[糖水] 大良甜品 鴻輝記
好想去福元湯圓㗎不過真係好遠
嘻嘻原來呢間都有得食，lucky～
芝麻合桃糊加湯丸 | 大良燉鮮奶
啲糊係磨而唔係溝水開粉嗰隻
舊式傳統味道香甜順滑唔會一舊舊
味道濃郁不過唔會爆甜
食得出炒香咗嘅芝麻同合桃本身個味（nuts萬歲）
嗱！見到大良嘅甜品好難唔叫返碗燉鮮奶嘅
足料厚而挺身裡面唔到氣泡
奶味濃而且香滑，好好味！
湯圓呢… 皮唔係好厚and餡靚囉！
糯米皮夠晒煙韌噍多兩噍仲散發淡淡米香
咬落去就會見到芝麻餡係滿滿嘅
個餡比芝麻糊更為杰身兼起沙
芝麻味再香濃啲然而做到唔會爆甜喎
都算幾大粒所以就算得兩粒都叫做食得幾滿足
間嘢有呢個質素加上價格相宜
C/P值都幾高呢（心）