All Posts
雖然佢次次食完都會痾
但係又話好好食
好啦！跟吓去試佢鍾意嘅味道先…
自選小鍋米線
裡面加咗炸醬豬腸腩肉腐竹
一睇就知係辣嘅不過唔係大辣啦
香嘅，一入口試個湯已經辣到我叫救命
好在碗嘢唔係我嘅
自選小鍋薯粉
係嘅，就算想嘗試融入佢嘅口味
始終自己有啲嘢都係想去返comfort zone
唔鍾意食辣唔鍾意食米線唔鍾意要好似車仔麵咁揀餸
我真係落入咗個奇怪嘅地方
要揀米線都係會揀薯粉，好咬啲嘛
諗唔到餸就食雲吞同腐竹
食唔到辣就揀小小辣
搞到碗嘢睇落唔太開胃不過其實個味同雲吞都好食
係雲吞加薯粉呢個組合實在會太full
因為本身碗嘢好大
食唔晒喇今次…
食粉麵配豆漿最正常啦
加上咁辣點可以唔對返支啊？！
口味唔夾㖭，不過我冇食到痾啊哈哈哈～～～
又係一齊去產檢嘅日子
去之前排個短隊（幾個人响前面）食碗拉麵先…
裝修係魚場屋台風
加上海量嘅漫畫牆身
日系童趣感十足
而呢度嘅另一特色梗係個麵量
係其他一般拉麵店嘅份量1.5倍
C/P值高都係一大賣點喔！
魚介豚骨蕃茄海蝦味沾麵
呢間舖12:00－15:30只提供沾麵
去到晚市17:30－22:30就剩係有拉麵
台風最最最signature就係魚介豚骨湯底
兩碗沾麵個沾麵湯都係以呢個做base
紅色呢碗係爆香豬魚味加茄味同蝦味，勁鮮甜呢～
魚介豚骨焙煎黑芝麻沾麵
黑擝擝就有呢兜黑芝麻嘅
已經夠晒香嘅魚介豚骨湯底
再添爆香濃味嘅焙煎黑芝麻晌裡面
濃到痴線，仲要勁掛麵… 好漏呀頂！
食呢碗沾麵記住响食完之後
叫職員加湯落沾麵湯度再轟埋佢
麵多，配料都唔少㗎
搞到送完碗麵都仲有好多繼續食食食
\每日限賣30碗/ 沾麵
雖然麻麻地麵食
但就好鍾意台灣牛肉麵
咁呢間無理由唔去試㗎嘛
唯一可以卻步嘅理由只係要排隊
所以一係就咁啱要前後腳等得
又或者較啱時間去就冇問題
紅燒牛肉麵（角切）
鍾意食嘢有得咬咬吓因此揀角切
軟身未到腍身嘅狀態
牛肉味同滷汁味一齊爆出
湯底唔係我至愛嘅中藥材味
不過都唔係求其豉油味hea咗就算嘅貨色
麵條夠彈牙唔錯唔錯！
麻辣牛肉麵（片切）
相對基本味嘅湯底麻辣味就食得興奮啲
較為提香微微麻辣同牛肉好鬼夾
牛肉份量多唔孤寒，牛精都覺得滿足
肉鬆蛋餅
軟滑軟滑嘅蛋餅皮（心）
加上滿滿肉鬆
配埋醬油膏味道啱啱好唔會太鹹
好好味呀～～～
醬油番薯葉
晌街食菜少見嘅番薯葉
見到佢嘅蹤影喎嗌返碟先
plan好曬之後條路
點知突然要買個新電話
買完個新電話仲發現有個新小朋友
個腦完全實咗
佢就同我反差大到極
開心到爆一直畀笑喊樣我
不過就即刻衝嚟搵我
反正就算唔係武肺食咩都無味
咁就去試吓平日我唔食佢會食嘅米線啦
招牌滷鵝片重口味麻辣湯米線
well，對於真・麻辣嘅佢嚟講
呢隻麻辣湯對佢一定唔係重口味
而滷水鵝片嘛… 佢又對潮州鹵水有份堅持
所以整體上就變得麻麻地
麻香手撕雞金銀蛋芫茜湯米線
呃… 個menu寫嘅麻香手撕雞係有隻辣椒
不過係連我呢種唔食得辣嘅都唔會覺得辣嘅口味
幾麻嘅啲雞都咬到有肉汁唔錯嘅
至於個芫茜茜茜茜湯
