[台] 真台客 Taiwanese Men
其實細時都冇落旺角掃街嘅習慣
但係人大咗又好鍾意去台灣啲夜市密密食
好懷念去台灣飲飲食食嘅日子啊啊啊～
唔太肚餓就唔嗌呢度嘅便當飯同麵喇
台式蛋餅（起司）
早餐嘢不過做brunch下午茶同消夜都冇違和感
餅皮軟滑柔韌同响苗栗食嗰塊脆身嘅唔一樣
有蛋香之餘芝士融化亦帶鹹香
所以就算醬油膏唔多都唔覺唔夠味
肉燥燙青菜
菜新鮮配上滷味足夠晒肥嘅南部肉燥
（北部同中部叫呢種做滷肉(碎)嘅）
比就咁蠔油生菜多層次啲
啊～ 任斟嘅冬瓜茶
個味都幾香而且唔會好甜，唔錯唔錯！
金梅地瓜QQ球
喔！唔夠飽再加份甜品先
啲蕃薯波波仲係台灣直送㗎呢
細細粒炸到漲卜卜咁好可愛
外面金黃又脆口裡面QQ
好咬又香蕃薯味
味道唔會好甜加埋啲金梅子粉好開胃
唔講唔覺又剷晒㖭（飽飽）