[台] 台蔡滷肉飯
無咗程班長，仲有冇臺灣人口中嘅正宗臺灣菜食呢？
新開咗就有間喇，呵呵！
由店名到呢個deco都大大隻寫住滷肉飯
唔會唔叫返碗呀嘛？
特登唔cut就個人頭
個頭係屬於Mill Milk個攝影哥哥嘅！
咁啱食嗰陣佢哋拍緊（哈）
鹽酥雞滷肉飯套餐
一次過食佢兩道招牌菜先！
小碗台味滷肉飯
滿滿一碗係隻碗細啲但係個份量一啲都唔少
好有少少依郁就散落四周嘅危機
豬肉係半肥瘦勁有油香
滷肉汁唔會好似一般港式台菜勁鹹甜咁
搞到醬汁完全蓋過本身嘅肉香
所以配埋微辣嘅酸菜就啱啱好夠味
飯係台灣特級蓬萊米
有黏性得嚟又唔會好似日本米咁漿口
掛埋肉汁高濕度就just right～
九層塔鹽酥雞
啲雞跟set嘅份量都咁誇張嘅
入口超～ 脆～
雞髀肉同炸漿都調味ed
個鹹香味好出真係勁好食！！！
齋食嘅話配啤酒更perfect，哈哈哈
大紅袍珍珠奶茶
跟餐加配嘅嘢飲
可以走糖嘛呢杯當然係無糖啦
個茶底微香比普通紅茶香少少咁
but，其實唔鍾意珍珠嘅我應該走珠
無走到點知伏咗
雖然個珍珠係用心咁自家煮成粒鐘嗰啲貨色
可惜當我點啜都啜唔起嘅時候就知瀨嘢
佢哋相親相愛咁黐埋晒一齊
最後因為唔好嘥嘢就用筷子夾起成抽嚟食 TT
就咁啪個味唔太甜嘅
係個finishing有少少唔係好得囉
↑↑↑ 就係呢條片喇～