[滬] 上海美味一品香菜館
咁啱响享和街泊到車喎
佢就話同我試吓間個樣噏耷但係好食嘅上海菜
跟餐嘅是日例水係青紅蘿蔔
煲得出味呀都唔錯
南翔小籠包
响家庭式經營嘅舖仔當然係唔會預嗰種精緻樣小籠包
佢個皮唔係超薄不過食得出軟滑
肉餡都係夠滿滿誠意
味道足而且都有灌湯爆出
唔係機械式嗰種handmade感覺
抄手
比小籠包更飽滿嘅肉餡
怕辣就無放好多辣油
不過變咗紅油抄手咪即係食川菜？！
以鮮肉雲吞嚟講就算唔落咁多辣齋配料都夠惹味喇！
回鍋肥牛配菜飯
回鍋肉嘛… 本身都係川菜嚟嘅其實
通常係用豬肉but whatever個味好就得啦
個菜飯啲菜唔會腍到爛晒咁都幾好
担担麵、豆漿
哈哈哈，本身又又係川菜again
但係佢個味又偏上海啲唔係紅到嘔碗血咁
比較似日本中餐廳嗰種
有花生碎微辣嘅麻醬麵咁
然而呢個口味比傳統川菜嗰隻更啱我
配豆漿啱啱好，雖然無得揀無糖…
話說碗麵嘅蔥花係有切過咁成條上
真係好家庭式，我阿媽切嘢都係咁上下 XDDD