All Posts
開店前十五分鐘排隊都排第九呀～ 所以出菜都係第九位
奈良七種釜めし
因為即叫即整，差唔多半個鐘個釜飯就送到
呢個乜都有嘅招牌飯
裡面有蟹肉、蝦、雞肉、鰻魚等
熱辣辣嘅飯香氣撲鼻
味道極為濃郁
而山菜風しめじ釜めし就非常清香
講真，比頭先個濃郁味嘅更香
話就話係山菜，不過唔係齋嚟㗎
裡面內藏若鶏嘅，只係主要為奈良山菜
唔怪得任何人都話你個飯MUST EAT！
食過就會知有幾好食～
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
凌晨出post係咩玩法？
食宵夜啦梗係！
無論邊個地方嘅佢
每次有新舖都會排長龍
道頓崛嗰間仲要幾時都係排排排隊
（轉角仲有間唔駛排啦但啲人就係鐘意排隊…）
冇錯！夜一夜當然係去食一蘭
元祖一蘭拉麵「天然とんこつラーメン」
個豬骨湯一啲豬腥味都冇
配以微辣嘅赤い秘伝のたれ
香氣提升之餘，更減少油膩感
而且放湯30秒內放麵
搞掂碗麵要响15秒內俾客
所以會食到最合適軟硬度嘅麵條
由麵條湯底落油份量等等都可以自己控制
一碗客人專屬拉麵～
（唔少得係自閉位but我冇坐過）
呀～ 個チャーシュー睇落幾肥但食落唔會好漏
滲有又香又濃嘅鮮豬味，唔錯唔錯
唔駛排隊都OK嘅
如果排好耐為咗食呢碗嘢就免喇…
都話天文館有早餐嘅舖只係得連鎖店開㗎啦
今日食返日式嘅：すき家
係嘅，食日式頹飯好似無咩咁特別
但係竟然搵到啲好正嘅嘢…
とろーりコクぷりん
超～～～ 濃～ 郁～ 奶味嘅布甸
北海道生忌廉 x 馬達加斯加產嘅雲尼拿
濃厚嘅質地布甸滑滑
真係估唔到賣牛丼嘅連鎖店都有咁好味嘅甜品
話晒呢兜嘢係拎咗2016年monde selection金獎
嗱～ 唔係只係我覺得好食㗎
ベーコンアスパラたまごかけごはん朝食
個早餐無咩特別普普通通咁啦
不過普通還普通
雞蛋飯真係邊度食都係覺得好食（嘻）
-———————————————-
延伸閱讀：Happy Days！鹿児島宮崎！ (10D9N)
食鹿児島嘅肉類除咗以しゃぶしゃぶ、蒸し、揚げ、炆、炊き烹調之外
仲有鹿児島桜島嘅火山岩石所造成嘅岩石板溶岩焼き！
較早前已經book座位嘅關係
未坐低啲小食就晌枱面
雖然個樣係ready to eat
但係都唔係就咁就擺入口食嘅
枱中間有個炭爐
嗱，我齋book位不過未order嘢食
明明係想食溶岩焼き點解嗌都未嗌就變咗炭燒呢？
因為呢間嘢嘅前菜唔係就咁一兜兜
係要自己一路燒一路飲吓酒嘅
俾炭燒過嘅蝦呀魷魚乾呀極之香
送酒堅一流！！！
今晚唔飲芋燒酎喇
嚟杯威士忌，呢杯係竹鶴
on rock無咁嗆喉
隻酒香到爆炸，難怪咁多人鍾意飲佢
本日の（特）お刺身盛り合わせ
好似咁多日都冇乜食過刺身咁
嗌個set啦！
就算3品都唔會有我唔鍾意食但係好常見嘅三文魚
太好喇實在～
