[粉] 不忘 - 石磨腸粉、手工水餃
之前去過兩次都太晏
唔係無晒水餃就直頭賣晒
今次就早啲去等佢開門
咁就一定食到喇～
輕怡套餐：石磨腸粉 - 香蔥肥牛 + 薑蓉豬膶
豬膶腸就嗌硬嘅
點知冇特別睇到係兩餸
就諗緊double豬膶好冇
不過又心郁郁想試多樣料
就加肥就肥死就死嘅肥牛啦
腸粉皮超～ 薄～ 又香米味
豬膶味道唔會腥
肥牛味香就梗㗎啦
好好味呀佢！
招牌浮雲石磨腸粉 - 芫茜
係啦，食啲肥漏漏嘅嘢咪「懺悔」吓囉
好綠色嘅腸粉呢！
雖然我唔係啲咩茜茜茜茜嘅女人
但係呢兜嘢一啲都唔討厭仲好好食呀
芫茜爽口又香，腸粉皮皺皺滑滑咁
不枉我三顧草廬都要嚟呢（握拳）
輕怡套餐：雞湯手工餃 - 韭菜豬肉餃 | 潮州福合埕牛筋丸
水餃腸粉係同一個套餐
揀咗香口啲嘅韭菜
豬肉新鮮韭菜都味香
一路食一路見住員工一路推車去新鮮包
所以當然係每日賣晒就冇啦
可惜好水餃皮對我嚟講有啲削
唔完美，可接受
腸粉好食啲（哈）
而牛筋丸完全係有得返返去德發嘅味道
好好咬好L好食啊！
壹品豆漿 黑芝麻
本身冇特別想飲嘢
點知後面枱條友飲完一支又叫一支
有無咁吸引呀？
嚟到先知係元朗國牌子嘅豆漿
（等我仲以為係自家製㖭）
Mmm… 飲開自製豆漿嘅我當然係覺得唔夠濃郁啦
唔緊要啦照飲啦…