[犇] 創記小食店 Ching Kee Food Centre
細個唔鍾意食粉麵飯
不過又得閒會走去食牛雜撈粗
人大咗食多好多唔同嘅嘢
就冇好似以前咁諗去食
有次佢提起話有間牛腩麵好好食佢成日都會去
喂呀！帶埋我去啦，好耐冇食過喇～～～
招牌牛腩撈粗
睇個樣都見到炆得夠腍但唔會冇咗噍頭
牛味香濃煮汁唔會太鹹而蓋過牛本身個味
加埋佢個辣油，完勝！
牛筋牛腩撈粗
响牛雜定牛腩之間諗咗陣先加嗌
牛筋夠晒漿口又夠香，好正！
粗麵質地夠爽又唔會重鹼水味唔錯啊
牛雜撈粗
呵呵呵都係好想食牛雜撈粗嘛…
煮汁味香濃牛雜洗得乾淨冇臭味
呢間嘅牛腩同牛雜都好出色（心）
超～ 多～ 腐乳嘅腐乳通菜です。
黃藍是政見；好食是良知
呢間既係黃店（少有聽牛雜粉麵係黃店喔）
好好食之餘仲係間有人情味感覺嘅小店
個package好perfect，呵呵～