All Posts
啡好飲；嘢好食
人生一樂也！
工業風裝潢
慢煮雞胸牛油果藜麥沙律 配 紅酒油醋汁
好好咬但係無乜味嘅藜麥
加埋嫩滑嘅唔嚡口雞胸
軟滑嘅牛油果同新鮮爽脆蔬菜
配以又raw酸酸地嘅油醋汁就已經又light又好味
香草焗金文筆芝士 配 多士
超～ 熱辣辣，上枱已經聞到陣飄香嘅Camembert味（興奮興奮）
簡單嘅Camembert蒜頭同rosemary
同啲焗到脆卜卜嘅法包
無得輸嘅味道，呵呵～～～
油封鴨脾意大利飯
chisin，咁難得coffee shop都有油封鴨脾喎
無理由唔嗌嘅
一如上面啲嘢食咁，好好食
鴨脾皮夠脆肉又非常嫩
係喇係喇油封鴨脾就係啲咁好食嘅嘢
水門海南雞嘅副線
（偽）撳鐘仔
扮舊嘢嘅紙皮石呀單車呀咁
好過癮嘅牆身 XD
仲有霓虹光管
吔雞喇！
叫返隻唔正宗嘅海南雞先…
最出名 - 泰式燒牛肉拼海南雞
咩都想試吓嗌雙拼就最方便
一次過可以食晒鎮店之寶咁嘛
海南雞係極嫩滑貨色
其實一直都好想試無機會食到水門雞
辣醬油飯樣樣都靚
果然係名不虛傳嘅好好食
而號稱地上最強嘅泰式燒牛肉熱辣辣香噴噴
牛味香濃又燒得惹味喎真係好正
最抵食 - 泰北秘製豬扒拼海南雞
諗都唔諗就輕易响counter叫呢兩份雙拼
因為冇可能唔食海南雞嘛
爆熱嘅香茅豬扒呀～
又係時候食吓啲南洋風味…
馬拉拼盤
咩都有梗揀佢
有齊串燒、炸蝦雲吞、老巴剎雞翼、蝦網春卷同魚肉墨魚卷
上枱熱辣辣味道都足幾好味啊！
新加坡白胡椒肉骨茶
唔係馬拉式藥材肉骨茶
香辣嘅胡椒嘅味道都幾開胃
肉骨有豬手、肉排、豬軟骨都有幾多嘢咬吓
個湯飲落暖笠笠都幾好～
特濃蝦湯喇沙湯麵 配海蝦、手撕雞
係嘅，個蝦湯又真係幾香濃嘅
微辣帶椰香味都唔錯
麵底不過不失
可惜啲料一上枱就已經有啲失望
又未到唔新鮮嘅係感覺hea咗啲囉
是但啦…
之前去過兩次都太晏
唔係無晒水餃就直頭賣晒
今次就早啲去等佢開門
咁就一定食到喇～
輕怡套餐：石磨腸粉 - 香蔥肥牛 + 薑蓉豬膶
豬膶腸就嗌硬嘅
點知冇特別睇到係兩餸 就諗緊double豬膶好冇
不過又心郁郁想試多樣料
就加肥就肥死就死嘅肥牛啦
腸粉皮超～ 薄～ 又香米味
豬膶味道唔會腥
肥牛味香就梗㗎啦
好好味呀佢！
招牌浮雲石磨腸粉 - 芫茜
係啦，食啲肥漏漏嘅嘢咪「懺悔」吓囉
好綠色嘅腸粉呢！
有好嘢食，今次真係做隻幸福鳥～
「とりあえず、生で」（總之先嚟杯生啤）
都係基本盤Suntory ザ・プレミアム・モルツ
同埋甜甜唔會苦嘅Suntory ザ・プレミアム・モルツ〈黒〉黑啤啦
甘醋冷番茄
佐酒嘅開胃小食
酸甜鮮爽，又靚又好味（超讚）
喜之次一夜干
menu見到有喜之次係唔會唔叫囉
呢隻魚啲肉彈牙又香自己本身個味
一夜干係會有微微鹹味
但係又令個魚味更提鮮喎，完美～
幸福鳥 免治軟骨雞肉串燒 汁燒
嚟幸福鳥當然要食雞串
呢串一咬落去就爆肉汁好好味
啲雞軟骨响裡面所以勁好咬，呵呵
華味鳥雞尾 | 活鰻
喂呀有燒雞pat pat呢啲咁香口嘅嘢喎
本身諗住去隔離間海膽屋
點知裡面都幾full
加上呢度竟！然！唔使等位喎
唔嚟食真係會對唔住自己嘛…
Fried Slice Eggplant | 炸茄子片
熱辣辣外皮脆卜卜裡面係軟滑矮瓜
配埋清爽粒粒番茄沾醬，完美～
Calamari Fritti | 炸魷魚圈配他他醬
超～ 新～ 鮮～ 嘅魷魚
個面勁脆裡面新鮮香軟彈彈牙，好好味啊！
Signature Seafood Bucatini | 招牌香辣海鮮粗意粉
雖然間舖叫「潮州人」
但賣嘅唔係潮州菜
