[丼] 加藤屋 加藤牛肉飯
CP值高嘅日式快餐！
加藤牛肉飯
食呢碗可以完全忘記吉野家既牛丼
又唔使去排すき家（雖然無响香港食過）
味道啱啱好，唔錯唔錯！
灸燒鰻魚飯
有鰻魚飯又真係唔會唔試嘅
切咗一碌碌咁好似黃鱔飯 XDD
個味道都係平時甜甜醬香味嘅鰻魚
乾身少少不過不失咁啦
和風咖喱唐揚(日式炸雞)飯
個咖喱醬墊底，啲炸雞皮就唔會腍哂
日式甜咖喱帶微辣，穩陣貨色
炸雞熱辣辣裡面超juicy～
酥炸旋風薯棒 | 蝦薯絲
跟餐加購，又熱又脆好好味！
轉配嘅嘢飲，哎吔吔呢度啲嘢好食而且好抵食
難怪咁得人鍾意啦！