[麵] 麵屋丸京 Maru Kyou
食過碗拉麵講開先知原來佢都幾鍾意食呢樣嘢
仲話要帶我去食佢好鍾意食嗰間
不過就話要就啱時間去唔係就要等位㗎喇
然後meet佢嗰日嘅鐘數咁啱無人，正！
濃湯極上拉麵 | 濃湯豚骨拉麵
佢話一定要揀濃湯！！！
哇！呢隻豬骨湯真係好Q濃厚
濃郁順滑得嚟都唔算太油膩
幼身麵質都幾掛汁所以都唔講唔覺「飲」咗好多湯
都因為咁搞到我有少少頂唔順 ==
食肉獸應該至愛呢度啲叉燒
極上嗰碗有六大塊普通版就三大塊
六塊嗰個鋪滿隻碗都咪話唔誇張
叉燒肉香又夠好咬
都唔需要去揀呢度嘅「真 ‧ 叉燒」都okay
嗰種叉燒係慢煮版本咁普通有噍頭啲
再腍身啲嘅話反而會唔好食
隻半熟蛋完成度高好味呢
呢碗係食過最濃郁原味豬骨湯底嘅拉麵
係有啲吃不消然而整體嚟講都唔錯
餃子
皮薄有肉香底都有焦脆，幾好嘅
拉麵出色啲～
話時話呢間嘢係日本過江龍嘅京都嘢
但係去京都嘅話真係冇諗過要去食拉麵呢，哈！