[台] 程班長台灣美食
政府唔畀返學但係我點都要見吓班長㗎喇（握拳）
程班長台灣美食
程班長紅燒三寶麵
紅燒牛肉麵底裡面有齊牛筋、肉、肚三寶
炆得超～腍，一咬就斷開無攝渣
湯汁濃唔太帶藥材味
厚身粗寬版麵條夠韌性足好好咬呢！
程班長牛肉便當
我真係好L掛住台鐵便當呀（吶喊）
食住呢兜頂住檔先
雖然佢個樣真係好衰
不過係好好食嘅
牛肉係紅燒牛肉麵走麵 x 湯汁濃縮版
蒜蓉炒菜新鮮爽脆仲勁大兜
甜不辣魚肉味重又甜甜咁唔錯唔錯
紅色假魷魚配菜彈彈牙好送飯
就連隻本身唔鍾意全熟蛋嘅我都被隻蛋個鹵汁味一嘢啪入口
白飯香糯軟熟滿滿米味，成兜嘢完成度好高～
萬巒豬腳冷盤
豬腳肉爽滑，鹵汁唔會好鹹連鹹菜都唔會好鹹
酸梅汁
平唔互搶嘅酸味同甜味
美味兼解渴呢
裡面係有醃話梅㗎
阿嬤傳統ㄟ鳳梨冰芋圓
鳳梨冰裡面有粒粒醃菠蘿
芋圓同蕃薯圓唔係全部煮爛晒
有得晌韌韌芋圓中有微細細芋頭粒同蕃薯粒咬吓
成杯加埋味道唔會過甜，好好食呢（滿足）