All Posts
要同十幾年冇見嘅人重遇
幾揀一之下揀咗轉角‧見
點知去到嘅時候兩條友都無睇門牌入咗嚟呢間 XD
（仲要係好耐之後先發現）
牛油果藜麥大蝦沙律 | Avocado Quinoa and Prawn Salad
成兜嘢新鮮新鮮好新鮮！
牛油果夠晒熟又香又creamy
啲蝦大大隻爽口彈彈牙
粒粒藜麥好似個陳醋醬咁令配搭完美
well，完全ignore咗我唔食嘅火箭菜
慢煮牛 Bagels | Beef Bagels
罌粟籽bagels裡面有新鮮沙律菠菜、
Cream Cheese、Cheddar Cheese同慢煮牛肉
無咗程班長，仲有冇臺灣人口中嘅正宗臺灣菜食呢？
新開咗就有間喇，呵呵！
由店名到呢個deco都大大隻寫住滷肉飯
唔會唔叫返碗呀嘛？
特登唔cut就個人頭
個頭係屬於Mill Milk個攝影哥哥嘅！
咁啱食嗰陣佢哋拍緊（哈）
鹽酥雞滷肉飯套餐
一次過食佢兩道招牌菜先！
小碗台味滷肉飯
滿滿一碗係隻碗細啲但係個份量一啲都唔少
好有少少依郁就散落四周嘅危機
豬肉係半肥瘦勁有油香
滷肉汁唔會好似一般港式台菜勁鹹甜咁
搞到醬汁完全蓋過本身嘅肉香
所以配埋微辣嘅酸菜就啱啱好夠味
飯係台灣特級蓬萊米
有黏性得嚟又唔會好似日本米咁漿口
掛埋肉汁高濕度就just right～
九層塔鹽酥雞
啲雞跟set嘅份量都咁誇張嘅
入口超～ 脆～ 雞髀肉同炸漿都調味ed
同tak去hea遊西貢
响條街兜咗幾個圈終於都係揀呢間
Cold Brew
天氣熱就飲cold brew絕對正確
就算凍啡味道依然香濃
Coffee Tonic
再爽啲當然有佢
cold brew再加有氣tonic
消暑一流（不過咖啡係唔解渴嘅）
美式手撕豬肉貝果 | Pulled Pork Bagel
pork, onion, coleslaw salad,
cheddar cheese, American BBQ sauce
天氣熱，唔想等位食飯…
就去買外賣啦啦啦！
丼駅 蒲燒鰻魚丼
大滿足嘅原條蒲燒鰻魚
唔會爆甜嘅醬汁
加埋清爽嘅粟米晌飯裡面
食落就唔會好漏不過當然好飽 XDDD
個外賣飯焗住一陣都唔會太腍身
麵豉湯就一般般無咩特別啦
有鰻魚食我就開心㗎喇（哈～）
憑單去齊柏林 or 丸·茶手作都有折扣
自己人幫自己人，爽！
相比起流沙黃金乜嗰種鹹蛋黃
都係鍾意個鹹蛋黃正正經經咁擺晌月餅同糉裡面
鴛鴦燒賣 | 綠豆瑤柱咸蛋黃咸肉糭
响隻糉要加熱前
先食咗佢啲名物燒賣先
鴛鴦係指原味魚肉燒賣拼藥膳燒賣
魚肉燒賣有淡淡魚香加上彈彈牙都唔錯
不過硬係爭咁啲嘢咁
而家藥膳燒賣就顯得非常好食
相對原味無咁彈牙然而個味道超香
食完好似好補咁哈哈哈
响我食完啲燒賣仲等緊隻糉嘅時候終於發現差咁啲乜
係辣油！我完全唔記得咗叫加辣油！！！
竟然犯咗個咁嚴重嘅錯誤（不能原諒）
但係唔知係咪咁就更突顯藥膳燒賣個味真係好出
下次，我一定會加返辣油啊啊啊～
因為冇得蒸，就烚啦！
又好彩本身隻糉扎得好實
就算咁烚都唔會好濕咁
一篤開就見到舊肥豬肉哈哈哈（滿意）
每朝新鮮整加上好足料又大隻所以唔會唔好食
除咗勁香嘅肥豬肉
仲有軟糯嘅去邊綠豆
呢間mall啲餐廳唔係好吸引
就去咗food court食牛丼（並盛）ランチセット @すき家
話時話我係第一次食呢間嘢嘅牛丼（之前食過 but is NOT牛丼）
香港就話排長龍呢度梗係唔駛，仲要係whole set 500円好鬼抵
所以再嗌多杯甘酒開心吓～
行完街食完晏就搭巴士去米子駅
bye喇日吉津～
-----------------------------------------------
