All Posts
細個唔鍾意食粉麵飯
不過又得閒會走去食牛雜撈粗
人大咗食多好多唔同嘅嘢
就冇好似以前咁諗去食
有次佢提起話有間牛腩麵好好食佢成日都會去
喂呀！帶埋我去啦，好耐冇食過喇～～～
招牌牛腩撈粗
睇個樣都見到炆得夠腍但唔會冇咗噍頭 牛味香濃煮汁唔會太鹹而蓋過牛本身個味
加埋佢個辣油，完勝！
牛筋牛腩撈粗
响牛雜定牛腩之間諗咗陣先加嗌
牛筋夠晒漿口又夠香，好正！
粗麵質地夠爽又唔會重鹼水味唔錯啊
牛雜撈粗
呵呵呵都係好想食牛雜撈粗嘛…
煮汁味香濃牛雜洗得乾淨冇臭味
呢間嘅牛腩同牛雜都好出色（心）
超～ 多～ 腐乳嘅腐乳通菜です。
黃藍是政見；好食是良知
呢間既係黃店（少有聽牛雜粉麵係黃店喔）
好好食之餘仲係間有人情味感覺嘅小店
個package好perfect，呵呵～
同佢搵餐廳揀嘢食嘅最大分別
會係我鍾意試完一間下次會試第二間
佢呢鍾意去一間餐廳就會翻兜翻兜再翻兜
好啦咁呢間又真係好食嘅
所以由日食到夜都未食得厭…
火腿滑蛋牛角包
嗱！好鍾意食牛角包嘅我見到一大清早就有佢買仲送埋上嚟
本身件事已經夠美好
加上外賣嚟都仲係熱嘅
個包夠酥蛋皮夠軟滑沙律菜都新鮮
點都係個good morning啦！
香煎牛肉眼扒
配迷你牛角包、炒蛋、炸薯餅、茄汁焗豆
外賣都好味堂食都唔會伏
牛扒肉質夠腍汁standard嘅
茄汁豆咪茄汁豆囉(mini) all day必備㗎啦
（加上本身都鍾意食）
現場食嘅炒蛋再滑身啲
炸薯餅係其中一樣嘅早餐至愛
夠脆夠熱有薯味就已經好滿足喇
哈哈哈，牛角包啊yeah雖然係迷你版都好開心呀！
美國豬梅扒
今次又係跟佢去話好食嘅地方
提過幾次終於有機會去
雖然唔好彩要等位（都等咗段唔短嘅時間）
但係決心要食，唔轉場啊！
泰式生蝦
我哋兩個都好鍾意食生蝦
所以每！次！去邊間食泰國菜都會叫生蝦
生蝦新鮮彈牙爽口
可能太夜喇今日啲蝦未到漿口嘅地步
不過加埋個惹味辣汁
就算爭嗰少少都絕對可以接受
泰式拼盤（魚餅、春卷、蝦餅、恐龍蛋）
yeah！又係我最愛嘅炸物時間
魚餅裡面有香料連埋魚味好鬼正
春卷超～ 脆～ 餡料又爆爽脆好食啊
蝦餅非常彈牙又夠鮮蝦香味
恐龍蛋即係包住皮蛋嘅炸薄蝦餅
唔係中菜先會揀溏心皮蛋
呢隻都係，而蝦餅部分繼續外皮脆脆夾層微彈牙咁
連伴碟嘅生菜番茄都係超新鮮唔係裝飾品
成盤嘢都好好食呢～～～
泰式明爐烏頭
通常佢會諗食咩嗰陣都會揀明爐烏頭
咁啱响享和街泊到車喎
佢就話同我試吓間個樣噏耷但係好食嘅上海菜
跟餐嘅是日例水係青紅蘿蔔
煲得出味呀都唔錯
南翔小籠包
响家庭式經營嘅舖仔當然係唔會預嗰種精緻樣小籠包
佢個皮唔係超薄不過食得出軟滑
肉餡都係夠滿滿誠意
味道足而且都有灌湯爆出
唔係機械式嗰種handmade感覺
抄手
比小籠包更飽滿嘅肉餡
怕辣就無放好多辣油
不過變咗紅油抄手咪即係食川菜？！
以鮮肉雲吞嚟講就算唔落咁多辣齋配料都夠惹味喇！
回鍋肥牛配菜飯
回鍋肉嘛… 本身都係川菜嚟嘅其實
通常係用豬肉but whatever個味好就得啦