味道較清淡，個芫茜味都未到爆濃嘅程度
米線都唔係我杯茶
加上心情太差（個天好似跌咗落嚟咁）
食唔落喇…
細個唔鍾意食粉麵飯
不過又得閒會走去食牛雜撈粗
人大咗食多好多唔同嘅嘢
就冇好似以前咁諗去食
有次佢提起話有間牛腩麵好好食佢成日都會去
喂呀！帶埋我去啦，好耐冇食過喇～～～
招牌牛腩撈粗
睇個樣都見到炆得夠腍但唔會冇咗噍頭 牛味香濃煮汁唔會太鹹而蓋過牛本身個味
加埋佢個辣油，完勝！
牛筋牛腩撈粗
响牛雜定牛腩之間諗咗陣先加嗌
牛筋夠晒漿口又夠香，好正！
粗麵質地夠爽又唔會重鹼水味唔錯啊
牛雜撈粗
呵呵呵都係好想食牛雜撈粗嘛…
煮汁味香濃牛雜洗得乾淨冇臭味
呢間嘅牛腩同牛雜都好出色（心）
超～ 多～ 腐乳嘅腐乳通菜です。
黃藍是政見；好食是良知
呢間既係黃店（少有聽牛雜粉麵係黃店喔）
好好食之餘仲係間有人情味感覺嘅小店
個package好perfect，呵呵～
食過碗拉麵講開先知原來佢都幾鍾意食呢樣嘢
仲話要帶我去食佢好鍾意食嗰間
不過就話要就啱時間去唔係就要等位㗎喇
然後meet佢嗰日嘅鐘數咁啱無人，正！
濃湯極上拉麵 | 濃湯豚骨拉麵
佢話一定要揀濃湯！！！
哇！呢隻豬骨湯真係好Q濃厚
濃郁順滑得嚟都唔算太油膩
幼身麵質都幾掛汁所以都唔講唔覺「飲」咗好多湯
都因為咁搞到我有少少頂唔順 ==
食肉獸應該至愛呢度啲叉燒
極上嗰碗有六大塊普通版就三大塊
六塊嗰個鋪滿隻碗都咪話唔誇張
叉燒肉香又夠好咬
都唔需要去揀呢度嘅「真 ‧ 叉燒」都okay
嗰種叉燒係慢煮版本咁普通有噍頭啲
再腍身啲嘅話反而會唔好食
隻半熟蛋完成度高好味呢
呢碗係食過最濃郁原味豬骨湯底嘅拉麵
係有啲吃不消然而整體嚟講都唔錯
同佢搵餐廳揀嘢食嘅最大分別
會係我鍾意試完一間下次會試第二間
佢呢鍾意去一間餐廳就會翻兜翻兜再翻兜
好啦咁呢間又真係好食嘅
所以由日食到夜都未食得厭…
火腿滑蛋牛角包
嗱！好鍾意食牛角包嘅我見到一大清早就有佢買仲送埋上嚟
本身件事已經夠美好
加上外賣嚟都仲係熱嘅
個包夠酥蛋皮夠軟滑沙律菜都新鮮
點都係個good morning啦！
香煎牛肉眼扒
配迷你牛角包、炒蛋、炸薯餅、茄汁焗豆
外賣都好味堂食都唔會伏
牛扒肉質夠腍汁standard嘅
茄汁豆咪茄汁豆囉(mini) all day必備㗎啦
（加上本身都鍾意食）
現場食嘅炒蛋再滑身啲
炸薯餅係其中一樣嘅早餐至愛
夠脆夠熱有薯味就已經好滿足喇
哈哈哈，牛角包啊yeah雖然係迷你版都好開心呀！
美國豬梅扒
平日好鍾意食日本(/式) 居酒屋啲串燒
亦會响食東南亞嘢嘅餐廳食沙嗲串燒
而中式串燒都只係食過回族羊肉串（@香港、@西安）
所以港產川式嘅其實我係冇食過
佢見我都鍾意食串燒
就話帶我去一間會覺得好食嘅
GOGOGO！
大肚又禁酒again
喂呀食熱氣嘢冇得飲酒呀！！！
簡直要用李香琴mode嗌句：「世界末日㗎喇～」
鹽燒牛舌串、鴨舌串
同動物們打返個車輪先
燒雞胸軟骨串、羊肉串
同平時日式串燒最大分別
應該就係咩都會先加辣粉或/同孜然粉咁
啲嘢都新鮮所以好食啊！
