢
cold brew再加有氣tonic
消暑一流（不過咖啡係唔解渴嘅）
美式手撕豬肉貝果 | Pulled Pork Bagel
pork, onion, coleslaw salad,
cheddar cheese, American BBQ sauce
上到寶山，無理由空手而回嘅…
呢幾舊就梗係冇可能啦！！！
千代むすび酒造 鬼太郎三十六景
登登凳！當然會係鬼太郎同鬼眼俠啦～～～
都不特止，仲有極度喜歡嘅浮世絵（yeah！）
有正貨嘅「爸爸」貼紙，好cute
講返支酒，香米味就梗㗎喇
散發微微嘅甜味，唔酸嘅
酒精度15%入口順滑
無計，呢間酒造啲出品真係求其買都好正
加上呢個無敵招紙，簡直完美呢～
