[餃] 三一餃子 Trinity Dumpling
無食到lunch好肚餓但係又唔想食太飽食唔落晚餐
突然諗起前排肥fat推薦過啱啱新開嘅三一
都好喎唔會太飽又可以有嘢晾吓肚…
齋嗌餃子有啲寡，所以叫多樣小食（嘻）
所謂嘅「食少少嘢」，哈哈～
醉炸雞翼
呢兜好彩有嗌，好好食！！！
直炸雞翼唔係硬脆嘅皮層
但都係半脆加上juicy嘅雞肉
而最最最香係不斷都有飄出同食得到嘅酒味
堅正，好好味呀～～～
煎餃 招牌餃子貳號
第一次幫襯當然會先揀「招牌」
夠穩陣嘛…
唔太油膩嘅日式冰花煎餃
皮層夠晒薄而不失韌性
餡料嘅菜同肉好平均
個味仲要好好，正！
一次過啪10隻會單調啲
蘸埋隻調味醋啱啱好
所以清碟無難度
隻碟仲係伊利沙伯樣，好得意呢（笑）