鹽燒牛舌串(encore)、雞軟骨、雞腎、魷魚鬚
雞軟骨、雞腎就係最好過口癮嘅串燒款耶～
魷魚鬚又有焦香魷魚腳本身唔會太乾
而且係新鮮一咬就斷嘅，正！
蒜心、大京蔥、鴨胸串
响韭菜同蒜心揀就揀中間可以爆汁嘅蒜心
京蔥燒過就係濃甜囉
燒鴨胸油花咇出，好香加辣粉唔會漏
今次又係跟佢去話好食嘅地方
提過幾次終於有機會去
雖然唔好彩要等位（都等咗段唔短嘅時間）
但係決心要食，唔轉場啊！
泰式生蝦
我哋兩個都好鍾意食生蝦
所以每！次！去邊間食泰國菜都會叫生蝦
生蝦新鮮彈牙爽口
可能太夜喇今日啲蝦未到漿口嘅地步
不過加埋個惹味辣汁
就算爭嗰少少都絕對可以接受
泰式拼盤（魚餅、春卷、蝦餅、恐龍蛋）
yeah！又係我最愛嘅炸物時間
魚餅裡面有香料連埋魚味好鬼正
春卷超～ 脆～ 餡料又爆爽脆好食啊
蝦餅非常彈牙又夠鮮蝦香味
恐龍蛋即係包住皮蛋嘅炸薄蝦餅
唔係中菜先會揀溏心皮蛋
呢隻都係，而蝦餅部分繼續外皮脆脆夾層微彈牙咁
連伴碟嘅生菜番茄都係超新鮮唔係裝飾品
成盤嘢都好好食呢～～～
泰式明爐烏頭
通常佢會諗食咩嗰陣都會揀明爐烏頭
紀念曾經有個會驚死你無得食一支公會悶嘅佢…
Azooms 김밥 Beef Gimbap 牛肉紫菜飯捲 紮實嘅김밥，麻油紫菜下捲住薄薄一層飯
滿滿嘅餡料有新鮮爽脆嘅甘筍青瓜
醃得唔太酸同鹹嘅黃蘿蔔
煎薄切絲嘅蛋皮
仲有當然唔少得嘅牛肉
個牛冇特別調味得好濃郁所以食得返牛肉本身個味
一條飯捲切成九大件
超足料所以好夠飽
味道唔會好濃感覺好家庭式做法
又係畀佢餵飽咗嘅一個lunch
(曾) be loved 嘅感覺，真好～
咁啱响享和街泊到車喎
佢就話同我試吓間個樣噏耷但係好食嘅上海菜
跟餐嘅是日例水係青紅蘿蔔
煲得出味呀都唔錯
南翔小籠包
响家庭式經營嘅舖仔當然係唔會預嗰種精緻樣小籠包
佢個皮唔係超薄不過食得出軟滑
肉餡都係夠滿滿誠意
味道足而且都有灌湯爆出
唔係機械式嗰種handmade感覺
抄手
比小籠包更飽滿嘅肉餡
怕辣就無放好多辣油
不過變咗紅油抄手咪即係食川菜？！
以鮮肉雲吞嚟講就算唔落咁多辣齋配料都夠惹味喇！
回鍋肥牛配菜飯
回鍋肉嘛… 本身都係川菜嚟嘅其實
通常係用豬肉but whatever個味好就得啦
個菜飯啲菜唔會腍到爛晒咁都幾好
担担麵、豆漿
哈哈哈，本身又又係川菜again
但係佢個味又偏上海啲唔係紅到嘔碗血咁
比較似日本中餐廳嗰種
兩條睡眼惺忪又餓嘅友仔响銅鑼灣搵食
响諗咗一陣都未諗到食咩嗰陣
拉佢入完全唔似銅鑼灣嘅希雲街先…
肉汁滿滿餃子 | いろは肉汁餃子
餃子皮個底煎得好香脆
滿肉嘅不過唔算非常多肉汁
個味又幾好食喎，good start！
冠軍黑醬油拉麵 | ブラックチャーシューラーメン
濃味且帶住鹹香醬油味嘅拉麵
仲有淡淡嘅黑椒同蒜香
味道濃郁但唔會過於油膩
配煮得腍身嘅叉燒
無嘢好挑剔嘅半熟蛋
難怪响日本拎過五年冠軍呢～
黃金蟹糕牛奶沾麵 | かにみそ牛乳味玉つけ麺
有沾麵梗係揀沾麵
加上呢度係蟹糕同牛奶沾麵
出面難搵呢個combination啊
