All Posts
一哭二鬧三上吊我就真係做唔出
一吃二喝三瞓覺先係我強項啦
「とりあえず、生で」（總之先嚟杯生啤）
又係基本盤Suntory ザ・プレミアム・モルツ喇！
（根本就係諗都冇諗過…）
料理長の選択 濃厚豚骨魚介醬油拉麵
呢間舖只係專注做呢款豚骨魚介醬油湯底
濃郁嘅豬骨味中又有減膩嘅魚味
微微起膠咁好美味
而叉燒有兩款
一款係入口即溶嘅火炙豬腩肉
另一款係軟腍嘅慢煮豬肩肉
麵條幼身稍硬好掛湯，唔錯唔錯！
well，當然唔少得隻溏心蛋啦呵呵呵～
啲筍其實麵裡面有
不過實在太太太好食，要追加喔！（飽飽again）
嚟到中環碼頭梗係要chill吓…
「とりあえず、生で」（總之先嚟杯生啤）
都係基本盤Suntory ザ・プレミアム・モルツ啦
呢度最chill當然因為個地點
明明廿分鐘就有一班船
（繁忙時間六分鐘一班㖭）
但係啲人就硬係要衝衝衝入閘咁
都幾好睇㗎
最正係啲人好匆忙咁
不過又會望住你好悠閒咁食嘢飲啤酒 XDDD
cheers～
土手燒
濃味噌煮牛肉
味道香濃又入味
送酒一流！
燒鰻魚
蒲燒鰻魚醬汁甜燒得脆脆咁好好味呢！
鹽燒牛舌（限定）
厚肉多汁嘅牛脷
餐牌到見到無理由唔食嘛…
日本雞皮 | 雞肉丸
好好食嘅越南小店！
凍咸檸梳打 | 凍檸檬梳打
飲返杯順氣凍飲先
越式生牛肉湯河粉
哎吔吔，雖然比預期中的牛肉浸得熟咗好很多
不過味道依然好好
湯底味夠香加埋魚露啱啱好
牛肉肉嫩滑河粉都係滑滑的嘅
洋蔥同香葉都好新鮮，提味一流！
（係嘅… 如果啲牛肉再生啲就更完美）
香茅豬扒 撈檬
嘻嘻嘻，相比叫店名嘅湯河
我個人更鍾意撈檬啊！
香茅豬扒味道勁香而且夠晒熱辣辣簡直係最佳食用狀態
檬粉爽滑浸滿魚露簡直將美味再推進
呢兜嘢真心正，私心推薦～
炸蝦餅
唔夠喉，諗住就咁粉麵追加
但太細份又好似唔夠盡興
原裝size係無嗌錯嘅（握拳）
外面又脆身熱辣辣咁裡面更熱而且彈彈彈牙
平日晏晝冇可能行到咁遠
而咁啱兜過嘛…
無理由唔買返嚟試吓嘅，啦啦啦～
Breakfast Set
望咩吖嗌morning啫間舖11點先開 XD
有新鮮牛油果同沙律菜、煙三文魚、fluffy嘅炒蛋
仲有個熱辣辣外酥脆內香軟嘅croissant
嘢唔複雜，簡單而美味！
其實佢係一杯特別去加錢飲嘅Dirty
但係睇到幾戇居㗎啦
買外賣飲咩dirty吖咩都溝勻晒啦
做咩唔正正經經要杯Latte呢？
（雖然價錢一樣啦）
日式同西式嘅組合
不過唔係和洋料理啦
「とりあえず、生で」（總之先嚟杯生啤）
都係基本盤Suntory ザ・プレミアム・モルツ
其實都有考慮過Hoegaarden
不過又覺得會太甜影響食物味道嘛…
有機蕃茄水牛芝士沙侓伴香草汁
材料新鮮就決定咗一切嘅冷盤！
生蠔
新鮮又鹹香海水味，正爆！
特選刺身（竹）
當個friend話叫呢個嘅時候
在座嘅都聽咗做「特選刺身粥」XDDD
簡直係fusion嘅極致咁
no la，真係非常新鮮肥美嘅刺身です。
經典卡邦尼意粉
哈哈哈，雖然呢間係話名fusion菜
但好明顯都係鍾意揀傳統嘢
只係又會叫吓日菜又食吓歐式風味咁
肥漏漏嘅煙肉白汁
意粉唔會太腍身都唔錯啊！
慢煮澳洲羊扒配時令蔬菜
無計，响呢餐到真係出咗話啲材料好新鮮之外
茶記嘅嘢食中飲到屋企嘅味道…
見字飲湯
啱晒勁鍾意飲燉湯嘅我（大大心）
家傳炆豬手（限量）| 即製手工麵 菠菜
飲湯前食啲嘢
豬手炆得皮爽勁膠
唔會死鹹咁又幾好味喎
對於平日食嘅質地呢隻麵對我嚟講腍咗少少
微微菠菜味都唔錯啊
係兜麵個份量多得恐怖咗啲啫…
蓮藕餅豬扒飯
即係手剁香煎蓮藕餅拼招牌豬扒
碟頭飯咁樣嘅茶記飯
藕餅肉香蓮藕爽脆好好味
豬扒都好好食
不過真係少食茶記
對我嚟講豉油撈飯呢家嘢鹹咗啲咁
（係我衰唔知道叫唔好加豉油）
跟飯食呢係有盅湯配埋嘅
每日一款湯，今日係蘋果紅蘿蔔沙參煲咸排骨
降火潤肺味道甜
仲要無味精真係好驚喜
by the way呢度係全！部！嘢！都無味精嘅
