ATUM Restaurant
簡直係將藝術品食落肚…
包包唔係擺靚靚，不過夠脆又夠熱
仲有片切到好似芝士咁嘅牛油都幾香啊！
無花果沙律 | 軟芝士 | 士多啤梨 | 風乾火腿
靚到吖～
不過當然唔會唔摧殘佢囉
一句講晒：好睇又好食
門神 江西咸柑桔IPA
淡淡柑桔味嘅啤
入口微鹹帶果清香
after taste係苦味IPA基本盤
幾好幾好！
門神 龍王福建柚子啤
清香唔甜嘅碌柚味
酒精度低當汽水飲記實都唔錯
山椒鴨胸 | 櫻桃 | 伯爵茶蜜瓜
好鍾意啖啖肉又唔漏嘅鴨胸
加咗酸甜嘅車厘子醬汁就再將油膩度進一步下降
連埋舊哈蜜瓜，就係完成度極高嘅一味菜
煎鱸魚 | 檸檬洋薏米 | 海鹽蛋白霜
大啖食唔怕有骨又夠香魚味嘅鱸魚
加上彈彈牙洋薏米好好咬
味道唔及食肉咁濃郁
但係魚呢家嘢真係冇得輸啊！