個菜飯啲菜唔會腍到爛晒咁都幾好
担担麵、豆漿
哈哈哈，本身又又係川菜again
但係佢個味又偏上海啲唔係紅到嘔碗血咁
比較似日本中餐廳嗰種
陪產檢後嘅一餐
因為之前搭咗成日飛機加上隔離咗廿一日
先諗住食咩都好食過隔離酒店餐 同埋間嘢就咁上網睇話okay
點知…
特選刺身拼盤定食
係嘅，啲刺身係新鮮嘅，完。
其他嘢無咩特別
咪就係港式日本嘢囉
可能係期望過高啩…
咖喱牛肋條撈烏冬
雖則咖喱烏冬真係唔係咩靚嘢
但係呢兜嘢個賣相係呢個blog史上最唔開胃嘅
不過味道都係standard日式咖喱磚味
烏冬無咩特別牛肋條都無話好腍身，唉～
唐揚炸雞
炸得燶咗啲嘅炸雞囉
熱辣辣嘅，啲雞都juicy嘅
唔係非常鹹嘅
唔知係咪嗌錯嘢
啲嘢無預期中嘅好食
都唔係唔想畀多次機會再去幫襯
奈何有更多舖更出色真係好難會回頭呢…
一路揭揭揭個menu就超～ 煩～ 惱～ 我同佢兩條友得兩個胃
但係又樣樣嘢都好想食喎，點算好？
竹蔗茅根紅蘿蔔馬蹄水（冷）
足料去煲所以夠晒甜啊！
杞子龍眼菊花蜜（冷）
都好飲嘅，不過個菊花味濃啲
對大肚中嘅我嚟講好似寒咗少少咁啫
楚撚記脆皮燒BB鴿
鞦韆大搖籃咁上
不過隻燒鴿個樣比個裝飾更吸引
隻鴿夠晒鹹香唔使蘸淮鹽都okay
外皮脆卜卜鴿肉又會漏油真係好鬼正！
芝士琵琶豆腐
一定要蘸上芝士醬
就咁蘸都唔夠，倒多啲倒多啲啦please
啲琵琶豆腐隻隻都係脹卜卜
咬落回彈又香魚味
係就算係猛咁倒芝士醬都食到嘅魚味
佢最勁係炸嘢但係一啲都唔油膩，好好食呀！
黃金椒鹽粟米
呢個係估佢唔到嘅驚喜菜式
鹹香嘅椒鹽味配飆汁嘅粒粒粟米
又去同佢食漢堡包喇～～～
田園沙律
combo set嘅沙律
新鮮菜呢家牛牛嘢當然唔係我㗎啦哈哈哈哈哈哈
黑松露和牛漢堡加煎蛋 | 經典芝士漢堡
松露 x 和牛，兩樣香爆嘅嘢但又可以中和漏嘅感覺
配包嘅係日式芝麻沙律唔係普通生菜
食落就唔係非常滯嗰種喇
大肚嗰陣其中一樣真係會戒口嘅係blue cheese
所以就要咗Cheddar嘅芝士漢堡
厚厚juicy嘅牛肉，加埋新鮮番茄生菜
同埋個烘得乾身嘅脆脆麵包
成個package咪就係正囉
配combo梗係揀炸薯格啦yeah～
熱辣辣夠哂香外脆內軟有薯味
熱氣嘢萬歲！！！
雖然佢好鍾意去初見
不過今日行過見到呢度唔使等位就拉佢入嚟食
有lunch set無理由唔嗌
set嘅滑滑茶碗蒸、「求其」日式沙律同無咩特別麵豉湯
係杯蛋食落唔錯，個湯真係一般般
沙律pass咗留畀食得健康啲嘅佢
特選三文魚盛合 | 立鮨特上壽司拼盤
是但啦反正係為咗食壽司先嚟
嘻嘻，啲刺身好新鮮舊飯都唔會實的的
好食啊！有好嘢食就好開心㗎喇
迷你葱吞拿魚腩飯
嗌嗰陣佢問我會唔會食唔晒㗎
一來蔥吞拿魚腩係唔會食唔得晒
二來個set本身得個五舊壽司點會食得飽
三來嗰陣大緊肚擺明有藉口食多啲嘢
（咪話我大肚食魚生，天氣咁熱我食過好多次生冷嘢喇哈哈）
要扮細食真係扮唔到囉sor
最多留少少畀你試吓個味喇
嗯… 啲嘢係新鮮嘅但係唔算高C/P值
只可以响犒賞自己慶祝日子先再返嚟食喇…
