All Posts
CP值高嘅日式快餐！
加藤牛肉飯
食呢碗可以完全忘記吉野家既牛丼
又唔使去排すき家（雖然無响香港食過）
味道啱啱好，唔錯唔錯！
灸燒鰻魚飯
有鰻魚飯又真係唔會唔試嘅
切咗一碌碌咁好似黃鱔飯 XDD
個味道都係平時甜甜醬香味嘅鰻魚
乾身少少不過不失咁啦
和風咖喱唐揚(日式炸雞)飯
個咖喱醬墊底，啲炸雞皮就唔會腍哂
日式甜咖喱帶微辣，穩陣貨色
炸雞熱辣辣裡面超juicy～
酥炸旋風薯棒 | 蝦薯絲
跟餐加購，又熱又脆好好味！
轉配嘅嘢飲，哎吔吔呢度啲嘢好食而且好抵食
難怪咁得人鍾意啦！
揀旅行又冇諗過去峇里
不過食峇里（印尼）嘢又真係好OK嘅
係峇里餐廳嘅後代
所以都留有以前啲歷史
印尼樽裝花茶 | 鮮青檸梳打
好vintage微微甜味到嘅樽仔花茶
青檸新鮮梳打夠氣，爽！
嘴刁小食拼盤
蝦丸 | 魚餅 | 素春卷 | 蝦片
成兜嘢熱辣辣好好食
蝦丸同魚餅超～ 彈～ 牙～
春卷炸到脆脆咁
蝦片更加炸得香口又鬆脆，正呀！
美妙嘅下午茶
唔係一啲都唔肚餓嘅話真係好想食巴東牛肉
填充題：__肉__食。
X：弱肉強食。
O：焼肉定食。
lunch set，先嚟個芝麻醬雜菜沙律
新鮮菜無咩唔好食嘅
滑滑嘅蟹肉茶碗蒸
ㅋㅋㅋ！肉來了～
雜錦烤肉定食
豚肉 | 雞肉 | 牛舌 | 牛肩肉
日本和牛定食
急不及待要去燒喇！
好在牛嘅話快啲熟啫
流口水中…
燒肉當然配燒汁同白飯
（食得！）
新鮮嘅肉就當然係無！得！輸！
綠茶蕨餅
跟餐嘅甜品，綠茶味幾香不過蕨餅始終係蕨餅
一哭二鬧三上吊我就真係做唔出
一吃二喝三瞓覺先係我強項啦
「とりあえず、生で」（總之先嚟杯生啤）
又係基本盤Suntory ザ・プレミアム・モルツ喇！
（根本就係諗都冇諗過…）
料理長の選択 濃厚豚骨魚介醬油拉麵
呢間舖只係專注做呢款豚骨魚介醬油湯底
濃郁嘅豬骨味中又有減膩嘅魚味
微微起膠咁好美味
而叉燒有兩款
一款係入口即溶嘅火炙豬腩肉
另一款係軟腍嘅慢煮豬肩肉
麵條幼身稍硬好掛湯，唔錯唔錯！
well，當然唔少得隻溏心蛋啦呵呵呵～
啲筍其實麵裡面有
不過實在太太太好食，要追加喔！（飽飽again）
嚟到中環碼頭梗係要chill吓…
「とりあえず、生で」（總之先嚟杯生啤）
都係基本盤Suntory ザ・プレミアム・モルツ啦
呢度最chill當然因為個地點
明明廿分鐘就有一班船
（繁忙時間六分鐘一班㖭）
但係啲人就硬係要衝衝衝入閘咁
都幾好睇㗎
最正係啲人好匆忙咁
不過又會望住你好悠閒咁食嘢飲啤酒 XDDD
cheers～
土手燒
濃味噌煮牛肉
味道香濃又入味
送酒一流！
燒鰻魚
蒲燒鰻魚醬汁甜燒得脆脆咁好好味呢！
鹽燒牛舌（限定）
厚肉多汁嘅牛脷
餐牌到見到無理由唔食嘛…
日本雞皮 | 雞肉丸
食碗燉蛋啫，唔使拎藤條擸木棍嘅！
澳州牛奶公司 - 蛋白燉鮮奶、杏汁燉雞蛋
當你以為去澳牛係諗緊食咩光速ABC餐
其實我由細係一直以為呢度係飲鮮奶食甜品嘅地方
但次次都要諗究竟「响牛奶公司梗係要食奶制品」
定係「不過燉蛋又真係又滑又香杏仁味喎」咁
選擇呢家嘢，細路先至要㗎啫
我當然會係「我全部都要」啦哈哈哈！
然而呢兩碗嘢熱食又好凍食都好啦
從來都唔會有一次令我失望
嫩嫩滑又香奶味；又濃郁杏汁 x 蛋味
而且唔會爆甜真係幾時都咁好食
加上咁多年都係光速上枱
左邊嗌完右邊就擺低
同埋佢哋嘅極速計數呢家嘢堅係特色
話時話好似咁多年都無畀啲哥哥仔話過
係細個有時要諗嗰陣佢哋好好咁話「好你諗到再叫我」咋
通常就算有條隊仔都去得好快嘅
响等嘅時間基本上都已經揀好
啊！大個咗啲先有食常餐快餐嗰啲囉
茶記嘢我不嬲麻麻
好好食嘅越南小店！
凍咸檸梳打 | 凍檸檬梳打
飲返杯順氣凍飲先
越式生牛肉湯河粉
哎吔吔，雖然比預期中的牛肉浸得熟咗好很多
