Sliet(スリエット) 体幹を整えるスリッパ | 100均のストレッチスリッパ
生完阿B其中一樣衰格咗係姿勢唔好
搞到寒背肚趷，本身已經唔優美嘅線條更為下滑
真係要由頭到腳再由腳到返頭搞搞佢…
ストレッチスリッパ
stretch slippers又或者叫ダイエットスリッパ (diet slippers) whatever
平平地100円店入手貨色
半隻拖鞋湧泉穴為趷起無後踭款式
着住佢周屋行練下小腿
強行令自己條腰伸直
不過着着吓都覺得幾攰㗎好似真係有伸展吓咁
Sliet(スリエット) 体幹を整えるスリッパ
晌而家呢個世代
已經無咗無事出街少破財呢樣嘢
見到櫻花妹子推薦呢對鞋
「唔小心」就訂咗對返嚟試吓
個樣似普通舒服啲嘅屋企拖鞋咁
但魔鬼在細節，佢係自信踭嘅相反
前面高後面低感覺上違反常理
因為同100円店嗰對一樣
都係練吓軀幹收吓下腹屁股小腿咁
不過最唔同係除咗佢個樣好靚外
係個舒適度，着落周圍行都好舒服
個鞋墊軟軟咁好好踩
係唔覺唔覺偷偷地鍛煉咁
無好似100円店嗰對好下意識挺直個身都已經挺咗
可惜唔係完全冇缺點啦
如果晌香港咁濕熱嘅天氣着
着個時間太長就會焗腳咗少少
一係就開冷氣（嘿）再唔係就着返對襪
又或者，離開濕熱嘅香港（哈）
咁就對腳爽返啲…
啊！對鞋呢唔知只係燒到我
拎返屋企拆盒之後
賓姐姐見到話好靚然後我話着落好舒服
畀佢試一試着，跟住叫我幫佢訂返對 XDDD