[包] 轉角 ‧ 見 Kitchen Corner
話說舂錯咗入留白
咁當然晌終於發現咗之後都嚟返呢度
Rocky Burger | 煙肉漢堡
乾身脆口嘅芝麻包
餡料係juicy嘅漢堡牛扒
少少厚身嘅油脂鹹香嘅美國煙肉
融化咗嘅芝士加埋香甜炒洋蔥
同埋唔可以漏咗嘅新鮮番茄同沙律菜
個package都係standard嘢
成敗在於用料新鮮加廚師用心煮
所以咪又係好食囉！！！
啊！唔好漏咗個硬硬脆薯條
好味㗎雖然少咗啲…
期間限定 催淚蝦堡
本身鍾意MOS嘅wasabi吉列蝦漢堡
而呢個包嘅combination都大概係吉列蝦餅包咁啦～
同MOS一樣，個wasabi醬都係非常攻鼻
個炸吉列蝦餅就大大塊超彈牙
加上啲蝦s好新鮮，好香啊啲蝦味！
沙律菜同番茄都好fresh
佢哋啲包唔係得一面芝麻
底面都有芝麻嘅包因此更香
好爽㗎仲會食到飆眼水 ｡ﾟヽ(ﾟ´Д`)ﾉﾟ｡
Lemon Lime Bitter | 青檸梳打
Peanuts Butter Milkshake | 特濃花生奶昔
鮮明對比嘅清新同濃郁
會配沙律菜嘅就揀一樣咁清爽嘅梳打
而食炸蝦堡仲加薯條嘅我
係會終極地肥漏漏咁要埋奶昔
仲係視脂肪為無物嘅花生醬啦啦啦
係嘅！只要係個味夠香濃就得喇
其他嘢，一啲都唔重要
話揀呢間就真係會嚟返呢間
食落就知當初無揀錯到啊～～～
（話咗嚟就會嚟，咁先唔會留有遺憾）