All Posts
其實去初見嗰日本身唔係去初見
係因為佢經過見到呢間又打蛇餅所以先改地方
咁今次睺正啱啱開舖就嚟
唔使等梗係快快咗入去order啦！
嘉寶漢堡 | KABO BURGER
好食仲要C/P值超高
同我有餐加餐咩都要加爆佢吖唔該
♪ 芝士牛堡 is coming to town~~~
雙層芝士牛堡
經典中嘅經典大滿足
牛肉漢堡爆juicy
加埋double芝士嘅鹹香
煎香過嘅脆脆包身
同新鮮大片沙律菜同洋蔥
哇！佢唔係賣得平係個好食嘅程度變得係underprice咗呢～
黑松露芝士牛堡
哎吔吔今日冇羊堡就食吓香濃嘅黑松露
都係繼續同佢食
呢間唔係最初畀我揀嗰幾間之一
不過佢send得過嚟問Do you want this嗰陣
就知道其實係佢諗過踱過再開口問
間舖個名幾好聽望啲相又唔伏
加上任何情況下都係會相信佢嘅選擇啊！
初見四式刺身丼配味噌湯
－ 三文魚、油甘魚、帶子、甜蝦、玉子、蟹柳
魚生新鮮又厚切，邊會唔好食呀？
佢個飯base係有飯料嘅
唔怕就咁食晒啲刺身個白飯會好寡
初見特選海皇蟹刺身丼配味噌湯
－ 蔥吞拿魚蓉、蟹肉、蟹膏、海膽、帶子、蟹柳、玉子等
吞拿魚蓉同蟹膏海膽喎
完完全全開正我嗰範啱我河車！！！
（都話佢完全知我點諗㗎啦）
將香爆嘅嘢集於一身
唔止係好食，對我嚟講直頭係大滿足
除咗蟹柳囉分畀佢食啦就咁話哈哈
初見壽司拼盆配味噌湯
之前講過係再見面時嘅餐廳幾選一
雖然係揀咗食burger
但係第一間send嚟嘅係呢間
咁有時間梗係都要試吓啦～～～
Ann Mamma Thai Kitchen by 張秀玲
食晏時間咁啱唔駛等位
無理由唔入嚟食返個set lunch啫
張枱有啲窄叫咗兩set嘢食加小食連嘢飲就逼到冇晒位
蝦餅
身為蝦精又鍾意食熱氣嘢
無唔嗌呢碟嘢嘅道理
睇個賣相同食落都一樣夠晒正
啱啱起鑊熱辣辣
個表層粉漿唔厚但都夠晒脆
蝦肉滿滿厚厚蝦味新鮮兼且非常彈牙
好食！真係好好食！！！
泰式鳳爪
又凍又辣仲夠爽滑
對我嚟講係辣咗少少
話說舂錯咗入留白
咁當然晌終於發現咗之後都嚟返呢度
Rocky Burger | 煙肉漢堡
乾身脆口嘅芝麻包
餡料係juicy嘅漢堡牛扒
少少厚身嘅油脂鹹香嘅美國煙肉
融化咗嘅芝士加埋香甜炒洋蔥
同埋唔可以漏咗嘅新鮮番茄同沙律菜
個package都係standard嘢
成敗在於用料新鮮加廚師用心煮
所以咪又係好食囉！！！
啊！唔好漏咗個硬硬脆薯條
好味㗎雖然少咗啲…
期間限定 催淚蝦堡
本身鍾意MOS嘅wasabi吉列蝦漢堡
而呢個包嘅combination都大概係吉列蝦餅包咁啦～
同MOS一樣，個wasabi醬都係非常攻鼻
個炸吉列蝦餅就大大塊超彈牙
加上啲蝦s好新鮮，好香啊啲蝦味！
沙律菜同番茄都好fresh
佢哋啲包唔係得一面芝麻
要同十幾年冇見嘅人重遇
幾揀一之下揀咗轉角‧見
點知去到嘅時候兩條友都無睇門牌入咗嚟呢間 XD
（仲要係好耐之後先發現）
牛油果藜麥大蝦沙律 | Avocado Quinoa and Prawn Salad
成兜嘢新鮮新鮮好新鮮！
牛油果夠晒熟又香又creamy
啲蝦大大隻爽口彈彈牙
粒粒藜麥好似個陳醋醬咁令配搭完美
well，完全ignore咗我唔食嘅火箭菜
慢煮牛 Bagels | Beef Bagels
罌粟籽bagels裡面有新鮮沙律菠菜、
Cream Cheese、Cheddar Cheese同慢煮牛肉
夜媽媽飯後食個甜品又想飲返杯
cake x beer 嘅組合 why not both?
