All Posts
呢間越南嘢真係好好食
搞到同佢食完又食食完又去食試吓唔同菜色（嘻）
蟹膏檬粉
雖然試過幾樣呢度嘅嘢都覺得好出色
但係要講一入口就已經覺得驚嘆嘅就係呢碗！
上枱嘅時候熱辣辣
就咁飲頭啖湯好似鹹咗啲咁
不過就係呢個味响口度先再滲出蟹同番茄嘅味道
扎肉係好紮實嗰隻豬紅都唔會一夾就散
原個新鮮番茄爆晒汁咁絕不欺場
蟹膏煎蛋勁香蟹味之外就咁隻蛋味都好濃郁
仲有勁索湯頭嘅豆卜
咩日月精華都畀佢吸晒
檬粉好爽滑，成碗嘢完成度超～ 高～ （正正正！）
沙甸魚法包
晌香港食越南粉麵有好多
而有埋法包嘅就少好多
呢度有喎當然會食返個啦係咪
硬脆烘得乾身嘅超熱法包配會漏油嘅沙甸魚
啲油滲晒入包到個味香到爆
又有越式pickle中和返啲油膩感
好好食呀佢！！！
香茅牛肉撈檬
帶住阿B去做test點知戇居居冇拎齊文件
見㷫㷫地 (physically啫唔係mentally)就突然想食凍嘢
以前响紅磡成日經過舊舖時新隔離角落頭間涼皮店
陣四川味完全頂唔順所以對涼皮呢家嘢無咩好感
加上係一類堆好似劣食塔樓下啲撈麵咁
其實真係對呢種食物興趣唔大
不過人呢有時就係忽然之間奇奇怪怪
反正要轉車就不如買兩姊妹嘅外賣
仲要我個時間係啱啱開舖， gogogo～
因為佢哋鋪頭大部份位置都係用嚟放雪櫃
所以啲外賣都係可以keep住凍
我呢份大概搭咗半個鐘頭plus嘅車
返到屋企都仲係凍嘅
招牌兩姊妹涼皮（微辣）
加配料：秋葵、豬脷
微辣已經好夠，帶住麻麻辣嘅味道
涼皮滑滑又夠凍就算係辣味都幾消暑
本身配料有芫茜、蔥、花生、青瓜絲、豌豆
芫茜蔥提香；芫茜青瓜夠爽脆；
花生硬脆豌豆卜卜脆
同滑滑涼皮食感覺好豐富
其實佢個味唔係咩「正宗四川」風味
係就返香港人嘅口味而調整
飲咖啡食餐飯甚至要有art嘅嘢
冚棒唥喺齊呢度！
南瓜甘筍忌廉汁蟹肉燉飯、泡沫咖啡
menu寫嘅《廚師推介》飯
金黃色澤嘅南瓜甘筍忌廉汁 w/cheese
一舊舊拆肉蟹肉碎
再加埋杯拉花Cappuccino
Perfect lunch呢…
又係佢畀我揀食咩lunch嘅日子
記得好耐之前經過見到啲麵個樣有啲想試
但係嗰陣仲圍緊板未開張
好喇到突然又諗起不如食麵都好就坐低等佢過嚟食…
川味紅燒三寶牛肉麵
（牛腱、牛筋、牛肚）
一如以往，有牛肉麵佢係會揀牛肉麵嘅（笑）
其實呢，台灣嘅牛肉麵最「正宗」嘅風味係來自四川
而呢碗係有大大隻嘅辣椒但係唔點辣嘅
啲牛腱呀牛肚呀都炆得腍身
牛筋漿口而且全部都煮得入味
湯底顏色深不過未算好濃滷水豉油味
整體都算叫做okay嘅未去到一試難忘咁解
麻辣老鍋麵
食呢種過江龍嘅餐廳當然想食返當地嘅味道
碗麵有肥牛墨汁豬肉丸響鈴之外
仲有台灣直送鴨血です
恨食麻辣鴨血嘅我梗係唔會錯過
揀咗粗麵，即係關廟刀削麵
（另可揀幼圓身嘅傳統關廟麵同幼扁身嘅關廟拉麵）
啲麵係手工天然日曬嘅