不過味道依然好好
湯底味夠香加埋魚露啱啱好
牛肉肉嫩滑河粉都係滑滑的嘅
洋蔥同香葉都好新鮮，提味一流！
（係嘅… 如果啲牛肉再生啲就更完美）
香茅豬扒 撈檬
嘻嘻嘻，相比叫店名嘅湯河
我個人更鍾意撈檬啊！
香茅豬扒味道勁香而且夠晒熱辣辣簡直係最佳食用狀態
檬粉爽滑浸滿魚露簡直將美味再推進
呢兜嘢真心正，私心推薦～
炸蝦餅
唔夠喉，諗住就咁粉麵追加
但太細份又好似唔夠盡興
原裝size係無嗌錯嘅（握拳）
外面又脆身熱辣辣咁裡面更熱而且彈彈彈牙
平日晏晝冇可能行到咁遠
而咁啱兜過嘛…
無理由唔買返嚟試吓嘅，啦啦啦～
Breakfast Set
望咩吖嗌morning啫間舖11點先開 XD
有新鮮牛油果同沙律菜、煙三文魚、fluffy嘅炒蛋
仲有個熱辣辣外酥脆內香軟嘅croissant
嘢唔複雜，簡單而美味！
其實佢係一杯特別去加錢飲嘅Dirty
但係睇到幾戇居㗎啦
買外賣飲咩dirty吖咩都溝勻晒啦
做咩唔正正經經要杯Latte呢？
（雖然價錢一樣啦）
日式同西式嘅組合
不過唔係和洋料理啦
「とりあえず、生で」（總之先嚟杯生啤）
都係基本盤Suntory ザ・プレミアム・モルツ
其實都有考慮過Hoegaarden
不過又覺得會太甜影響食物味道嘛…
有機蕃茄水牛芝士沙侓伴香草汁
材料新鮮就決定咗一切嘅冷盤！
生蠔
新鮮又鹹香海水味，正爆！
特選刺身（竹）
當個friend話叫呢個嘅時候
在座嘅都聽咗做「特選刺身粥」XDDD
簡直係fusion嘅極致咁
no la，真係非常新鮮肥美嘅刺身です。
經典卡邦尼意粉
哈哈哈，雖然呢間係話名fusion菜
但好明顯都係鍾意揀傳統嘢
只係又會叫吓日菜又食吓歐式風味咁
肥漏漏嘅煙肉白汁
意粉唔會太腍身都唔錯啊！
慢煮澳洲羊扒配時令蔬菜
無計，响呢餐到真係出咗話啲材料好新鮮之外
茶記嘅嘢食中飲到屋企嘅味道…
見字飲湯
啱晒勁鍾意飲燉湯嘅我（大大心）
家傳炆豬手（限量）| 即製手工麵 菠菜
飲湯前食啲嘢
豬手炆得皮爽勁膠
唔會死鹹咁又幾好味喎
對於平日食嘅質地呢隻麵對我嚟講腍咗少少
微微菠菜味都唔錯啊
係兜麵個份量多得恐怖咗啲啫…
蓮藕餅豬扒飯
即係手剁香煎蓮藕餅拼招牌豬扒
碟頭飯咁樣嘅茶記飯
藕餅肉香蓮藕爽脆好好味
豬扒都好好食
不過真係少食茶記
對我嚟講豉油撈飯呢家嘢鹹咗啲咁
（係我衰唔知道叫唔好加豉油）
跟飯食呢係有盅湯配埋嘅
每日一款湯，今日係蘋果紅蘿蔔沙參煲咸排骨
降火潤肺味道甜
仲要無味精真係好驚喜
by the way呢度係全！部！嘢！都無味精嘅
平平地嘅維持生命台灣餐…
台灣古早牛肉麵
望個色真係以為係好似台灣食嗰啲藥材味台灣牛肉麵㗎
唔好意思囉，佢係普通醬油湯底
可能係古早到連藥材都冇擺嘅時期啩…
台灣麻辣牛肉麵
同原味比較，有啲辣味個麵係好食啲嘅
其實啲料都係大大件
又唔係唔新鮮嘅
加埋個價錢都稱得上糧尾仲有啲嘢食吓咁
唔好預非常好食就得喇
只係比個「古早」呃咗少少咁啫
紅燒牛肉麻辣麻醬涼拌麵
同湯麵比，呢個撈麵真係幾好味
牛肉都係大大舊幾好咬
有少少麻辣味個麻醬麵又幾香
麵條都彈彈地牙，唔錯呢！
無骨香辣三杯雞肉躁飯
啲三杯雞… hea咗啲喎
個樣仲衰過碟頭飯咁（失望）
唔辣，連我呢種唔食得辣嘅都食唔出辣味
不過個肉燥飯都算ok嘅…
畢竟都叫「肉燥飯專門店」
如果連肉燥飯都唔掂就真係死得
唔係好餓但係又有少少攰
都係搵個地方坐低食啲啲嘢先
兒童豚骨拉麵
全球都有分店嘅金田家
問一問唔係12歲以下可唔可以嗌兒童麵
畀咪叫返個囉（唔畀就要啲小食啫nevermind）
細細碗啱啱好
都係有ok濃嘅九州風味豚骨湯底
兩塊叉燒半隻溏心蛋紫菜木耳粟米大蔥都樣樣齊
味道唔會有咩驚艷
不過呢個份量真係唔錯嘛
all clear～
仲有隻好可愛嘅長頸鹿响底呢（cute）
