[包] 嘉寶漢堡 KABO BURGER

其實去初見嗰日本身唔係去初見
係因為佢經過見到呢間又打蛇餅所以先改地方
咁今次睺正啱啱開舖就嚟
唔使等梗係快快咗入去order啦！

嘉寶漢堡 | KABO BURGER
好食仲要C/P值超高
同我有餐加餐咩都要加爆佢吖唔該

♪ 芝士牛堡 is coming to town~~~

雙層芝士牛堡
經典中嘅經典大滿足
牛肉漢堡爆juicy
加埋double芝士嘅鹹香
煎香過嘅脆脆包身
同新鮮大片沙律菜同洋蔥
哇！佢唔係賣得平係個好食嘅程度變得係underprice咗呢～

黑松露芝士牛堡
哎吔吔今日冇羊堡就食吓香濃嘅黑松露
係嘅牛肉同芝士都濃味
少少可惜係黑松露味真係太搶
佢仲要係好足料嘅黑松露
所以反而食唔到牛味
好彩仲有得偷食人哋塊雙層牛啫
（有承受住對家嘅鬼喳咁叫）

凱撒沙律
係望得出啲菜真係新鮮到癲
不過呢啲咁健康向嘅嘢梗係唔太關我樹啦

雞翼（原味）
香脆乾身裡面juicy漏油雞中翼
standard嘢做得好咪就係好食囉（嘻嘻）

炸芝士
睇個樣黑蚊蚊平平無奇咁

嗯！係普通嘅脆脆外皮同微微拉絲Mozzarella
都okay好食嘅不過唔會特別再嗌

炸燒賣
因為有得揀一定會食呢個啊（怒吼）
黐線，嚟呢度唔食呢樣絕對會對唔住自己
無誇張到㗎外皮炸得脆脆燒賣軟糯真係好Q好食～～～

皇天不負有心人， come again終於食到孜然香辣羊堡（感動）
羊肉都係又香又多肉汁而唔帶羶味
好味呀食得到真係好
also試吓燒賣，not炸嘅
不過炸嗰隻好食好多倍囉！

連加配嘢飲阿椰子水都只係加$5
抵得滯所以揀咗佢
係嘅，當然加配啤酒都好抵
但係大肚嗰陣畀人禁酒中
（然後生完又話要餵哺繼續唔畀飲，超！）

連飲筒都係生物可降解嘅，好有heart～

聽日先減肥？
呢個世界有咁多美食
就算聽日都未得閒減啊啊啊啊啊！！！