[泰] Ann Mamma Thai Kitchen by 張秀玲
之前講過係再見面時嘅餐廳幾選一
雖然係揀咗食burger
但係第一間send嚟嘅係呢間
咁有時間梗係都要試吓啦～～～
Ann Mamma Thai Kitchen by 張秀玲
食晏時間咁啱唔駛等位
無理由唔入嚟食返個set lunch啫
張枱有啲窄叫咗兩set嘢食加小食連嘢飲就逼到冇晒位
蝦餅
身為蝦精又鍾意食熱氣嘢
無唔嗌呢碟嘢嘅道理
睇個賣相同食落都一樣夠晒正
啱啱起鑊熱辣辣
個表層粉漿唔厚但都夠晒脆
蝦肉滿滿厚厚蝦味新鮮兼且非常彈牙
好食！真係好好食！！！
泰式鳳爪
又凍又辣仲夠爽滑
對我嚟講係辣咗少少
但係泰式鳳爪唔夠辣嘅話又邊夠好食呢？
泰式乾炒河粉（豬肉）
泰式嘅乾唔係好乾不過又唔係咩大問題
好闊嘅河粉都幾掛汁
豬肉新鮮爽口兜嘢又唔會太鹹，幾好幾好
青咖喱雜菜配白飯
咪見佢紅噹噹咁
其實佢係兜青咖喱
又豆角又南瓜又矮瓜等等嘅雜菜
咖喱個味道幾辣啲蔬菜就幾甜
咪見佢無肉就好似會唔飽
個份量都幾巨型吓食埋碗飯又飽撐撐喇！
海南雞配油飯
雞皮爽雞肉滑唔肥膩
蘸埋個辣雞醬就啱啱好
油飯香而唔肥漏漏
食完唔會印象算好深刻不過唔係差嗰種啦～
青檸梳打 | 蝶豆花蜂蜜茶
西柚梳打 | 泰式青檸茶
呢度啲嘢飲係無得走甜
不過本身都唔會好甜，okay啦
椰汁芒果糯米飯
啲主餐份量實在太大
食完係無可能啪得埋甜品
好鍾意食芒果糯米飯唯有拎走返去食
少少可惜嘅係啲飯係黏黏糯米
but就畫蛇添足咁加咗班蘭落去
咁就唔係普通白糯米去突顯帶鹽椰汁味
再加新鮮芒果嘅甜咁樣
佢可以嘅然而試一次就夠lu…
唔怪得佢畀我揀食咩嘅時候擺呢間做頭頭
話說佢係聲稱以「多年心得」去畀options出嚟啊！