[泰] 壹陸陸(香港)公司 - 泰式海南雞飯
水門海南雞嘅副線
（偽）撳鐘仔
扮舊嘢嘅紙皮石呀單車呀咁
好過癮嘅牆身 XD
仲有霓虹光管
吔雞喇！
叫返隻唔正宗嘅海南雞先…
最出名 - 泰式燒牛肉拼海南雞
咩都想試吓嗌雙拼就最方便
一次過可以食晒鎮店之寶咁嘛
海南雞係極嫩滑貨色
其實一直都好想試無機會食到水門雞
辣醬油飯樣樣都靚
果然係名不虛傳嘅好好食
而號稱地上最強嘅泰式燒牛肉熱辣辣香噴噴
牛味香濃又燒得惹味喎真係好正
最抵食 - 泰北秘製豬扒拼海南雞
諗都唔諗就輕易响counter叫呢兩份雙拼
因為冇可能唔食海南雞嘛
爆熱嘅香茅豬扒呀～
又香又juicy配埋炸蒜就啱啱好
仲仲仲有佢個配飯嘅青木瓜沙律酸酸微辣夠晒爽脆好味呢！
酸辣炸排骨 | 魚露炸雞中翼
原本想再追加佢個泰式青木瓜沙律
不過話唔夠配飯所以唔畀再散賣
nevermind咪食其他小食囉
反正呢度啲嘢真係求其嗌都好食嘅
係如果有酒飲就再perfect池（哈）
青檸梳打
無酒飲呀呢度但係飲呢杯梳打都幾順氣嘅
再另外叫咗個$∞嘅笑容
戴住口罩都睇到，真好！