鹿児島鰻魚嘅養殖量係日本第一
但原來要食又要就腳係唔易搵
所以都係去返就近嘅天文館裡面
有80年以上嘅老店：うなぎの末よし
うな重（梅）、うな丼（小）
啲鰻魚全部細細塊咁無得食好可憐？
非也！其實特登叫最最最細嘅
一來brunch時間唔太肚餓
二來係諗住試少少嘢然後出去再食其他嘢
食多兩樣嘢梗係好過一嘢塞爆個肚啦
鰻魚香滑肉腍身
新鮮、肥漏漏、醬汁香甜
飯軟糯重米味
「重」就啲飯裡面冇汁
啱我因為我唔鍾意汁呀湯呀同飯一齊食
「丼」就係丼，上面餸下面飯with汁咁
湯係白味噌，都幾濃吓～
另外點咗碌肝串焼
鰻魚就好容易食到嘅
但佢係鰻魚膶喎
濃縮咗鰻魚味嘅鰻魚膶喎
同鰻魚飯同款嘅醬汁醃過再炭燒
濃濃鰻魚味加上膶獨有嘅味道再配埋甜美嘅醬汁仲有陣炭烤味
好好食！真係好好食！
～滿足～
前兩日食完個普普通通嘅燴鹿児島黒毛和牛
不如都再比多次機會佢
試吓其他做法會唔會特別啲同好食啲啦
而能夠食得出靚牛味
以鉄板焼加熱係其中一種最好嘅方法
最高級黒毛和牛サーロインステーキ
但係，認真嘅再講一次
有可能係因為香港都好易食到鹿児島牛
所以我絕對有理由相信我覺得唔特別唔驚艷係正常嘅
佢唔係唔好食，仲好新鮮㖭
只係可以解釋為香港都可以成日食到呢隻牛嘅味
結論就係：「好食嘅，但好普通囉。」
前菜生ハムサラダ
成碟嘢都係凍嘅
片肉硬崩崩好似仲有啲未溶雪咁喎
肉味係有嘅不過見到都見到啲雪味啦係咪
伊勢海老 （ハーフ）
唔知點解枱枱都有嘅龍蝦
我以為係嚟錯咗
用牛油煎過係唔錯嘅
龍蝦都有佢陣獨有嘅味道
雖然我本身係唔鍾意食龍蝦
不過呢一隻，我唔討厭佢
可能因為新鮮啦牛油啦同陣臭龍蝦味唔太出
响鹿児島天文館搵早餐
除咗啲酒店早餐之外
就只係得啲連鎖餐廳會開
好啦咁都要食㗎啦
doutor勝在穩穩陣陣
咖啡普普通通但係入得口
兩個人食早餐嘅好處係
set裡面嘅包包有唔同餡有得開心些牙
－ ハムタマゴサラダ （ham & egg salad）
－ ビーフパストラミとチェダーチーズ （beef pastrami & cheddar cheese）
-—————-hello，我係一條分隔線-—————–
若き薩摩の群像
呢班係日本鎖國時期仲周圍走去其他國家嘅日本留學生
整個銅像keep住佢等後世嘅人認實佢哋個樣（誤）
等等等食咗十世，終於有得食喇～（好滾動）
鶏飯丼
奄美島嘅鶏飯
話說呢個島近係沖縄
之前話去屋久島已經已經好L遠
時間同去宮崎差唔多
奄美島仲要再再再南啲囉（翻白眼）
好啦呢間有正宗嘅奄美鶏飯
唔駛坐船去就有得食都幾好吖
好，講返碗飯
有雞絲啦有蛋絲紫菜呀蔥呀同飯咁
仲有最最最最緊要嘅雞！湯！
熱辣辣勁濃郁雞味嘅雞湯
個湯係好飲嘅，啲飯都好食嘅
雞絲嚡嚡哋不過都OK好味嘅
but but but其實點講佢都只係一碗好出色嘅湯飯
亦都係一碗好普通嘅湯飯
講真我真係特登嚟食呢碗飯㗎