夠Q彈唔易爛亦唔會令啲麵粉剝落滲去湯底
湯底係牛肉麵嗰隻湯再加啲麻辣，都ok辣㗎
老鍋呢就好似火鍋咁咩餸都有啲睇落好豐富
邊爐必備嘅肥牛咪都係肥牛咁
世一秘書K生日快樂（撒花～～～）
不過呢次食嘢見面係恨咗好耐嘅細路BB們first meet
伯爵茶芝士蛋糕
想試呢度嘅慢煮封門牛柳但肚仔唔餓
咁就食吓蛋糕飲杯啡啦
呢個蛋糕啊唔知發生咩事
可能係擺耐咗（死都賴係因為睇住啲細路們玩食咁遲食）
入口一pat嘢咁，又冇咩earl grey味亦無芝士味
係個樣睇起上嚟有一粒粒茶葉碎蛋糕形狀嘅物體
搞到好似唔知食咗啲咩落肚咁…
日本製宇治抹茶芝士蛋糕
相比earl grey嗰款
呢個日本直送嘅「正常」好多
有淡淡抹茶甘香亦係較實嘅cheesecake
（同上都係放咗一大輪先食）
靚就好似靚啲but畫蛇添足嘅糖漿就mamaday
Flat White
關於favilla就差唔多等同咖啡
個拉花都唔錯（雖然來吧倒轉地球咗）
K嘅唔係我嘅唔知咩味啊
都係咖啡同奶嘅味㗎啦～
Harry Potter嘛…
電影都只係睇過第一集
本書就直頭冇睇過
唯一最熟咪嗰句：「係愛呀哈利！」囉 XDDD
間餐廳擺咗場景LEGO嗰啲
又放滿晒成系列嘅書咁
好難唔怪華納會告佢侵權嘅
9¾，一齊去撞柱！
水杯都係用傾斜版本，玩味十足
「魔法」做主題就唔一定係要响halloween先擺呢種蠟燭
ButterBeer | 奶油啤酒
唔睇Harry Potter都知道嘅嘢飲
牛油焦糖汽水在上面加pat cream
嘗鮮都叫okay嘅
（普通啤酒好飲啲，呵～）
Green Apple Soda
用lab樽裝住開同用綠色色素有氣嘢飲
同係咪大肚應該無關
又又又突然間餓到食得落成隻牛（吼吼吼）
啊～ 搵到牛堡 w/add on
唔好食太多嚇親人喇…
Texas BBQ Beef Burger
fried onion ring | crisp bacon | house barbecue sauce | brioche
厚厚嘅一個burger
包嘅本身係香甜軟軟法式brioche
其實細時都冇落旺角掃街嘅習慣
但係人大咗又好鍾意去台灣啲夜市密密食
好懷念去台灣飲飲食食嘅日子啊啊啊～
唔太肚餓就唔嗌呢度嘅便當飯同麵喇
台式蛋餅（起司）
早餐嘢不過做brunch下午茶同消夜都冇違和感
餅皮軟滑柔韌同响苗栗食嗰塊脆身嘅唔一樣
有蛋香之餘芝士融化亦帶鹹香
所以就算醬油膏唔多都唔覺唔夠味
肉燥燙青菜
菜新鮮配上滷味足夠晒肥嘅南部肉燥
（北部同中部叫呢種做滷肉(碎)嘅）
比就咁蠔油生菜多層次啲
啊～ 任斟嘅冬瓜茶
個味都幾香而且唔會好甜，唔錯唔錯！
金梅地瓜QQ球
喔！唔夠飽再加份甜品先
啲蕃薯波波仲係台灣直送㗎呢
細細粒炸到漲卜卜咁好可愛
外面金黃又脆口裡面QQ
好咬又香蕃薯味
味道唔會好甜加埋啲金梅子粉好開胃
唔講唔覺又剷晒㖭（飽飽）