勁鐘意飲湯，知道附近就有燉湯飲就拉佢落去同我食消夜…
一意點心燉湯專門店
杯任飲嘅茶唔係一般普洱壽眉
係呢壺滿滿紅棗杞子龍眼肉嘅茶飲
料太多所以味道香甜呢～
淮山杞子花膠螺片燉雞
呢度嘅通常款燉湯有十款再加幾款手寫嘅
因為都夜喇就問聲仲有咩揀
然後揀咗滋陰養顏嘅呢款
足料而冇味精所以個味出卻唔太濃郁
似屋企燉嗰種多過似酒樓款式
蝦餃
間嘢叫點心燉湯嘛
咁嗌籠點心食都好正常
仲有蝦餃喎come on baby
嗯… 個皮厚咗啲個餡滿滿蝦都彈牙嘅
臘腸蒸雞飯
嘿嘿，就咁食點心燉湯唔夠飽嘛
（兩個人食㗎喎）
嚟多兜砂鍋飯先啦
唔會好似一般煲仔飯咁油膩
因此無燶燶嘅飯焦响底
有感情問題一律建議分手…
咁當然要去醫吓「情傷」㗎啦！
拉埋阿小不點去平日唔會揀嘅放題實行撐飽佢（ROAR！！！）
北海道食堂 | Hokkaido Syokudo
情傷必備嘅酒精！
雖然係普通丹麥啤唔係好好飲嗰啲
不過一來失戀嘅人飲嘢應該唔會飲得出咩味
（中咗武肺先係冇味覺飲唔出味）
二來反正任飲唔係唔隊返三五七十罐呀嘛？！
極盛刺身
食放題就唔好預最靚嗰啲
不過應該都係流量大所以魚生們都好新鮮呢～
因此，嚟多碟！
刺身more and more please！！！
極盛壽司
食放題嗌壽司要舊飯咁有趣？
當然只因為想食嘅刺身冇晌刺身menu出現先焗住啪埋飯啦！
極盛串燒
燒牛脷燒牛脷燒牛脷
同佢(+1)行完山走落元朗搵食
點知佢入咗間我唔alright嘅餐廳
脾氣差嘅我竟然冇發火只係默默轉身走
掉低佢兩個而個肚好鬼餓
經過真台客咁啱day-off喎
响連個天都唔鍾意我嘅情況下
係喎，仲有响深水埗鑊鑊見到都好很多人等嘅番茄師兄
即係狗衝入去九秒九決定食乜落單啊！！！
犇犇有禮 烏冬
嚟得番茄師兄當然係為咗佢個番茄濃湯底
用新鮮番茄熬煮仲冇加味精
完全飲得出番茄嘅鮮甜
犇犇嘛… 有牛面頰、牛坑腩同崩沙腩
牛味濃郁加上炆得好腍身好好食啊！
平日麻麻食麵呀米線呀同thanks, but no thanks車仔麵
所以唔揀麵要烏冬，都掛湯算唔錯呢～
檸檬雪梨露
唔太甜又夠香飲完個人爽返晒條氣都順晒
就係知道自己脾氣臭所以吞咗啖氣
其實唔滿意應該唔扯火平心靜氣講意見
响N年前啱啱開張冇幾耐嗰陣嚟食過
好有印象係個炸牛油雞翼好好食
過咗多年後嘅情人節晚同佢經過想試返
點知話要等外賣都要等9個字
好啦，之後一朝見到啱啱開未有人嚟就食啦…
串燒沙嗲（牛、雞、豬）
standard嘢，肉算新鮮個沙嗲味都香
冰鎮蜜糖凍蕃茄
原個剝皮凍番茄
加埋個醬酸酸甜甜咁幾開胃
手撕雞椰汁酸湯檬
檸味出過椰味食落清爽
平時會嗌凍檬但今次有湯都算唔錯
雞肉唔係白烚嗰種都幾好味
唔係好驚艷不過不失咁啦
越式生牛肉湯河粉
食生牛河最緊要係影相要快
如果唔係啲牛熟咗唔好食 XDDD
average嘅味道，只可以話唔係難食咁
二揀一嘅話酸湯檬好食啲而小食比主食出色啲咁
BIA SAIGON SPECIAL
當年去越南旅行嗰陣嘅第一餐嗰杯啤就係佢
