All Posts
飲咖啡食餐飯甚至要有art嘅嘢
冚棒唥喺齊呢度！
南瓜甘筍忌廉汁蟹肉燉飯、泡沫咖啡
menu寫嘅《廚師推介》飯
金黃色澤嘅南瓜甘筍忌廉汁 w/cheese
一舊舊拆肉蟹肉碎
再加埋杯拉花Cappuccino
Perfect lunch呢…
因為泊車方便加上間嘢都keep住啲品質
唔難成為我同佢食癲嘅飯堂…
泰式炸蝦片
脆卜卜重香料味嘅泰式蝦片會有人唔鍾意食㗎咩？！
泰式生海蝦
我哋呢兩隻生蝦lovers有生蝦又點會唔嗌？
咁呢度啲蝦又堅係大隻兼爽身嘛！
加上係一半紅一半綠嘅辣汁
味道調得夠晒辣仲成杯shooter咁又睇得又食得
點會唔次次都order啫？！
泰式酸辣鳳爪沙律
個味夠晒酸辣嘅鳳爪食得好爽
鳳爪嘅爽口度絕對唔會輸畀啲配菜西芹甘筍同洋蔥
作為BB班辣度嘅我覺得好辣
不過唔辣又邊好食啊？
香芒軟殼蟹米紙卷
從軟殼蟹到芒果再到塊大生菜都食得出新鮮
一次過捲入煙韌米紙皮裡面
蘸埋甜辣醬，將外脆內軟又爆汁嘅蟹；
滑身微甜嘅芒果；軟腍嘅粉絲；
爽脆生菜同韌身嘅米紙共冶一爐
層次超豐富味道有鹹且甜非常過癮！
小食拼盤（小）
（蝦餅、春卷、串燒、雞翼）
蝦餅：炸得香脆肉質彈牙仲好厚身，正～ 春卷：外皮酥脆內裡係滿滿爽口鮮甜嘅蔬菜絲
臨生B前一齊去剪頭髮然後搵食…
雖然個裝修係走型格路線
但係個餐牌話自己係「正宗南部越南菜式及街頭小食」咁
Chả giò rế | 迷你春卷
熱辣辣又夠脆，個味道都係standard嗰種
Phở bò | 生牛肉河粉
有牛味香料味唔重
半生熟牛新鮮唔韌嘅
不過無咩好出色令人驚艷嘅味道
加上以呢個價錢C/P值就唔高喇
Bánh Mì Thịt | 越南法包
用紅火龍果果汁做包所以個包有淡淡紫紅色
個面睇落好似幾脆咁可惜食落唔係
腍身軟軟嘅包索咗啲肉醬汁都唔錯嘅
又係佢畀我揀食咩lunch嘅日子
記得好耐之前經過見到啲麵個樣有啲想試
但係嗰陣仲圍緊板未開張
好喇到突然又諗起不如食麵都好就坐低等佢過嚟食…
川味紅燒三寶牛肉麵
（牛腱、牛筋、牛肚）
一如以往，有牛肉麵佢係會揀牛肉麵嘅（笑）
其實呢，台灣嘅牛肉麵最「正宗」嘅風味係來自四川
而呢碗係有大大隻嘅辣椒但係唔點辣嘅
啲牛腱呀牛肚呀都炆得腍身
牛筋漿口而且全部都煮得入味
湯底顏色深不過未算好濃滷水豉油味
整體都算叫做okay嘅未去到一試難忘咁解
麻辣老鍋麵
食呢種過江龍嘅餐廳當然想食返當地嘅味道
碗麵有肥牛墨汁豬肉丸響鈴之外
仲有台灣直送鴨血です
恨食麻辣鴨血嘅我梗係唔會錯過
揀咗粗麵，即係關廟刀削麵
（另可揀幼圓身嘅傳統關廟麵同幼扁身嘅關廟拉麵）
啲麵係手工天然日曬嘅
夠Q彈唔易爛亦唔會令啲麵粉剝落滲去湯底
湯底係牛肉麵嗰隻湯再加啲麻辣，都ok辣㗎
