[粵] 潮州人 花膠米粉
雖然間舖叫「潮州人」
但賣嘅唔係潮州菜
個名只係想秉承潮州人刻苦耐勞嘅精神啫…
樣樣醉小食都好吸引咁
取捨完就叫呢幾款
師父醉雞翼
响佢同甘香醉鮮蝦之間揀真係有啲糾結
不過都係敵唔過懶得剝蝦殼呢關
加上隻雞翼係搬埋師父出嚟
都要試試阿師父嘅真功夫
花雕味OK濃味道滲到入肉
皮夠爽唔多油都幾好味
溏心醉蛋
話之你有雞先定有蛋先
有醉蛋就一定會嗌先
真係堅溏心嗰隻，咁高質嘅嘢冇嗌錯嘅
古法醉鮮鮑魚
因為CP值幾高咁就叫夠佢兩隻
浸得夠時間連鮑魚入面都夠酒味
而鮑魚本身嘅鮮味都仲响度，好正！
啲菜上得好快
呢頭影完小食啲主食都到齊
蠔皇花膠撈米
一～ 大～ 塊～ 炆花膠就撻咗响撈米粉上面
放啲蠔油就啱啱好
幾廿蚊就食得咁豪氣响邊度搵？
仲係好食嗰隻喎
花膠炆得又漿又腍唔會腥
配幼身米粉就唔會too heavy
個沾麵湯底都係餚湯貨色
成碟嘢完成度超高呢～
招牌花膠米粉
相比撈米，湯米係冇咁鹹（pat蠔油）嘅
同埋啲膠會溶咁啲落個湯底度
個湯就再濃郁啲
撈米湯米各有各好啦！
有機鮮豆漿
唔太甜都叫有豆味幾好嘅
媽咪龍眼蔘蜜
然而有其他自家製嘢當然唔會放過
微甜帶蔘味又潤潤哋咁
仲夠晒凍唔錯唔錯
榴槤雪糕雙球
係嘅，呢球嘢係香榴槤味嘅
亦都唔會好甜咁，係呢餐嘅完美句號呢～