[犇] 火山燒 | Volcano Kitchen One
放低阿B就去食吓燒肉先（哈）
攬定圍裙好好坐嘅「防彈(油)少年團」先
忌廉湯
哈哈冇平時有得揀就會揀嘅紅湯㖭
嗯… 一般例水咁囉冇咩特別
千代田旋風蛋包飯 香煎手打芝士牛肉餅旋風蛋包飯
話說呢度除咗石燒
蛋包飯都係名物
個旋風蛋都係好旋風嘅無誤
樣係唔錯嘅，可惜食落mamaday
唔係話個味唔好
係啲蛋唔係日式滑蛋
而個蛋味亦都唔出
日式咖喱唔香
肉餅就okay咁啦
但都無話係juicy呀香肉味嗰種
整體叫做完成咗一個個樣幾靚嘅飯咁
鮮葡萄巨峰梳打
跟餐加錢嗌嘅嘢飲
呢杯唔係我嘅，我無試飲
炭焙烏龍茶玫瑰海鹽奶蓋
我飲嘅係呢杯，特登叫可以走甜就走甜
冇得走甜就盡盡量少甜
okay啊okay啊！杯嘢唔太甜
有齊晒烏龍茶同玫瑰嘅香氣
個鹹鹹地奶蓋好creamy，唔錯！
飲得都睇得，讚～
300°C 火山燒 金標和牛肩胛肉眼 配日本珍珠飯
oh my set 嚟喇哪喇
肉、醬汁跟埋碗滲咗少少飯料嘅飯
响肩胛肉眼同封柳門之間揀咗好耐啊…
最後都係揀脂肪多啲肥啲嘅和牛肩胛肉眼
因為我食嘢慢嘛
如果太瘦燒得耐會勁乾嚡柴
as you see件牛唔係juicy嗰種
然而個肉味道好香嘅
蒲燒日本鰻魚
然而我食嘢真係好慢
要响燒得over-cooked之前食完啲牛
就要犧牲啲飯
所以嗰啲少少飯料嘅白飯配咗牛只係食咗一半
咁齋啪白飯好慘㗎嘛
（個set係無漬物）
手機撳有冇à la carte揀
唯有不恥下問點樣求吓佢畀小食幫忙落單
店員問咗就覆可以幫我加個鰻魚
喂！鰻魚喎，諗都唔洗諗就order啦 XDD
嘻嘻，照擺上舊石度燒
熱辣辣軟軟滑好好味
當然食得晒啦，連埋啲飯（清碗飽飽）