平平地嘅維持生命台灣餐…
台灣古早牛肉麵
望個色真係以為係好似台灣食嗰啲藥材味台灣牛肉麵㗎
唔好意思囉，佢係普通醬油湯底
可能係古早到連藥材都冇擺嘅時期啩…
台灣麻辣牛肉麵
同原味比較，有啲辣味個麵係好食啲嘅
其實啲料都係大大件
又唔係唔新鮮嘅
加埋個價錢都稱得上糧尾仲有啲嘢食吓咁
唔好預非常好食就得喇
只係比個「古早」呃咗少少咁啫
紅燒牛肉麻辣麻醬涼拌麵
同湯麵比，呢個撈麵真係幾好味
牛肉都係大大舊幾好咬
有少少麻辣味個麻醬麵又幾香
麵條都彈彈地牙，唔錯呢！
無骨香辣三杯雞肉躁飯
啲三杯雞… hea咗啲喎
個樣仲衰過碟頭飯咁（失望）
唔辣，連我呢種唔食得辣嘅都食唔出辣味
不過個肉燥飯都算ok嘅…
畢竟都叫「肉燥飯專門店」
如果連肉燥飯都唔掂就真係死得
唔係好餓但係又有少少攰
都係搵個地方坐低食啲啲嘢先
兒童豚骨拉麵
全球都有分店嘅金田家
問一問唔係12歲以下可唔可以嗌兒童麵
畀咪叫返個囉（唔畀就要啲小食啫nevermind）
細細碗啱啱好
都係有ok濃嘅九州風味豚骨湯底
兩塊叉燒半隻溏心蛋紫菜木耳粟米大蔥都樣樣齊
味道唔會有咩驚艷
不過呢個份量真係唔錯嘛
all clear～
仲有隻好可愛嘅長頸鹿响底呢（cute）
啡好飲；嘢好食
人生一樂也！
工業風裝潢
慢煮雞胸牛油果藜麥沙律 配 紅酒油醋汁
好好咬但係無乜味嘅藜麥
加埋嫩滑嘅唔嚡口雞胸
軟滑嘅牛油果同新鮮爽脆蔬菜
配以又raw酸酸地嘅油醋汁就已經又light又好味
香草焗金文筆芝士 配 多士
超～ 熱辣辣，上枱已經聞到陣飄香嘅Camembert味（興奮興奮）
簡單嘅Camembert蒜頭同rosemary
同啲焗到脆卜卜嘅法包
無得輸嘅味道，呵呵～～～
油封鴨脾意大利飯
chisin，咁難得coffee shop都有油封鴨脾喎
無理由唔嗌嘅
一如上面啲嘢食咁，好好食
鴨脾皮夠脆肉又非常嫩
係喇係喇油封鴨脾就係啲咁好食嘅嘢
水門海南雞嘅副線
（偽）撳鐘仔
扮舊嘢嘅紙皮石呀單車呀咁
好過癮嘅牆身 XD
仲有霓虹光管
吔雞喇！
叫返隻唔正宗嘅海南雞先…
最出名 - 泰式燒牛肉拼海南雞
咩都想試吓嗌雙拼就最方便
一次過可以食晒鎮店之寶咁嘛
海南雞係極嫩滑貨色
其實一直都好想試無機會食到水門雞
辣醬油飯樣樣都靚
果然係名不虛傳嘅好好食
而號稱地上最強嘅泰式燒牛肉熱辣辣香噴噴
牛味香濃又燒得惹味喎真係好正
最抵食 - 泰北秘製豬扒拼海南雞
諗都唔諗就輕易响counter叫呢兩份雙拼
因為冇可能唔食海南雞嘛
爆熱嘅香茅豬扒呀～
成朝都未食過嘢…
真係要隊爆成碗丼先得！！！
イカの漬け丼
話說係店主のおすすめ丼
無理由唔試吓㗎嘛
醃漬過嘅鮮魷魚鹹鹹香咁爽口好好咬
唔得唔得呢兜嘢真係好好好好食！
跟set有金平牛蒡之外
仲有大！愛！嘅神の海藻：醋水雲
（& 黃蘿蔔）
最最最正係而家肯定嘅蟹麵豉湯
好豪氣嘅蟹身成舊咁掉落去
勁香濃，正！
不過入冬嘅鳥取喎
梗係唔可以唔食呢個set啦
かに･イクラの贅沢丼
係滿滿滿滿嘅新鮮蟹肉啊啊啊啊啊！（激動）
鮮味就不特止，加埋鹹香口爆子簡直就係完美
太太太好食喇（尖叫中～）
有得食真係好幸福呢！
滿滿元氣嘅元気亭。
食飽飽又係時候再周圍行
-----------------------------------------------
延伸閱讀：ドキドキ鳥取（8D7N） Day1：米子鬼太郎空港 → 米子
又係時候食吓啲南洋風味…
馬拉拼盤
咩都有梗揀佢
有齊串燒、炸蝦雲吞、老巴剎雞翼、蝦網春卷同魚肉墨魚卷
上枱熱辣辣味道都足幾好味啊！
新加坡白胡椒肉骨茶
唔係馬拉式藥材肉骨茶
香辣嘅胡椒嘅味道都幾開胃
肉骨有豬手、肉排、豬軟骨都有幾多嘢咬吓
個湯飲落暖笠笠都幾好～
特濃蝦湯喇沙湯麵 配海蝦、手撕雞
係嘅，個蝦湯又真係幾香濃嘅
微辣帶椰香味都唔錯
麵底不過不失
可惜啲料一上枱就已經有啲失望
又未到唔新鮮嘅係感覺hea咗啲囉
是但啦…
