[台] 101肉燥飯專門店
平平地嘅維持生命台灣餐…
台灣古早牛肉麵
望個色真係以為係好似台灣食嗰啲藥材味台灣牛肉麵㗎
唔好意思囉，佢係普通醬油湯底
可能係古早到連藥材都冇擺嘅時期啩…
台灣麻辣牛肉麵
同原味比較，有啲辣味個麵係好食啲嘅
其實啲料都係大大件
又唔係唔新鮮嘅
加埋個價錢都稱得上糧尾仲有啲嘢食吓咁
唔好預非常好食就得喇
只係比個「古早」呃咗少少咁啫
紅燒牛肉麻辣麻醬涼拌麵
同湯麵比，呢個撈麵真係幾好味
牛肉都係大大舊幾好咬
有少少麻辣味個麻醬麵又幾香
麵條都彈彈地牙，唔錯呢！
無骨香辣三杯雞肉躁飯
啲三杯雞… hea咗啲喎
個樣仲衰過碟頭飯咁（失望）
唔辣，連我呢種唔食得辣嘅都食唔出辣味
不過個肉燥飯都算ok嘅…
畢竟都叫「肉燥飯專門店」
如果連肉燥飯都唔掂就真係死得
然而都未到好食嘅地步啦
啲麵好食啲（掩面）
鹽酥雞
熱嘅！都叫有雞味juicy嘅！
台灣腸
OK嘅！小食係比主食滿意程度高少少
鹽酥花枝丸
熱辣辣嘅都幾好味嘅
但係係齋魚丸裡面係冇花枝粒嘅
（sorry囉set個basic位高咗少少）
滷水豬大腸
（有冇擺得再求其啲呀？）
叫佢做滷水其實叫佢做豉油浸就差唔多
是但啦，都咬得開唔係劣質貨就算
蜂蜜綠茶 | 香芋珍珠（走珍珠）
普通嘅台式嘢飲囉
盆栽特濃朱古力珍珠 | 盆栽香芋珍珠
又肥又甜，完全唔明白點解特登加錢嗌埋啲咁嘅嘢… （唉～）