[犇] 番茄師兄 TOMATO C HING
同佢(+1)行完山走落元朗搵食
點知佢入咗間我唔alright嘅餐廳
脾氣差嘅我竟然冇發火只係默默轉身走
掉低佢兩個而個肚好鬼餓
經過真台客咁啱day-off喎
响連個天都唔鍾意我嘅情況下
係喎，仲有响深水埗鑊鑊見到都好很多人等嘅番茄師兄
即係狗衝入去九秒九決定食乜落單啊！！！
犇犇有禮 烏冬
嚟得番茄師兄當然係為咗佢個番茄濃湯底
用新鮮番茄熬煮仲冇加味精
完全飲得出番茄嘅鮮甜
犇犇嘛… 有牛面頰、牛坑腩同崩沙腩
牛味濃郁加上炆得好腍身好好食啊！
平日麻麻食麵呀米線呀同thanks, but no thanks車仔麵
所以唔揀麵要烏冬，都掛湯算唔錯呢～
檸檬雪梨露
唔太甜又夠香飲完個人爽返晒條氣都順晒
就係知道自己脾氣臭所以吞咗啖氣
其實唔滿意應該唔扯火平心靜氣講意見
可惜從來萬千寵愛學唔識呢樣嘢
慢慢試吓改但係都唔似有咩好方向嘅結果
算啦放棄喇繼續搵返啲就到我嗰啲啦
人生苦短與其谷住道氣咁做人
都係做返最舒服最自在嘅自己好過
between, 佢哋最後都無食到嗰間嘢走咗去616
diu轉呢個場又唔早講
係嘅話一定二仔底死都跟去
不過無啦發咗脾氣佢就唔L見我㗎喇
都唔知究竟邊個啲脾氣臭啲，超～～～