老鍋呢就好似火鍋咁咩餸都有啲睇落好豐富
邊爐必備嘅肥牛咪都係肥牛咁
Harry Potter嘛…
電影都只係睇過第一集
本書就直頭冇睇過
唯一最熟咪嗰句：「係愛呀哈利！」囉 XDDD
間餐廳擺咗場景LEGO嗰啲
又放滿晒成系列嘅書咁
好難唔怪華納會告佢侵權嘅
9¾，一齊去撞柱！
水杯都係用傾斜版本，玩味十足
「魔法」做主題就唔一定係要响halloween先擺呢種蠟燭
ButterBeer | 奶油啤酒
唔睇Harry Potter都知道嘅嘢飲
牛油焦糖汽水在上面加pat cream
嘗鮮都叫okay嘅
（普通啤酒好飲啲，呵～）
Green Apple Soda
用lab樽裝住開同用綠色色素有氣嘢飲
同係咪大肚應該無關
又又又突然間餓到食得落成隻牛（吼吼吼）
啊～ 搵到牛堡 w/add on
唔好食太多嚇親人喇…
Texas BBQ Beef Burger
fried onion ring | crisp bacon | house barbecue sauce | brioche
厚厚嘅一個burger
包嘅本身係香甜軟軟法式brioche
其實細時都冇落旺角掃街嘅習慣
但係人大咗又好鍾意去台灣啲夜市密密食
好懷念去台灣飲飲食食嘅日子啊啊啊～
唔太肚餓就唔嗌呢度嘅便當飯同麵喇
台式蛋餅（起司）
早餐嘢不過做brunch下午茶同消夜都冇違和感
餅皮軟滑柔韌同响苗栗食嗰塊脆身嘅唔一樣
有蛋香之餘芝士融化亦帶鹹香
所以就算醬油膏唔多都唔覺唔夠味
肉燥燙青菜
菜新鮮配上滷味足夠晒肥嘅南部肉燥
（北部同中部叫呢種做滷肉(碎)嘅）
比就咁蠔油生菜多層次啲
啊～ 任斟嘅冬瓜茶
個味都幾香而且唔會好甜，唔錯唔錯！
金梅地瓜QQ球
喔！唔夠飽再加份甜品先
啲蕃薯波波仲係台灣直送㗎呢
細細粒炸到漲卜卜咁好可愛
外面金黃又脆口裡面QQ
好咬又香蕃薯味
味道唔會好甜加埋啲金梅子粉好開胃
唔講唔覺又剷晒㖭（飽飽）
人在江湖 大快朵頤（嘻嘻）
滿滿武俠風嘅menu
呢度係用自煉豬油唔係坊間嘅合成豬油
煲仔飯上咗枱倒完round豉油同豬油要焗一陣
咁先食碟招牌燒通菜
即係港式串燒舖嘅燒菜
呢碟就鋪上勁多蒜蓉
麵醬鯰魚煲仔飯
個麵豉醬豆味香濃
鯰魚滑溜配埋豉油豬油非常提香
蔥嘅份量都幾多（一片綠）
新鮮嘅唔會好辣好嗆喉
個飯當然好重要
粒粒分明又有米香
豬油同調味再加餸料嘅味滲晒入飯好好味
飯焦！飯焦！！飯焦！！！
好好食，清晒梗係無難度～～～
嗰幾個連住嘅商場仔有好多細舖
（留白、轉角 ‧ 見、森美餐廳、 餃子屋、滷友記嗰啲都係）
全部都唔係連鎖店感覺上有人情味啲
日式屋台裝潢加好多隻貓嘅畫
諗起同樣係滿舖貓掛畫嘅麵.睦月
蔥山拉麵
啡白色嘅魚介湯底
配上綠色蔥山感覺好earthy
