[粉] 兩姊妹涼皮有限公司
帶住阿B去做test點知戇居居冇拎齊文件
見㷫㷫地 (physically啫唔係mentally)就突然想食凍嘢
以前响紅磡成日經過舊舖時新隔離角落頭間涼皮店
陣四川味完全頂唔順所以對涼皮呢家嘢無咩好感
加上係一類堆好似劣食塔樓下啲撈麵咁
其實真係對呢種食物興趣唔大
不過人呢有時就係忽然之間奇奇怪怪
反正要轉車就不如買兩姊妹嘅外賣
仲要我個時間係啱啱開舖， gogogo～
因為佢哋鋪頭大部份位置都係用嚟放雪櫃
所以啲外賣都係可以keep住凍
我呢份大概搭咗半個鐘頭plus嘅車
返到屋企都仲係凍嘅
招牌兩姊妹涼皮（微辣）
加配料：秋葵、豬脷
微辣已經好夠，帶住麻麻辣嘅味道
涼皮滑滑又夠凍就算係辣味都幾消暑
本身配料有芫茜、蔥、花生、青瓜絲、豌豆
芫茜蔥提香；芫茜青瓜夠爽脆；
花生硬脆豌豆卜卜脆
同滑滑涼皮食感覺好豐富
其實佢個味唔係咩「正宗四川」風味
係就返香港人嘅口味而調整
鍾意食「正宗」嘅可能唔啱味
但係我自己就都覺得個味幾好食啊！
至少唔會好似以前咁抗拒呢樣食物咁…
涼拌香皮蛋（中辣）
前一兩日食過十二味嗰兜又貴又唔好食嘅皮蛋
想買返個好食啲（仲係平好很多）嘅
配料滿滿都香辣味道唔錯
不過如果皮蛋係溏心就會更好