[冰] E.Tea 茶星人 - 黃芝金菠蘿
食完車輪餅想飲啲嘢濕吓口
點知杯嘢飲仲甜過件甜品，哈！
E.Tea 茶星人 - 黃芝金菠蘿（升級）
嗱！已經係黃芝，即係鹹蛋黃芝士奶蓋
係嘅，孭住阿B周街飲嘢係有啲狼狽
所以支筒係一嘢隊盡落杯底
變成只係飲緊個金菠蘿沙冰先
升級版係多啲菠蘿果肉
咁又真係每啖都索到唔少菠蘿肉
飲唔慣甜嘢就當然覺得甜
仲要杯嘢鬼死咁大杯
而夠晒凍就係最好彩畢竟同阿B身貼身好Q熱
啊！飲到最後終於去到個芝士奶蓋
鹹鹹地又幾香喎中和番唔少甜味
杯嘢都算係咁
但係行走糖水呢家嘢
平日都係少飲為妙
無計啦，而家仲係我食乜阿B就食乜
加上攝取糖分太多對皮膚唔好嘛…