真係多蔥如山㗎哈哈
魚介湯底味道香而濃郁
無豬骨湯底咁油膩
火炙豬肉肥瘦均勻又燒得香
味玉係流心貨仔
筍入味嘅紫菜大大塊食得滿足
最緊要係啲蔥！
本身唔鍾意食蔥嘅我都覺得佢唔臭唔辣
所以成碗嘢都好香，幾好幾好～
櫻花蝦拉麵
基本配料一樣只係將大量嘅蔥換成大量櫻花蝦
湯底變得超！香！甜！！！（握拳）
賣相呢就一生懸麵靚少少
不過講蝦香呢碗無得輸，就咁。
拎住張商場coupon就求其揀間食肆
反正佢會同我講食咩都得無所謂嘅…
泰式酥炸雞肉燒賣
炸魚餅炸蝦餅就食得多
平日有港式炸魚肉燒賣都會嗌
今次係雞肉燒賣仲要係炸嘅版本喎
哈哈哈，雞肉黏性冇咁強肉質較散啦
好彩個皮炸得夠硬脆
而且本身個味道調得幾好，算係咁！
紅咖喱牛肋條配白飯
多蔬菜嘅椰汁紅咖哩咁囉
咖喱都okay香唔算好驚艷好出色
牛肋條都腍身嘅… 可以啦可以啦
（附近揀咖喱會去張秀玲囉…）
馬拉肉骨茶配白飯
嗯… 有微微嘅藥材味同重豉油嘅味囉
相比樓下都有間嘅蘇媽.蘇媽遜色啲咁
又唔係一無是處嘅至少都好足料
份量多到有少少後悔點解唔只係嗌迷你肉骨茶就算
（啊！因為食唔夠金額冇得用張coupon哈）
小島甘蔗汁
雖然嘢食好商場價錢亦好商場貨色
不過杯蔗汁幾好飲吖都
同佢一樣都鍾意去打冷食滷水鵝
咁都唔係可以日打夜打㗎嘛
（秘書K就可以日夜non-stop打邊爐ㅋㅋ）
佢突然提起話有間滷水嘢都幾好味
又跟住佢去食囉…
滷水金錢肚拼滷水牛筋手造爽脆米粉（滷水湯）
牛肚新鮮一咬就斷
滷水料 x 滷水湯有飄香豉油味
呢間嘅滷水唔算好重香料味
勝在啲嘢夠入味之餘無搶到食材本身個味 米粉晶瑩剔透咬落爽脆
不過冇乜米味就真嘅
牛筋牛筋牛筋！
夠漿口我幾鍾意啊（心）
滷水金錢肚拼滷水豬大腸手造爽脆米粉（滷水湯）
見佢成日都嗌豬大腸嘛咪都試吓
腸衣腍身唔韌裡面啲肥膏整走晒唔會肥漏漏
個滷水依然入味，唔錯嘅！
嘢飲有得揀自家製嘅陳皮冰糖燉檸檬
味道唔錯有陳皮香但唔會苦
冰糖燉檸檬酸酸甜甜咁，幾好味～
同佢行經嘅時候見到唔使點等位
咪試吓大大件嘅餃子囉…
傳統四拼（韭菜/白菜/椰菜/芹菜）
我呢啲煎炸friend梗係食煎餃
餃子皮兩邊都煎得金黃香脆
餡料飽滿肉量都算多
韭菜餃最香；椰菜味較傳統；
芹菜個味最爽口；白菜味就清清地幾特別
啲餃大大隻大半個拳頭嘅size
仲係煎炸嘢油膩啲所以隊唔晒八隻（靠佢喇）
佢唔係煎炸朋友當然揀湯餃
都係肥嘟嘟大大件
個湯聽講無味精而飲落都okay嘅
（煎餃嘅就另外有一小碗）
湯嘅顏色奶白但飲落唔算好香濃
所以加另上嘅辣菜甫先會夠味
可惜我係唔食菜甫，forget it.
間嘢係大件算抵食嘅
不過有講唔上特別好味
見唔使點排隊試一次都可以
畢竟我又唔係真係好鍾意食餃子啊～
