All Posts
同tak & 小不點食過early癲
啱啱好彩夠早唔使等位就有位有得食
烤蔬菜 | 奶油薯泥 Padano起司
瓜瓜菜菜燒過之後香甜
加埋陳醋後個味唔錯唔錯
薯泥夠滑都香芝士味
（成餐最好食嘅嘢）
椒剁牛肉 | 台灣眷村好味道
燉牛肉、手抄花椒豆板醬、62.5°C溫泉蛋
大大舊燉牛肉微辣同炆得算～ 腍～
蛋好食嘅滑捋捋咁
個risotto一般般啦一pat嘢咁fully cooked…
串燒 | 吃燉飯配串燒
烤肉串、烤蔬菜串、日式照燒醬、62.5°C溫泉蛋 話說… 睇唔到所謂嘅烤肉串
放低阿B可以坐耐啲
去食串燒啦哈哈哈～
燒秋葵 | 雞心 | 豬心 | 雞膶
因為佢所以就接受咗港式串燒
不過亦依舊食返同日式串燒一樣嘅食材(咁滯)
有連去專食內臟串嘅日本串燒店モクモクやきとん嘅燒豬心啊！
燒牛舌 | 韭菜花
彩椒燒茄子
香氣四溢小小辣又夠濕，好味！
臭豆腐
唔係超～ 臭～ 嗰隻
然而個味都夠，小小幾件夠過口癮
招牌生燒雞全翼
平時好少食雞全翼因為覺得好麻煩
但係又寫「招牌」又話買三送一又無理由唔試
放低阿B就去食吓燒肉先（哈）
攬定圍裙好好坐嘅「防彈(油)少年團」先
忌廉湯
哈哈冇平時有得揀就會揀嘅紅湯㖭
嗯… 一般例水咁囉冇咩特別
千代田旋風蛋包飯 香煎手打芝士牛肉餅旋風蛋包飯
話說呢度除咗石燒
蛋包飯都係名物
個旋風蛋都係好旋風嘅無誤
樣係唔錯嘅，可惜食落mamaday
唔係話個味唔好
係啲蛋唔係日式滑蛋
而個蛋味亦都唔出
日式咖喱唔香
肉餅就okay咁啦
但都無話係juicy呀香肉味嗰種
整體叫做完成咗一個個樣幾靚嘅飯咁
鮮葡萄巨峰梳打
跟餐加錢嗌嘅嘢飲
呢杯唔係我嘅，我無試飲
炭焙烏龍茶玫瑰海鹽奶蓋
我飲嘅係呢杯，特登叫可以走甜就走甜
冇得走甜就盡盡量少甜
特登早啲起身遠征嚟食個lunch！
Carbon Brews Staying Alive (Session IPA)
哎吔吔，今日嘅tap冇brown ale
咁得IPA就當然都唔會錯過啦
柑橘香氣中帶微微苦松針味道 當然最出都係隻美式啤酒花隻味
好夠氣，响咁熱嘅天氣下飲夠晒爽！
Deep Fried Pickles | 炸酸青瓜
等食中飲住啤酒嘆吓小食
鬆脆嘅炸漿包覆住裡面濕濕嘅醃青瓜仔
夠酸又微爽，啪落好開胃呢～
BEEF：The Blue | 流心藍芝士手打牛肉漢堡
抱住醒神嘅阿B食tea就唔好食有熱湯嘅嘢…
食返個burger set都唔錯～
set就有加埋雙色薯條同嘢飲
雙色薯條係熱辣辣脆卜卜嘅薯仔 x 蕃薯條，好好味㗎！
雙層芝士牛肉漢堡
手打牛肉扒 | cheddar cheese | mozzarella cheese | 番茄 | 紅洋蔥 | 羅馬生菜 | 自家醬汁
店家會响食之前畀定個漢堡袋
真係非常需要因為塊牛肉漢堡扒超級juicy
好眼瞓好眼瞓（加上肚餓）
I need COFFEE！！！！！
呃！呢度連啲水都加咗檸檬同薄荷
仲係飲得出味嗰隻，so refreshing～
lunch跟埋嘅餐湯
個味似將午餐肉加水嚟煮咁
係食到有肉絲跟埋味道真係好似，哈！
All Day Breakfast | 啡奴全日早餐
牛角包、煙三文魚、茄汁豆、炒蛋、香草豬肉腸、煙肉、沙律菜
熱辣辣軟滑酥脆有魚有肉大包圍
嘢係簡單不過從揀料同調味到煮嘅時間都啱啱好
咪就係good morning應該有嘅breakfast囉
（雖然已經過晒morning time，but WFC？）
Thyme Roast Spring Chicken with Fries
係呀！又拉佢去陪我食熱氣嘢啊啊啊啊啊～
穴子海老天丼 | 蒲燒鰻魚天婦羅
嘿嘿，只係得穴子驚唔夠喉咪嗌埋鰻魚天囉（奸笑）
好，講返穴子海老天丼先
有彈牙黑虎蝦、穴子、蟹柳、紫菜、本菇、茄子、四季豆好豐富
日本海盛宴天丼
季節限定丼です。
有黑虎蝦、磯燒鮑魚、劍魚、秋葵、紫菜同金菇
磯燒鮑魚係用醬汁同昆布炆煮成 劍魚本身肉帶魚油，更香！
日本溏心蛋天婦羅
唔係唔食炸蛋呀嘛？！
福岡明太子魚餅
炸魚餅裡面包明太子，幾鹹香～
不過以香氣、食材同炸醬嚟講…