只可以講：堅戇居囉…
～鶏飯，完～
おでん
呢個反而特別啲喎
一碌豬腳，皮爽肉腍又夠入味
不知不覺就行咗十世
係時候食返餐好嘢～～～
鯛しゃぶ御膳
呢呢呢個set真係不得了
好食到不得了嗰隻
set裡面嘅鯛魚分別落响火鍋同湯
鯛しゃぶ鍋係清湯底
即係D食材新唔新鮮一定食得出
當然呢個set D魚嘅新鮮度係無可置疑
淥兩淥好快熟襯熱食喇喂
啱啱熟嘅魚超～ 彈～ 牙～
魚嘅味道同D湯汁一齊爆出嚟
點埋個特質ポン酢
魚油係魚油但一D點唔會漏
之後淥嘅菜都有陣魚味，good！
而個鯛あら汁又係個無得頂之作
みそ香味仲帶住啖啖濃郁魚味
魚係浸住响湯裡面
不過少少過火浸耐咗微微嚡口嘅感覺都無
呀～ 唔可以留咗彈牙味甜嘅薩摩魚餅
飯都好好味，成個set無一樣嘢可以挑剔
唔知係咪浸得溫泉多
血液循環得太好
連消化系統都運作得異常暢順
呢一刻真係好肚餓
餓到個胃好L痛 (´-﹏-`；)
食牛啦，牛快熟D嘛
加上鹿児島除咗最出名嘅黒豚
鹿児島黒和牛都好似好正咁㗎嘛
仲要一大個煎pan一鑊熟
裡面有菜呀芽菜呀咁
再加埋啤酒啦，多D營養到肚
但係個kimchi係想點呢？勁唔咩廚
點埋個汁就食得喇
食到七七八八店員就落個うどん
好，咁就完喇。
勁普通嘅嘢炒埋一碟囉
唔知關唔關前幾日食完好正嘅宮崎牛事
唔知關唔關香港都好易食到鹿児島牛事
就算餓到個肚扁咗個胃痛咗
呢D求其食碗南記都覺得係美食嘅情況下
都唔覺得呢餐鹿兒島牛有咩咁特別
同有乜咁好食到要坐飛機嚟鹿児島食
係㗎，周圍氣氛幾好
D友仔放工同上司同事三五知己
體力勞動 x 浸溫泉 x 舟車勞頓 ＝ 要能量補充。
火の島御膳
梗係食晒成set啦！！！（吼吼吼）
應該唔止因為肚餓
本身D食材都係新鮮同當地嘢
好～ 好～ 食～
炸物唔油膩又脆口
魚仔味道酸酸咁配菜又腍腍哋
薩摩魚餅彈彈牙
煮豆呀同豬肉腍身又濃味
連舊蒟蒻都好香呢
蘿蔔漬物鹹鹹哋好爽口
碗湯有濃郁豬味，真係好好飲
同個手繪menu有dd分別
右手邊杯小小桜島小みかんjuice好好味
一飲而盡呢～
而杯果汁遮住咗嗰兜菜salad
向桜島出發～～～
鹿児島港フェリーターミナル
落咗市營電車一直行就會到
抬頭一望就已經係桜島 (個火山)喇
鹿児島港フェリー乗船口
有船都唔會搭住
因為要特登等十一點零五分
唯一一班會兜遠D嗰班船
所以先去櫃位用welcome cute兌換船飛
仲有兩粒「桜島小みかんキャンディー」送呢
兩隻船都一樣係零五分出發
我就搭左邊隻桜島丸
會响錦江湾度兜五十分鐘慢慢睇海睇山睇市街地
再講多次：一日只係得一班
而價格係同右邊埋緊站嗰種全日廿四小時搭得
船程十五分鐘嘅定期航路一模一樣
by the way，阿桜島丸船身有隻紫紅色精靈公仔
佢個名叫做サクラエンジェル ちゃん
同第二桜島丸隻綠色サクラフェアリー ちゃん係唔同㗎
