[麵] 富山麵家 Ramen Iroha
兩條睡眼惺忪又餓嘅友仔响銅鑼灣搵食
响諗咗一陣都未諗到食咩嗰陣
拉佢入完全唔似銅鑼灣嘅希雲街先…
肉汁滿滿餃子 | いろは肉汁餃子
餃子皮個底煎得好香脆
滿肉嘅不過唔算非常多肉汁
個味又幾好食喎，good start！
冠軍黑醬油拉麵 | ブラックチャーシューラーメン
濃味且帶住鹹香醬油味嘅拉麵
仲有淡淡嘅黑椒同蒜香
味道濃郁但唔會過於油膩
配煮得腍身嘅叉燒
無嘢好挑剔嘅半熟蛋
難怪响日本拎過五年冠軍呢～
黃金蟹糕牛奶沾麵 | かにみそ牛乳味玉つけ麺
有沾麵梗係揀沾麵
加上呢度係蟹糕同牛奶沾麵
出面難搵呢個combination啊
因為食嘢慢所以通常有同熱湯分離嘅都係首選
（即係越南嘢有撈檬就唔揀湯河咁）
唔一直浸住啲熱湯個麵就唔會諗得太快
呢度嘅麵韌性好比幼身手打烏冬
帶有微微麥味，麵質爽滑彈牙有噍頭
就咁沾比熱湯麵更爽口
配料有叉燒蟹柳粟米同溏心蛋
牛油牛奶湯底配粟米就最夾
蟹柳就冇嘢好講啦
咁蟹糕湯底又唔係配蟹肉就唯有放蟹柳㗎啦
食拉麵又好沾麵都好最最最緊要係個湯底
味道係較清淡嘅奶黃色湯底
食落有淡淡牛奶嘅忌廉雞湯味
面層係熱溶牛油更提香
加埋個蟹糕溝勻就完全唔同境界
鮮鹹香味一次過爆發出嚟
難怪配料求其都okay
一個沾麵湯就救晒成兜麵
係嘅隻蛋呀拉麵本身都唔錯啦
おおいたっ茶
唔夠瞓飲唔到凍嘢
呢隻熱綠茶又幾好味喎
暖一暖身兩條友又繼續蕩吓先
（雖然依然係好眼瞓 Zzz…）