金子半之助好食好多啫（遠望…）
無食到lunch好肚餓但係又唔想食太飽食唔落晚餐
突然諗起前排肥fat推薦過啱啱新開嘅三一
都好喎唔會太飽又可以有嘢晾吓肚…
齋嗌餃子有啲寡，所以叫多樣小食（嘻）
所謂嘅「食少少嘢」，哈哈～
醉炸雞翼
呢兜好彩有嗌，好好食！！！
直炸雞翼唔係硬脆嘅皮層
但都係半脆加上juicy嘅雞肉
而最最最香係不斷都有飄出同食得到嘅酒味
堅正，好好味呀～～～
煎餃 招牌餃子貳號
第一次幫襯當然會先揀「招牌」
夠穩陣嘛…
唔太油膩嘅日式冰花煎餃
皮層夠晒薄而不失韌性
餡料嘅菜同肉好平均
個味仲要好好，正！
一次過啪10隻會單調啲
蘸埋隻調味醋啱啱好
所以清碟無難度
隻碟仲係伊利沙伯樣，好得意呢（笑）
終於帶阿B做完test
就去唔係位於東京街嘅東京街日食店食晏先…
壽司刺身烏冬定食
抱住隻B又at lunchtime當然會秒速揀lunch set
set除咗主菜們仲有沙律麵豉湯同包嘢飲
無咩嘅，普普通通港式日式咁囉
刺身有三文魚、甜蝦、池魚
壽司係三文魚、吞拿魚赤身、油甘魚、真鯛同醋鯖魚
再加碗齋烏冬咁
嗯… 話說揀呢間因為聽聞C/P值高
不過食落啲魚生係新鮮
可惜又未到特別覺得好驚艷
或者係期望太高啩
同之前去日本野嘅feel差唔幾
講真吖係有啲失望嘅
間嘢乾淨嘅；味道只係standard無咩特別
熱食嘅夠熱冷食都解足凍
服務仲要好好
但係對我嚟講最重要都係食物
冇去到好好食亦唔係去到價格相宜
只可以話嚟試過吓就算，完。
呢間越南嘢真係好好食
搞到同佢食完又食食完又去食試吓唔同菜色（嘻）
蟹膏檬粉
雖然試過幾樣呢度嘅嘢都覺得好出色
但係要講一入口就已經覺得驚嘆嘅就係呢碗！
上枱嘅時候熱辣辣
就咁飲頭啖湯好似鹹咗啲咁
不過就係呢個味响口度先再滲出蟹同番茄嘅味道
扎肉係好紮實嗰隻豬紅都唔會一夾就散
原個新鮮番茄爆晒汁咁絕不欺場
蟹膏煎蛋勁香蟹味之外就咁隻蛋味都好濃郁
仲有勁索湯頭嘅豆卜
咩日月精華都畀佢吸晒
檬粉好爽滑，成碗嘢完成度超～ 高～ （正正正！）
沙甸魚法包
晌香港食越南粉麵有好多
而有埋法包嘅就少好多
呢度有喎當然會食返個啦係咪
硬脆烘得乾身嘅超熱法包配會漏油嘅沙甸魚
啲油滲晒入包到個味香到爆
又有越式pickle中和返啲油膩感
好好食呀佢！！！
香茅牛肉撈檬
帶住阿B去做test點知戇居居冇拎齊文件
見㷫㷫地 (physically啫唔係mentally)就突然想食凍嘢
以前响紅磡成日經過舊舖時新隔離角落頭間涼皮店
陣四川味完全頂唔順所以對涼皮呢家嘢無咩好感
加上係一類堆好似劣食塔樓下啲撈麵咁
其實真係對呢種食物興趣唔大
不過人呢有時就係忽然之間奇奇怪怪
反正要轉車就不如買兩姊妹嘅外賣
仲要我個時間係啱啱開舖， gogogo～
因為佢哋鋪頭大部份位置都係用嚟放雪櫃
所以啲外賣都係可以keep住凍
我呢份大概搭咗半個鐘頭plus嘅車
返到屋企都仲係凍嘅
招牌兩姊妹涼皮（微辣）
加配料：秋葵、豬脷
微辣已經好夠，帶住麻麻辣嘅味道
涼皮滑滑又夠凍就算係辣味都幾消暑
本身配料有芫茜、蔥、花生、青瓜絲、豌豆
芫茜蔥提香；芫茜青瓜夠爽脆；
花生硬脆豌豆卜卜脆
同滑滑涼皮食感覺好豐富
其實佢個味唔係咩「正宗四川」風味
係就返香港人嘅口味而調整
雖然佢唔鍾意食熱氣嘢
但係都會同我去食我非常愛好嘅天丼啊！
同平日餐廳啲茶葉茶唔同
呢度係serve黑豆茶嘅
軟殼蟹天丼
話說呢個就係《連續7屆榮獲日本全國天丼金賞》嘅軟殼蟹天丼
裡面有鮮甜厚肉嘅軟殼蟹
酥炸至香脆而且蟹肉厚實勁好味
仲有炸蝦、小柱魷魚天婦羅餅、炸紫菜
莢豌豆同隻炸溫泉蛋
江戶前天丼
穴子、海老、小柱魷魚天婦羅餅、溫泉蛋、海苔、莢豌豆
即係咁，其實晌舖頭出面已經聞到勁香嘅麻油味
食落個炸漿薄脆得嚟酥香
穴子星鰻唔會好似鰻魚咁肥美
用嚟做油炸就啱啱好
有魚香又軟滑好正
炸蝦係就係唔大隻不過都新鮮夠彈牙
韌身小柱帶子仔同爽口魷魚
合埋炸係做嘅天婦羅餅外脆內爆汁
炸紫菜，做零食已經好好食呢塊仲要係新鮮炸起
超脆口又香麻油紫菜味，good～
豆豆就炸漿脆本身爽裡面甜
除咗魚同蝦最最最鍾意梗係隻蛋（！！！）
微微炸過提香隻蛋又勁流
