[串] 好燒式串燒專門店
平日好鍾意食日本(/式) 居酒屋啲串燒
亦會响食東南亞嘢嘅餐廳食沙嗲串燒
而中式串燒都只係食過回族羊肉串（@香港、@西安）
所以港產川式嘅其實我係冇食過
佢見我都鍾意食串燒
就話帶我去一間會覺得好食嘅
GOGOGO！
大肚又禁酒again
喂呀食熱氣嘢冇得飲酒呀！！！
簡直要用李香琴mode嗌句：「世界末日㗎喇～」
鹽燒牛舌串、鴨舌串
同動物們打返個車輪先
燒雞胸軟骨串、羊肉串
同平時日式串燒最大分別
應該就係咩都會先加辣粉或/同孜然粉咁
啲嘢都新鮮所以好食啊！
鹽燒牛舌串(encore)、雞軟骨、雞腎、魷魚鬚
雞軟骨、雞腎就係最好過口癮嘅串燒款耶～
魷魚鬚又有焦香魷魚腳本身唔會太乾
而且係新鮮一咬就斷嘅，正！
蒜心、大京蔥、鴨胸串
响韭菜同蒜心揀就揀中間可以爆汁嘅蒜心
京蔥燒過就係濃甜囉
燒鴨胸油花咇出，好香加辣粉唔會漏
黑松露菌蝦多士
佢話一定要食呢個啊！
黑松露同芝麻喪香蝦膠新鮮彈牙
多士烘得脆～ 鬆～ 脆～
好好食呢！！！
原個蒜頭
燒過嘅全熟蒜頭又香又甜
灑少少香草提味唔使辣粉都夠味
蒜蓉燒茄子（原條）
軟滑矮瓜加埋蔥同辣粉好惹味
菠蘿
食燒嘢嘅結尾有菠蘿梗係要菠蘿啦！！！
有炭燒味裡面繼續爆菠蘿汁，唔錯啊！
好啦，對港式串燒無咁抗拒喇…