人在江湖 大快朵頤（嘻嘻）
滿滿武俠風嘅menu
呢度係用自煉豬油唔係坊間嘅合成豬油
煲仔飯上咗枱倒完round豉油同豬油要焗一陣
咁先食碟招牌燒通菜
即係港式串燒舖嘅燒菜
呢碟就鋪上勁多蒜蓉
麵醬鯰魚煲仔飯
個麵豉醬豆味香濃
鯰魚滑溜配埋豉油豬油非常提香
蔥嘅份量都幾多（一片綠）
新鮮嘅唔會好辣好嗆喉
個飯當然好重要
粒粒分明又有米香
豬油同調味再加餸料嘅味滲晒入飯好好味
飯焦！飯焦！！飯焦！！！
好好食，清晒梗係無難度～～～
同我呢種放任式老母唔同
要約3B嘅話，都係得返星期日晏晝
仲要就地方咁先可以同佢隻盈少見面啊！
因為呢間嘢一開門就好快滿座
所以趁啱啱開舖見仲有位即係走入去
嗌咗嘢食就等，先嚟咗碗味噌湯
加咗麩感覺比一般日式食肆更有「誠意」
味道唔錯唔似求其沖嗰啲咁
同3B一齊點可以無酒飲？！
就算只係小酌一杯都要同佢飲
揀咗梅酒，香甜開胃好好味
店家貼心咁畀咗杯冰慢慢加
始終梅酒咁甜唔溝淡吓唔夠凍無咁好味呀
鹽燒白鱔煲仔飯
一行四個大人一個細路一隻B
除咗兩件無幫襯嘅塞豆窿
四個有三個都係嗌呢兜白鱔飯！！！
實不相瞞我哋就係衝住呢個飯而來
每日限量供應喎，咁早嚟到就係為咗佢
白鱔超～ 厚～ 身～ 油花香味道足
非常彈牙嘅肉質一啲腥味都無
個皮又燒得較脆身兼有炭香
肚仔餓嘅時候見到店面張pancake menu海報
加上又咁好彩唔使等位，入去啦！
番茄素肉磨菇意粉
對於一枚animal lover嚟講
素牛肉係冇真牛肉咁香㗎喇
咁但係啲番茄洋蔥磨菇啊咁都係standard味
口味係比「正常」版淡口
個番茄醬汁底偏清香酸爽嗰種
幾清新嘅…
厚pancake伴海鹽芝士卡士達醬及雲尼拿雪糕
ふわふわ厚厚pancake（心）
pancake食落空氣感十足
本身唔太甜亦有蛋香
海鹽芝士custard鹹鹹甜甜帶奶香好好味
配埋雲尼拿雪糕一齊食好幸福好滿足
fluffy嘅pancake好似食浮雲咁
畀張poster引咗入來係正確嘅（哈哈）
藍桔荔枝梳打
好耐冇試過飲打卡樣嘅甜飲
唔算爆甜，梳打幾好汽
偶爾一次okay嘅okay嘅～
雖然我唔係泡菜國子民
但其實김밥同비빔밥係我其中一樣嘅comfort food呢…
牛骨例湯 | 갈비탕
唔係雪濃湯咁濃郁奶白色嗰隻牛骨湯
然而清得嚟都有牛骨味
鹹鹹地飲落都幾暖胃
石鍋飯（牛肉）| 돌솥밥（쇠고기）
有生蛋啦牛肉啦芽菜翠玉瓜菠菜同甘筍絲好豐富
梗係要落埋拌飯醬先食啦！
即係咁，用料新鮮所有嘢輕輕調味
牛肉滑溜滑溜又有牛味
就算全生蛋都唔會有腥味
再加埋係咪都會將啲嘢變得勁香嘅麻油
石鍋底仲要有飯焦喎
點會唔好食啫？！
拌飯最正嘅地方係唔講唔覺就食咗好多菜
感覺相對身體無咁大魚大肉大負擔
而鍾意石鍋飯因為可以食到最後都係熱
（飯焦！飯焦！飯焦！！！）
食完真係會好滿足㗎～
石鍋飯呢家嘢，清兜係完全無難度（呵呵）
