[高馡] hōmu by favilla
世一秘書K生日快樂（撒花～～～）
不過呢次食嘢見面係恨咗好耐嘅細路BB們first meet
伯爵茶芝士蛋糕
想試呢度嘅慢煮封門牛柳但肚仔唔餓
咁就食吓蛋糕飲杯啡啦
呢個蛋糕啊唔知發生咩事
可能係擺耐咗（死都賴係因為睇住啲細路們玩食咁遲食）
入口一pat嘢咁，又冇咩earl grey味亦無芝士味
係個樣睇起上嚟有一粒粒茶葉碎蛋糕形狀嘅物體
搞到好似唔知食咗啲咩落肚咁…
日本製宇治抹茶芝士蛋糕
相比earl grey嗰款
呢個日本直送嘅「正常」好多
有淡淡抹茶甘香亦係較實嘅cheesecake
（同上都係放咗一大輪先食）
靚就好似靚啲but畫蛇添足嘅糖漿就mamaday
Flat White
關於favilla就差唔多等同咖啡
個拉花都唔錯（雖然來吧倒轉地球咗）
K嘅唔係我嘅唔知咩味啊
都係咖啡同奶嘅味㗎啦～
Baileys Iced Latte
呢杯先係我嘅！
啡 x 奶 x 咖啡奶酒
甜㗎！不過飲Baileys就預咗啦
本身個啡底都出嘅
因此杯嘢唔係爆甜係都飄香啡味嘅
加上凍飲就飲落唔覺得超甜
奶味都濃郁厚身，唔錯唔錯呢（心）
啊啊啊啊啊！
好開心嘅兒童餐（w/蘋果汁）
有迷你烏冬、吉列蝦、芝士竹輪（芝士一舊又一舊無）、
薯條、玉子燒、粟米同生菜沙律好豐富
店員畀咗個除鞋房仔area
啲細嘅就可以跑周圍爬
可惜嘅係段時間竟然無咩人幫襯囉
話說哥哥問媽mi細佬會唔會同hidie ee個女結婚
嗱！細嘅係點將來嘅嘢無人知
不過咁，如果係呢個做99我2000%滿意
之但係要阿細佬有個咁嘅外母嘛…
完全想像不能，哈哈哈哈哈 XDDD