All Posts
抱住清醒阿B食tea
今次挑戰嘅係食大大隻炸雞髀！！！
和順記 鹹蛋黃神級雞髀皇
嗱！我呢就由細細個已經好鍾意下午茶食炸髀㗎喇！
雖然未到咩炸髀關注組嘅程度
但係都有自己界線嘅味道皮脆肉嫩度嘅standard
呢隻髀同傳聞中一樣係誇張嘅大
隻碟好大所以唔係好睇得出個比例
佢大個成隻手掌大概同塊面差唔多咁
不過因為同之前响光榮食過大大隻
所以鎮得住冇畀佢嚇到失禮失禮
要食邪惡嘢就要食到極致
炸再加面層係鹹蛋黃問你死未？ 生炸雞髀就係皮超脆
加咗金沙鹹蛋黃coating竟然唔會好鹹
仲有沙沙嘅感覺無只係炸雞皮咁乾身
雞肉juicy流雞油就梗㗎喇
唔係得個大字睇得唔食得嘅
然而齋扯皮嚟食，食食吓啲雞肉會悶㗎嘛
好在佢係有得配汁
我就揀咗可以提食慾嘅黑椒汁
個黑椒味炒得好香因此勁出，非常正！
就算阿B响個一路食一路搞搞震
仲逃出孭帶走去搣牆上啲膠紙又拎counter攝住啲廢紙
抱住阿B想食甜品
呢種杯裝台式飲嘅就最方便！
RealT - 芋圓芋泥牛奶（走甜）
好難得台式嘢飲舖啲波波唔係珍珠係芋圓
可以走甜就已經唔再extra落糖水
因為本身啲芋泥啊芋圓都有微微甜度
芋泥超～ 順～ 滑～ 軟綿綿咁
加埋新鮮full milk好醇厚
芋圓韌韌好好咬，正！
阿B一直伸手又搞杯又搞飲筒
麻煩㗎！不過都仲好享受呢杯嘢，呵呵～～～
做人就係要不斷接受挑戰
抱得阿B掃葵廣，當然可以再試其他嘢！
麻辣風雲 - 水煮牛肉客飯（小辣）
抱住佢食熱辣辣紅噹噹有湯汁嘅嘢！！！
另外嘛，係挑戰吓一個唔點食辣嘅我去食辣
BBbaba問我食咩嘅時候我腥呢張相畀佢
佢第一時問「你食呢啲架咩」咁
不過都係覆佢「試吓嘛」
連小不點都問我「你以前唔食呢啲嘢，點解啲口味變晒」
其實都係見之前未試過就試吓啫
唔駛太緊張嘅 XDDD
不過話時話，兜嘢都幾豐富
牛肉係用牛肩肉，牛味香又夠腍
係嘅，連辣味都蓋唔晒啲牛味
一直唔太鍾意食辣除咗條脷會痛之外
（辣同甜酸苦嘅味覺唔同，係痛覺嚟㗎！）
就係辣味好霸道令到啲食材本身嘅味冇晒
呢兜係食到牛味都唔錯
跟住有爽脆蓮藕芽菜同爽滑嘅木耳
腍滑彈彈牙嘅菇
又有吸晒湯汁超辣嘅豆卜
仲有碗底滑滑薯粉
掃街last shop又再飲返杯嘢先！
唇。特色手調茶 月滿花香
請教過店員如果全走糖嘅話
個茶底就只係得返烏龍茶嘅味
話晒要試呢種mix埋桂花、玫瑰、茉莉同烏龍嘅茶
可以做到最最最盡嘅微甜就微甜啦please
微甜就真係唔算好甜咁
（飲得出少少冰糖味）
而啲茶又真係滲出微微嘅香氣
溝埋都算幾夾喎
杯茶仲配埋桃膠有得咬咬吓
吖！終於覺得夠飽飽喇
都唔係食咗好多嘢啫（好似係…）
dessert time喇！
原本想試special嘅，不過成三塊pancake實在太多
好彩standard嘅有得揀一層啫～
鳩戟 FreeHcake - 港朱噢工程
（芝士奶蓋朱古力格格脆） 有pancake有面料有奶蓋
仲有埋軟雪糕，超豐富（happy）
味道才是一切！
pancake好鬆軟又帶蛋香
食到空氣感卻裡面唔係得空氣
仲會食到微韌身嘅糕體
奶蓋有微鹹，好厚身
因為即食所以啲格格脆都無浸腍到
好開心食哂成兜都唔會覺得好甜
如果要硬挑剔，只係個奶蓋上面嘅朱古力粉
嗆喉啊！但係冇佢嘅苦味兜嘢會甜咗
好食～ 啲嘢唔係鳩整嘅！
食完雞，當然唔可以放過隻蛋
