[粵] 一意點心燉湯專門店
勁鐘意飲湯，知道附近就有燉湯飲就拉佢落去同我食消夜…
一意點心燉湯專門店
杯任飲嘅茶唔係一般普洱壽眉
係呢壺滿滿紅棗杞子龍眼肉嘅茶飲
料太多所以味道香甜呢～
淮山杞子花膠螺片燉雞
呢度嘅通常款燉湯有十款再加幾款手寫嘅
因為都夜喇就問聲仲有咩揀
然後揀咗滋陰養顏嘅呢款
足料而冇味精所以個味出卻唔太濃郁
似屋企燉嗰種多過似酒樓款式
蝦餃
間嘢叫點心燉湯嘛
咁嗌籠點心食都好正常
仲有蝦餃喎come on baby
嗯… 個皮厚咗啲個餡滿滿蝦都彈牙嘅
臘腸蒸雞飯
嘿嘿，就咁食點心燉湯唔夠飽嘛
（兩個人食㗎喎）
嚟多兜砂鍋飯先啦
唔會好似一般煲仔飯咁油膩
因此無燶燶嘅飯焦响底
都係似屋企款嘅菜式
有心做嘅貨色，係自己鍾意出街食濃味嘢啫（哈）