梔子 Zi
抬頭吧除咗相信愛你便能飛之外
仲可以睇吓有咩啱
況且低頭嘅話光環會掉下來
（aiya sorry for so 爛囉…）
Pistachio Mousse Cake
鍾意食開心果嘅我見到佢冇理由唔嗌吖！
Pistachio mousse 加 light cream 嘅主調又香又輕盈
無咗程班長，仲有冇臺灣人口中嘅正宗臺灣菜食呢？
新開咗就有間喇，呵呵！
由店名到呢個deco都大大隻寫住滷肉飯
唔會唔叫返碗呀嘛？
特登唔cut就個人頭
個頭係屬於Mill Milk個攝影哥哥嘅！
咁啱食嗰陣佢哋拍緊（哈）
鹽酥雞滷肉飯套餐
一次過食佢兩道招牌菜先！
小碗台味滷肉飯
滿滿一碗係隻碗細啲但係個份量一啲都唔少
好有少少依郁就散落四周嘅危機
豬肉係半肥瘦勁有油香
滷肉汁唔會好似一般港式台菜勁鹹甜咁
搞到醬汁完全蓋過本身嘅肉香
所以配埋微辣嘅酸菜就啱啱好夠味
飯係台灣特級蓬萊米
有黏性得嚟又唔會好似日本米咁漿口
掛埋肉汁高濕度就just right～
九層塔鹽酥雞
啲雞跟set嘅份量都咁誇張嘅
入口超～ 脆～ 雞髀肉同炸漿都調味ed
平日唔係太飲手搖飲品
但係條街實在太太太熱又咁啱經過就隊杯啦！
丸·茶手作 皇家紅茶拿鐵
無糖無糖無糖！
好重要所以講咗三次
然後，拿鐵同奶茶嘅分別係鮮牛奶同奶精
毫無懸念拿鐵です
唔會係港式奶茶咁有啲澀
順滑嘅茶based x 香濃嘅牛奶
雖則唔係濃郁然而要有嘅奶同茶味都好足
作為夏天行個街飲杯嘢嚟講
呢杯嘢真係啱啱好啊！
夠～ 解～ 渴～
同tak去hea遊西貢
响條街兜咗幾個圈終於都係揀呢間
Cold Brew
天氣熱就飲cold brew絕對正確
就算凍啡味道依然香濃
Coffee Tonic
再爽啲當然有佢
cold brew再加有氣tonic
消暑一流（不過咖啡係唔解渴嘅）
美式手撕豬肉貝果 | Pulled Pork Bagel
pork, onion, coleslaw salad,
cheddar cheese, American BBQ sauce
天氣熱，唔想等位食飯…
就去買外賣啦啦啦！
丼駅 蒲燒鰻魚丼
大滿足嘅原條蒲燒鰻魚
唔會爆甜嘅醬汁
加埋清爽嘅粟米晌飯裡面
食落就唔會好漏不過當然好飽 XDDD
個外賣飯焗住一陣都唔會太腍身
麵豉湯就一般般無咩特別啦
有鰻魚食我就開心㗎喇（哈～）
憑單去齊柏林 or 丸·茶手作都有折扣
自己人幫自己人，爽！
相比起流沙黃金乜嗰種鹹蛋黃
都係鍾意個鹹蛋黃正正經經咁擺晌月餅同糉裡面
鴛鴦燒賣 | 綠豆瑤柱咸蛋黃咸肉糭
响隻糉要加熱前
先食咗佢啲名物燒賣先
鴛鴦係指原味魚肉燒賣拼藥膳燒賣
魚肉燒賣有淡淡魚香加上彈彈牙都唔錯
不過硬係爭咁啲嘢咁
而家藥膳燒賣就顯得非常好食
相對原味無咁彈牙然而個味道超香
食完好似好補咁哈哈哈
响我食完啲燒賣仲等緊隻糉嘅時候終於發現差咁啲乜
係辣油！我完全唔記得咗叫加辣油！！！
竟然犯咗個咁嚴重嘅錯誤（不能原諒）
但係唔知係咪咁就更突顯藥膳燒賣個味真係好出
下次，我一定會加返辣油啊啊啊～
因為冇得蒸，就烚啦！
又好彩本身隻糉扎得好實
就算咁烚都唔會好濕咁
一篤開就見到舊肥豬肉哈哈哈（滿意）
每朝新鮮整加上好足料又大隻所以唔會唔好食
除咗勁香嘅肥豬肉
仲有軟糯嘅去邊綠豆
响懷念船麵嘅日子 就要去隊返碗開心吓！
阿叔拼盤
聖巴東無骨酸辣鳳爪 | 香茅魚露雞翼 | 紅咖喱雞 | 椰汁西米糕
要熱嘅就啱啱炸起熱辣辣
成盤嘢啲味道好夠
有齊鹹嘅甜嘅好滿足
冬蔭功湯麵（金邊粉）
配料有蝦青口蟹柳同勁索汁嘅豆卜
酸味足帶微辣仲好鮮味
連埋啲爽滑金邊粉好好食呢～
粉紅船麵（金邊粉）
泰式嘅南乳係粉紅過小粉紅嘅近螢光色
but呢隻南乳就偏奶啡
但係唔影響味道嘅
配料係魚蛋魚片頭豆卜同炸雲吞皮
簡單而美味，唔錯唔錯
豬肉船麵（米粉）
有豬肉片同彈彈牙豬肉丸
