[寿司] 立鮨 Sushi Tachi
雖然佢好鍾意去初見
不過今日行過見到呢度唔使等位就拉佢入嚟食
有lunch set無理由唔嗌
set嘅滑滑茶碗蒸、「求其」日式沙律同無咩特別麵豉湯
係杯蛋食落唔錯，個湯真係一般般
沙律pass咗留畀食得健康啲嘅佢
特選三文魚盛合 | 立鮨特上壽司拼盤
是但啦反正係為咗食壽司先嚟
嘻嘻，啲刺身好新鮮舊飯都唔會實的的
好食啊！有好嘢食就好開心㗎喇
迷你葱吞拿魚腩飯
嗌嗰陣佢問我會唔會食唔晒㗎
一來蔥吞拿魚腩係唔會食唔得晒
二來個set本身得個五舊壽司點會食得飽
三來嗰陣大緊肚擺明有藉口食多啲嘢
（咪話我大肚食魚生，天氣咁熱我食過好多次生冷嘢喇哈哈）
要扮細食真係扮唔到囉sor
最多留少少畀你試吓個味喇
嗯… 啲嘢係新鮮嘅但係唔算高C/P值
只可以响犒賞自己慶祝日子先再返嚟食喇…