All Posts
Happy Friday嘅happy hour梗係要啤啤佢（撒花）
眼花撩亂嘅tap tap tap～
呢度啲啤酒全部都係自家釀製㗎！
啤酒拼盤（啤酒六小杯） | Beer Platter
唔自己諗飲咩就講低自己鍾意嘅口味
然後就由店員揀六小杯
口味由顏色淺至深區分
寫低晒冧巴就知自己飲緊乜
由個platter盤拎啲啤酒出嚟放落靚靚杯墊度先…
咔哩芭蕊喲 | Guava Bonbon
飄飄出芭樂香甜嘅果味啤
淺淺嘅色澤味道清甜
酒精度4.3%用嚟消暑清喉嚨就最啱
海鹽地帶 | Salt Sea
响串噹噹食嘢
就有得即場試荃灣製社企花果園嘅花果茶
李乾蘋果茶
食嘢前坐低就叫呢支先
成份就只係得水、蘋果、李乾同冰糖
無其他添加啲唔知乜嘢落去
味道清甜，夠晒凍好消暑
最重要係開胃，可以開懷大吃串燒（哈）
山楂楊梅茶
食到咁上下就嗌佢
成份都只係水、山楂、楊梅同冰糖
隊熱氣加少少肥油嘅嘢
飲呢啲酸酸地嘅就啱晒喇
雖然功效係話平喘止咳解暑除濕
但係對食緊嘢嘅我嚟講
佢仲可以消滯解膩
teatime咪去飲返杯tea囉～
新開嘅時候啲人貪新鮮會好多人
然而熱潮一過再加平日teatime就一入有位
呢度嘅抹茶焙茶都係現泡
加埋啲炒茶葉所以成間舖都好香茶味
東京リッチ抹茶
唔知飲乜嘅最佳選擇就係plain抹茶
因為最試到間嘢嘅本身茶味
抹茶ラテフロート 北海道牛乳アイスクリーム添え
想食軟雪糕就揀呢杯matcha latte float
雪糕香軟滑滑配埋濃郁厚厚抹茶牛奶
好滿足嘅感覺呢～
抹茶もちクロッフル
哎吔，有牛角包好難唔嗌㗎嘛
仲要係格仔餅版嘅croffle
裡面夾住麻薯面頭又有抹茶粉喎
成個package太完美，好好好好味yeah～～～
特登早啲起身遠征嚟食個lunch！
Carbon Brews Staying Alive (Session IPA)
哎吔吔，今日嘅tap冇brown ale
咁得IPA就當然都唔會錯過啦
柑橘香氣中帶微微苦松針味道 當然最出都係隻美式啤酒花隻味
好夠氣，响咁熱嘅天氣下飲夠晒爽！
Deep Fried Pickles | 炸酸青瓜
等食中飲住啤酒嘆吓小食
鬆脆嘅炸漿包覆住裡面濕濕嘅醃青瓜仔
夠酸又微爽，啪落好開胃呢～
BEEF：The Blue | 流心藍芝士手打牛肉漢堡
唔搭飛機又唔係接機但係去機場
因為有飲有食好高興啊！
Stiegl | Boxing Cat | Gwei•lo
Happy hour buy 1 get 1 free嘛
加上有主廚Wolfgang Puck出生地奧地利嘅啤STIEGL Pilsner
又有上海啤Boxing Cat，係Amber Lager嚟嘅
鬼佬就係IPA
WP Burger
jalapeno pepper salad, aged cheddar, lettuce, tomatoes, onion
同小不點食個sweet tooth tea先～
太妃糖香蕉布里歐 | Toffee Banana Brioche
唔太肚餓加上唔係非常鍾意食麵包
就唔好嗌大大舊honey toast喇
Brioche本身都係指法國類多士嘅甜麵包
再有popcorn香蕉同焦糖元素
不過食落又唔會甜到突然糖尿喪飆喎，唔錯！
綿綿珍珠奶茶鬆餅 | Bubble Tea Waffle with Marshmallows
煙韌嘅黑糖珍珠；香滑嘅奶茶雪糕；
外脆內軟嘅窩夫；較輕身嘅甜忌廉；
最甜就係嗰幾粒棉花糖
加加埋埋都真係幾好味㗎（嘻嘻）
好眼瞓好眼瞓（加上肚餓）
I need COFFEE！！！！！
呃！呢度連啲水都加咗檸檬同薄荷
仲係飲得出味嗰隻，so refreshing～