個名只係想秉承潮州人刻苦耐勞嘅精神啫…
樣樣醉小食都好吸引咁
取捨完就叫呢幾款
師父醉雞翼
响佢同甘香醉鮮蝦之間揀真係有啲糾結
不過都係敵唔過懶得剝蝦殼呢關
加上隻雞翼係搬埋師父出嚟
都要試試阿師父嘅真功夫
花雕味OK濃味道滲到入肉
皮夠爽唔多油都幾好味
溏心醉蛋
話之你有雞先定有蛋先
有醉蛋就一定會嗌先
真係堅溏心嗰隻，咁高質嘅嘢冇嗌錯嘅
古法醉鮮鮑魚
因為CP值幾高咁就叫夠佢兩隻
浸得夠時間連鮑魚入面都夠酒味
而鮑魚本身嘅鮮味都仲响度，好正！
啲菜上得好快
呢頭影完小食啲主食都到齊
蠔皇花膠撈米
一～ 大～ 塊～ 炆花膠就撻咗响撈米粉上面
刺身丼呢家嘢，我當然係可以成碗隊晒啦～
晏晝最抵食當然係自選魚生丼
材料新鮮求其配都唔會差得去邊
五式厚切藍鰭呑拿魚丼
不過我喎，嚟到鉄火堂無理由鉄火丼嘅
（鉄火丼や鉄火巻の「鉄火」は、赤く燃えた鉄という意味でした。
実は熱した鉄は、マグロの赤身を醤油に浸した「づけ」の色に似ています。）
一碗有齊大拖羅、中拖羅、赤身、火炙吞拿魚同碎蔥吞拿魚
入口滿滿嘅幸福感
點會唔五體滿足呢呵呵！
簡直係將藝術品食落肚…
包包唔係擺靚靚，不過夠脆又夠熱
仲有片切到好似芝士咁嘅牛油都幾香啊！
無花果沙律 | 軟芝士 | 士多啤梨 | 風乾火腿
靚到吖～
不過當然唔會唔摧殘佢囉
一句講晒：好睇又好食
門神 江西咸柑桔IPA
淡淡柑桔味嘅啤
入口微鹹帶果清香
after taste係苦味IPA基本盤
幾好幾好！
門神 龍王福建柚子啤 清香唔甜嘅碌柚味
酒精度低當汽水飲記實都唔錯
山椒鴨胸 | 櫻桃 | 伯爵茶蜜瓜
咁啱REVOL呢度唔使等位
當然要入去食返個早餐
爆餡牛角包 + 咖啡嘅組合好難唔good morning喎
牛油果蟹肉牛角包
好啦唔可以否認一見到個menu就一眼認定咗佢
兩樣都係stand out味道但係又好夾嘅combo
而牛油果本身嘅油加埋較light嘅牛角包又唔會好漏
加上包包個調味係辣粉
將全部嘢提香之餘更令油膩度再減低
完成度超高嘅包包，真心推薦呢～
煙肉蛋沙律三文治
唔係人人鍾意食凍嘢
較熱嘅三文治都好好味啊！
唔係美式煙肉所以個味道更香
蛋沙律係蛋黃勁多嗰種
食落簡直係有種幸福嘅感覺
加咗大片新鮮菜响裡面咁成件包都唔會太heavy，正！
Long Black
嚟呢度當然係為咗佢杯咖啡
就咁跟餐就有，有諗過飲特色啲
將沙嗲牛肉推到極致嘅口味！
珍寶沙嗲牛肉包
先嚟隻嗲牛狗
滿滿嘅沙嗲牛肉呢
平時（其實都好少去茶仔）食嗲牛麵要走湯
呢個直頭係肉滿汁包香軟
不過啦，就咁啪又真係鹹咗少少
OK嘅OK嘅…
要食好嘢就要慢慢等
飲住杯鴦走先…
到喇到喇～
過程繁複嘅嘢係要等等嘅
沙嗲牛肉西多士
面頭係牛油同煉奶而唔係糖漿啊！
裡面唔係花生醬
係沙嗲牛肉喔
同齋鹹嘅熱狗唔同
呢舊嘢畀牛油同煉奶中和咗啲鹹味
所以更更更好食
炸好嘅麵包微微脆口
裡面啲嗲牛勁juicy
整體完成度極高超級邪惡
但係人嘛，有時就係要食埋啲超級唔健康嘅嘢
哈哈哈哈哈～
原本諗住去Cafe Sausalito
但係見要排隊咪轉場囉…
COFFEE matters
好raw嘅改建
以前香港好多嘅綠白色葡萄牙地磚紙皮石
嗌咗嘢就坐低等食
Cold Brew
今日好太陽又熱熱地
飲凍啡就最啱
Ice Drip
要凍，除咗cold brew
當然有更凍嘅ice drip
哈哈好似清酒杯咁飲
揀咗fruity啲嘅豆
個酸味好入口～
Croissant
咖啡好味之外
啲pastry都做得好好
香軟酥脆重牛油味熱辣辣嘅牛角包
