[丼] 金子半之助
雖然佢唔鍾意食熱氣嘢
但係都會同我去食我非常愛好嘅天丼啊！
同平日餐廳啲茶葉茶唔同
呢度係serve黑豆茶嘅
軟殼蟹天丼
話說呢個就係《連續7屆榮獲日本全國天丼金賞》嘅軟殼蟹天丼
裡面有鮮甜厚肉嘅軟殼蟹
酥炸至香脆而且蟹肉厚實勁好味
仲有炸蝦、小柱魷魚天婦羅餅、炸紫菜
莢豌豆同隻炸溫泉蛋
江戶前天丼
穴子、海老、小柱魷魚天婦羅餅、溫泉蛋、海苔、莢豌豆
即係咁，其實晌舖頭出面已經聞到勁香嘅麻油味
食落個炸漿薄脆得嚟酥香
穴子星鰻唔會好似鰻魚咁肥美
用嚟做油炸就啱啱好
有魚香又軟滑好正
炸蝦係就係唔大隻不過都新鮮夠彈牙
韌身小柱帶子仔同爽口魷魚
合埋炸係做嘅天婦羅餅外脆內爆汁
炸紫菜，做零食已經好好食呢塊仲要係新鮮炸起
超脆口又香麻油紫菜味，good～
豆豆就炸漿脆本身爽裡面甜
除咗魚同蝦最最最鍾意梗係隻蛋（！！！）
微微炸過提香隻蛋又勁流
用嚟撈埋啲飯食都真係夠晒happy！
個飯裏面都已經有好香豆味嘅豉油based醬汁
然而响食食吓炸物天婦羅
又試吓就咁食有醬汁嘅餸同飯
再篤爆蛋撈起嚟食
最後，加埋呢隻特製調味粉焙煎醍醐味
類似七味粉嘅嘢
以唐辛子、山椒、麻の実 (Hemp seed)焙煎結合而成
極提香之餘令食咗咁Q多炸嘢加大碗飯都唔覺好滯
層次豐富食得好滿足啊～
係就係大大碗啫
但係我喎我喎邊有可能食唔晒呢？