lunch跟埋嘅餐湯
個味似將午餐肉加水嚟煮咁
係食到有肉絲跟埋味道真係好似，哈！
All Day Breakfast | 啡奴全日早餐
牛角包、煙三文魚、茄汁豆、炒蛋、香草豬肉腸、煙肉、沙律菜
熱辣辣軟滑酥脆有魚有肉大包圍
嘢係簡單不過從揀料同調味到煮嘅時間都啱啱好
咪就係good morning應該有嘅breakfast囉
（雖然已經過晒morning time，but WFC？）
Thyme Roast Spring Chicken with Fries
食完車輪餅想飲啲嘢濕吓口
點知杯嘢飲仲甜過件甜品，哈！
E.Tea 茶星人 - 黃芝金菠蘿（升級）
嗱！已經係黃芝，即係鹹蛋黃芝士奶蓋
係嘅，孭住阿B周街飲嘢係有啲狼狽
所以支筒係一嘢隊盡落杯底
變成只係飲緊個金菠蘿沙冰先
升級版係多啲菠蘿果肉
咁又真係每啖都索到唔少菠蘿肉
飲唔慣甜嘢就當然覺得甜
仲要杯嘢鬼死咁大杯
而夠晒凍就係最好彩畢竟同阿B身貼身好Q熱
啊！飲到最後終於去到個芝士奶蓋
鹹鹹地又幾香喎中和番唔少甜味
杯嘢都算係咁
但係行走糖水呢家嘢
平日都係少飲為妙
無計啦，而家仲係我食乜阿B就食乜
加上攝取糖分太多對皮膚唔好嘛…
明明都唔係好凍之嘛
啲人情願排長龍都要坐室內位
同小不點都怕熱所以揀露天
點知就咁直入就可以坐低叫嘢食喇
話咁快就有得食
焦糖香蕉熱烘窩夫全日早餐
Caramel Banana Breakfast with ‘BEANS’ Waffles
份量唔大不過同小不點都唔餓就無所謂
炒蛋都幾嫩滑
煙肉有少少厚度亦夠鹹香
焦糖香蕉有脆糖面隻蕉本身夠軟同甜 冬甩式窩夫煙煙韌韌帶香麵粉味
整體嚟講不過不失，都唔錯嘅～
Americano | Caffè Latte
嚟得Beans都要試吓佢哋啲beans㗎嘛
杯black coffee係跟餐嘅
世一秘書K生日快樂（撒花～～～）
不過呢次食嘢見面係恨咗好耐嘅細路BB們first meet
伯爵茶芝士蛋糕
想試呢度嘅慢煮封門牛柳但肚仔唔餓
咁就食吓蛋糕飲杯啡啦
呢個蛋糕啊唔知發生咩事
可能係擺耐咗（死都賴係因為睇住啲細路們玩食咁遲食）
入口一pat嘢咁，又冇咩earl grey味亦無芝士味
係個樣睇起上嚟有一粒粒茶葉碎蛋糕形狀嘅物體
搞到好似唔知食咗啲咩落肚咁…
日本製宇治抹茶芝士蛋糕
相比earl grey嗰款
呢個日本直送嘅「正常」好多
有淡淡抹茶甘香亦係較實嘅cheesecake
（同上都係放咗一大輪先食）
靚就好似靚啲but畫蛇添足嘅糖漿就mamaday
Flat White
關於favilla就差唔多等同咖啡
個拉花都唔錯（雖然來吧倒轉地球咗）
K嘅唔係我嘅唔知咩味啊
都係咖啡同奶嘅味㗎啦～
Harry Potter嘛…
電影都只係睇過第一集
本書就直頭冇睇過
唯一最熟咪嗰句：「係愛呀哈利！」囉 XDDD
間餐廳擺咗場景LEGO嗰啲
又放滿晒成系列嘅書咁
好難唔怪華納會告佢侵權嘅
9¾，一齊去撞柱！
水杯都係用傾斜版本，玩味十足
「魔法」做主題就唔一定係要响halloween先擺呢種蠟燭
ButterBeer | 奶油啤酒
唔睇Harry Potter都知道嘅嘢飲
牛油焦糖汽水在上面加pat cream
嘗鮮都叫okay嘅
（普通啤酒好飲啲，呵～）
Green Apple Soda
用lab樽裝住開同用綠色色素有氣嘢飲
同佢一齊，就係求其買罐啤酒周圍走住飲
同對方講無限量嘅話題甚至唔講嘢都咁開心舒服啊！
Suntory 金麦〈深煎りのコク〉
正呀呢罐！每年冬天都會出呢種咁濃嘅啤
烘焙過嘅麥芽味都更深邃
芳香嘅味道而且入口嘅感覺濃厚
苦中帶甜願主係大人嘅味道
無論配嘢食或者就咁飲都可以
而最好嘅配搭… 梗係有佢陪住我啦（笑）
