[Happy Days！鹿児島宮崎！] Day 8：ステーキハウス和牛門
前兩日食完個普普通通嘅燴鹿児島黒毛和牛
不如都再比多次機會佢
試吓其他做法會唔會特別啲同好食啲啦
而能夠食得出靚牛味
以鉄板焼加熱係其中一種最好嘅方法
最高級黒毛和牛サーロインステーキ
但係，認真嘅再講一次
有可能係因為香港都好易食到鹿児島牛
所以我絕對有理由相信我覺得唔特別唔驚艷係正常嘅
佢唔係唔好食，仲好新鮮㖭
只係可以解釋為香港都可以成日食到呢隻牛嘅味
結論就係：「好食嘅，但好普通囉。」
前菜生ハムサラダ
成碟嘢都係凍嘅
片肉硬崩崩好似仲有啲未溶雪咁喎
肉味係有嘅不過見到都見到啲雪味啦係咪
伊勢海老 （ハーフ）
唔知點解枱枱都有嘅龍蝦
我以為係嚟錯咗
用牛油煎過係唔錯嘅
龍蝦都有佢陣獨有嘅味道
雖然我本身係唔鍾意食龍蝦
不過呢一隻，我唔討厭佢
可能因為新鮮啦牛油啦同陣臭龍蝦味唔太出
除咗牛之外仲叫咗個海鮮盛り
有蝦有魚有帶子
係新鮮嘅，未到「哇好好食」嘅興奮程度咁樣
汁物
用赤味噌… 香嘅… 唔太鹹嘅…
自己响屋企都煮得到嘅…
シャーベット
細細一粒pie，未算好有誠意
是但啦…（無力感）
お茶、ビール
唔想飲咖啡啦，茶算啦
千祈唔好同今日飲過嘅茶比較就OK
至少茶可以消滯
啤酒係另外嗌，隊咗兩杯
今日都算好唔稱心
飲完酒早啲返去瞓希望今日快啲過啦
-———————————————-