[串] 幸福鳥
有好嘢食，今次真係做隻幸福鳥～
「とりあえず、生で」（總之先嚟杯生啤）
都係基本盤Suntory ザ・プレミアム・モルツ
同埋甜甜唔會苦嘅Suntory ザ・プレミアム・モルツ〈黒〉黑啤啦
甘醋冷番茄
佐酒嘅開胃小食
酸甜鮮爽，又靚又好味（超讚）
喜之次一夜干
menu見到有喜之次係唔會唔叫囉
呢隻魚啲肉彈牙又香自己本身個味
一夜干係會有微微鹹味
但係又令個魚味更提鮮喎，完美～
幸福鳥 免治軟骨雞肉串燒 汁燒
嚟幸福鳥當然要食雞串
呢串一咬落去就爆肉汁好好味
啲雞軟骨响裡面所以勁好咬，呵呵
華味鳥雞尾 | 活鰻
喂呀有燒雞pat pat呢啲咁香口嘅嘢喎
外脆內爆油花咁點會唔好食呀？
見到鰻魚，唔食就唔係我啦哈哈
燒鰻魚係永遠都無得輸嘅嘢
白燒… 新鮮就決定到一切！
牛脷串
又係响menu見到又唔會賴低佢嘅嘢
牛脷呢家嘢真係好有魅力㗎嘛
外面微微焦脆裡面juicy，點可以唔食喎…
華味鳥雞盛合
啊！呢間雞串舖嘅雞肉係採用博多嘅華味鳥
肉質圓潤，相對其他雞無咁濃郁雞味
然而就有種滑滑同甜味响裡面
一set雞盛合就試到唔同嘅肉
鹽燒就最食得出華味鳥本身嘅味道同肉質
豆腐
燒過嘅腐皮脆脆咁
就咁鹽燒後加蔥就已經夠晒味
飯團
一路飲一路食咗幾個鐘竟然仲未夠飽
不過又已經唔想再隊肉
食個紫蘇燒飯團就啱啱好
沖繩菠蘿
美妙嘅串燒ending
燒菠蘿真係不二之選嘛（滿足滿足）