延伸閱讀：ドキドキ鳥取（8D7N） Day1：米子鬼太郎空港 → 米子
Day2：米子 ↔ 境港
Day3.1：米子 → 由良
好喇 last day喇，落樓浸個溫泉先
8日旅程浸咗4個成11次溫泉都咪話唔爽（大心）
然後就去一泊二食嘅自助早餐
又係超多嘢揀樣樣都想試…
揀好就埋位坐慢慢食
先嚟個round one
溫泉蛋呵呵呵～
揀咗窗邊位置不過今日天色mamaday
再食多半round都已經夠飽飽（滿足滿足）
執好行李就check out喇
呢間嘢係自助畀錢形式都幾方便
-----------------------------------------------
延伸閱讀：ドキドキ鳥取（8D7N） Day1：米子鬼太郎空港 → 米子
Day2：米子 ↔ 境港
Day3.1：米子 → 由良
行得嗰少少街就返歸…
因為要食晚飯呀！
自助餐 + 鍋物 都不特止
麵豉湯啦
茶碗蒸
嗱，咩都拎少少就好喇
因為係訂鬼太郎房
自動upgrade咗本ズワイガニ食べ放題
即係凍！蟹！腳！任！食！！！
ROAR！！！
個鍋有得揀しゃぶしゃぶ或者すき焼き
啲料係自己拎
湯底都係自己拎（哈哈）
任食還任食，佢一啲都唔hea㗎！
勁勁勁長㗎啲腳，鮮味到暈…
早知係乜Q嘢食都唔拎就咁食蟹腳啦啦啦
（返香港有狂隊薑水啦）
啲蟹係好食但係啲牛都好好味呢～
軟雪糕勁香奶味
加埋黃豆粉就啱啱好
又係鬼太郎房嘅福利
食完嘢再送呢碟鬼太郎角色嘅甜品（心）
响懷念船麵嘅日子 就要去隊返碗開心吓！
阿叔拼盤
聖巴東無骨酸辣鳳爪 | 香茅魚露雞翼 | 紅咖喱雞 | 椰汁西米糕
要熱嘅就啱啱炸起熱辣辣
成盤嘢啲味道好夠
有齊鹹嘅甜嘅好滿足
冬蔭功湯麵（金邊粉）
配料有蝦青口蟹柳同勁索汁嘅豆卜
酸味足帶微辣仲好鮮味
連埋啲爽滑金邊粉好好食呢～
粉紅船麵（金邊粉）
泰式嘅南乳係粉紅過小粉紅嘅近螢光色
but呢隻南乳就偏奶啡
但係唔影響味道嘅
配料係魚蛋魚片頭豆卜同炸雲吞皮
簡單而美味，唔錯唔錯
豬肉船麵（米粉）
有豬肉片同彈彈牙豬肉丸
CP值高嘅日式快餐！
加藤牛肉飯
食呢碗可以完全忘記吉野家既牛丼
又唔使去排すき家（雖然無响香港食過）
味道啱啱好，唔錯唔錯！
灸燒鰻魚飯
有鰻魚飯又真係唔會唔試嘅
切咗一碌碌咁好似黃鱔飯 XDD
個味道都係平時甜甜醬香味嘅鰻魚
乾身少少不過不失咁啦
和風咖喱唐揚(日式炸雞)飯
個咖喱醬墊底，啲炸雞皮就唔會腍哂
日式甜咖喱帶微辣，穩陣貨色
炸雞熱辣辣裡面超juicy～
酥炸旋風薯棒 | 蝦薯絲
跟餐加購，又熱又脆好好味！
轉配嘅嘢飲，哎吔吔呢度啲嘢好食而且好抵食
難怪咁得人鍾意啦！
揀旅行又冇諗過去峇里
不過食峇里（印尼）嘢又真係好OK嘅
係峇里餐廳嘅後代
所以都留有以前啲歷史
印尼樽裝花茶 | 鮮青檸梳打
好vintage微微甜味到嘅樽仔花茶
青檸新鮮梳打夠氣，爽！
嘴刁小食拼盤
蝦丸 | 魚餅 | 素春卷 | 蝦片
成兜嘢熱辣辣好好食
蝦丸同魚餅超～ 彈～ 牙～
春卷炸到脆脆咁
蝦片更加炸得香口又鬆脆，正呀！
美妙嘅下午茶
唔係一啲都唔肚餓嘅話真係好想食巴東牛肉
填充題：__肉__食。
X：弱肉強食。
O：焼肉定食。
lunch set，先嚟個芝麻醬雜菜沙律
新鮮菜無咩唔好食嘅
滑滑嘅蟹肉茶碗蒸
ㅋㅋㅋ！肉來了～
雜錦烤肉定食
豚肉 | 雞肉 | 牛舌 | 牛肩肉
日本和牛定食
急不及待要去燒喇！
好在牛嘅話快啲熟啫
流口水中…
燒肉當然配燒汁同白飯
（食得！）
新鮮嘅肉就當然係無！得！輸！
綠茶蕨餅
跟餐嘅甜品，綠茶味幾香不過蕨餅始終係蕨餅
