[粵] 蒸廬 - 廬 • 二人套餐
有燉湯又有點心
同小不點嚟個開心lunch先…
二人set有兩盅燉湯
熱辣辣上場！
花膠蟲草花栗子燉土雞湯
望個樣同聞個味都知道佢足料
飲落喉嚨潤潤咁，唔錯唔錯
黨參天麻川芎燉魚頭湯
補！味道香藥材味淡淡飄出（正）～
晶瑩蝦餃皇
點心set都有蝦餃，好開心
（蝦餃lover是也）
皮夠韌蝦夠爽味道都幾好
鮑菇蟲草棉花雞
小不點鍾意嘅棉花雞
冬菇換咗做鮑魚菇
個香味同味道就變得無咁濃
雞滑滑棉花魚肚都夠腍，okay啦！
蒸廬拼美點（9件）
嗰9件係燒賣皇x2、蝦餃、抹茶叉燒包、粉果、菜苗餃、馬拉糕、馬蹄糕同薑汁糕
有鹹有甜餡料份量多
甜點唔會好甜而且糕點夠晒煙韌，好食！
抹茶叉燒包
西包配叉燒餡又唔會多咗面頭浸「雪山」
抹茶味其實唔突出
不過本身唔鍾意食叉包所以都冇咩好講
雪花蛋散
呵呵呵有蛋散食
少少可惜佢唔係鬆脆嗰隻
硬硬地嘅炸皮好在唔油膩都冇油臆味
是日甜品 - 蓮子紅豆沙
黐線！個餐鬼死咁多嘢食嘅？！
粒粒紅豆又煲到起沙；蓮子都鬆化