HK9EGG - 原味日式玉子燒
因為見阿B一直係咁望住我食嘢
唯有放棄炸蛋，玉子燒都唔揀明太子黑松露嗰啲味
（廿四孝老母是也）
而店員都好好咁將啲肉鬆放埋一邊
甜甜地鬆鬆軟嘅蛋
六面都燒過好有heart
面頭唧咗沙律醬又滲有微脆紫菜飯料
再有鹹鹹甜甜嘅肉鬆
層次豐富，味道都唔錯
所以阿B都不停追蛋食，哈！
理得佢有雞先定有蛋先，我去食雞先！
等雞嘅時候一路諗諗諗一陣滲邊種好～
Chok套餐 6件雞件
登登登凳！即叫即炸熱辣辣炸雞出場！！！
（最後揀咗避風塘蒜香滲面）
激！大！舊！嘅炸雞
好Q熱，外層爆脆；裡面雞肉嫩滑兼漏油超juicy
6件有啲多㖭，食唔晒拎個蓋冚住一陣再食～
然後，食蛋去…
等食包期間先飲返杯嘢濕吓喉嚨
茶芝味 - 芝士現泡茶 四季春綠茶（走甜）
隻芝士唔會好重奶粉味都幾好
雖然係咁依然好creamy
茶呢就係茶包沖泡嘅
可能係凍飲所以味道唔係好濃茶香只得少少
都okay嘅茶同芝士冇咩衝突感囉
飲完芝士都唔會飽肚
掃街喇掃街喇～
今日亦係抱B，挑戰嘅係葵廣掃街！
一口迷你漢堡 加配流心芝士蝦球連飲品set
上次响美孚去咗食甜嘢所以skip咗佢 呢鑊仲唔畀我食返？！
熱辣辣蝦球裡面有芝士，爆香～
少少地嘅份量就啱晒，畢竟仲要去掃街
南非甜酸醬
雖然個蝦球就咁食已經好好食
但係蘸埋呢個甜酸醬層次就更豐富
本身好似泰式越式蝦餅配甜酸醬已經好好味
呢隻醬就creamy啲，完全唔同啊！
迷你吉列炸蠔芝士漢堡
都幾實淨嘅甜包
裡面夾住新鮮生菜同番茄
有塊鹹香芝士
吉列炸蠔（好食！）配埋千島醬
話就話迷你一口包
不過都要食三幾啖先食得晒嘅
墊墊肚叫做okay嘅
繼續出發掃掃掃喇～～～
同tak & 小不點食過early癲
啱啱好彩夠早唔使等位就有位有得食
烤蔬菜 | 奶油薯泥 Padano起司
瓜瓜菜菜燒過之後香甜
加埋陳醋後個味唔錯唔錯
薯泥夠滑都香芝士味
（成餐最好食嘅嘢）
椒剁牛肉 | 台灣眷村好味道
燉牛肉、手抄花椒豆板醬、62.5°C溫泉蛋
大大舊燉牛肉微辣同炆得算～ 腍～
蛋好食嘅滑捋捋咁
個risotto一般般啦一pat嘢咁fully cooked…
串燒 | 吃燉飯配串燒
烤肉串、烤蔬菜串、日式照燒醬、62.5°C溫泉蛋 話說… 睇唔到所謂嘅烤肉串
Happy Friday嘅happy hour梗係要啤啤佢（撒花）
眼花撩亂嘅tap tap tap～
呢度啲啤酒全部都係自家釀製㗎！
啤酒拼盤（啤酒六小杯） | Beer Platter
唔自己諗飲咩就講低自己鍾意嘅口味
然後就由店員揀六小杯
口味由顏色淺至深區分
寫低晒冧巴就知自己飲緊乜
由個platter盤拎啲啤酒出嚟放落靚靚杯墊度先…
咔哩芭蕊喲 | Guava Bonbon
飄飄出芭樂香甜嘅果味啤
淺淺嘅色澤味道清甜
酒精度4.3%用嚟消暑清喉嚨就最啱
海鹽地帶 | Salt Sea
响串噹噹食嘢
就有得即場試荃灣製社企花果園嘅花果茶
李乾蘋果茶
食嘢前坐低就叫呢支先
成份就只係得水、蘋果、李乾同冰糖
無其他添加啲唔知乜嘢落去
味道清甜，夠晒凍好消暑
最重要係開胃，可以開懷大吃串燒（哈）
山楂楊梅茶
食到咁上下就嗌佢
成份都只係水、山楂、楊梅同冰糖
隊熱氣加少少肥油嘅嘢
飲呢啲酸酸地嘅就啱晒喇
雖然功效係話平喘止咳解暑除濕
但係對食緊嘢嘅我嚟講
佢仲可以消滯解膩
